வணக்கம்.

இன்று இடம் பெற்றிருக்கும் பாடல் பலருடைய மனம் கவர்ந்த பாடல்களுள் ஒன்று. இந்த நேரத்தில் பரவலான கவனத்தையும், பாராட்டுகளையும் பெற்றிருக்கும் தங்க மீன்கள் படக்குழுவினரின் முதல் படைப்பு கற்றது தமிழ். படத்தில் இடம்பெற்ற மெலடி வகைப் பாடல் ஒன்றுதான் இங்கே. நா. முத்துக்குமார் வரிகளில் யுவன் இசையமைத்துப் பாடியிருக்கும் இந்த பாடல் ரொம்பவே அழகியலான காட்சியமைப்புகளால் அலங்கரிக்கப்பட்ட பாடல். காட்சிகளை உணர்ந்து எழுதிய வரிகளுக்கு குந்தகம் செய்யாத காட்சியமைப்பு கொண்ட சில பாடல்களுள் இதுவும் ஒன்று. 1நா.முத்துக்குமார் + யுவன் ஷங்கர் ராஜா  கூட்டணிக்கு இதுதான் முதல் படமா? எனத் தெரியவில்லை. ஆனால் இப்படத்திற்கு பின்னர் நா. முத்துக்குமார்+யுவன் கூட்டணிக்கு தனிப்பட்ட ரசிகர்கள் கூடியது உண்மை.

பாடலின் துவக்கம் இசையிலும், காட்சியிலும் அத்தனை சிறப்பாக உள்ளது. அதிலும் ஆங்காங்கே மழைத்தூறலின் உற்சாகத்தைத் தரும் வகையில் அமைந்த

ஒரு முறை ஒரு முறை நீ சிரித்தால்
நான் வாழ்வது அர்த்தமாகும்
மறு முறை மறு முறை நீ சிரித்தால்
என் ஜென்மத்தின் சாபம் தீரும்

என்ற வரிகள் அத்தனை பாந்தமாகப் பொருந்துகின்றன. வரிகளை இரசியுங்கள். காட்சிகளில் கரையுங்கள்.

படம் : கற்றது தமிழ்
இசை : யுவன் ஷங்கர் ராஜா
பாடியவர் : யுவன் ஷங்கர் ராஜா
பாடலாசிரியர் : நா.முத்துகுமார்
*******************************

உனக்காகத்தானே இந்த உயிர் உள்ளது.
உன் துயரம் சாய என் தோள் உள்ளது.
முடியாமல் நீளும் நாளென்றும் இல்லை!
யார் என்ன சொன்னால் என்ன? அன்பே!
உன்னோடு நானும் வருவேன்!

ஒரு முறை ஒரு முறை நீ சிரித்தால்
நான் வாழ்வது அர்த்தமாகும்
மறு முறை மறு முறை நீ சிரித்தால்
என் ஜென்மத்தின் சாபம் தீரும்

வான் பார்த்த பூமி காய்ந்தாலுமே, வரப்பென்றும் அழியாதடி!
தான் பார்த்த பிம்பங்கள் தொலைந்தாலுமே, கண்ணாடி மறக்காதடி!
மழை வாசம் வருகின்ற நேரமெல்லாம்,
உன் வியர்வை தரும் வாசம் வருமல்லவா!
உன் நினைவில் நான் உறங்கும் நேரம் அன்பே!
மரணங்கள் வந்தாலும் வரம் அல்லவா!

ஒரு முறை ஒரு முறை நீ சிரித்தால்
நான் வாழ்வது அர்த்தமாகும்
மறு முறை மறு முறை நீ சிரித்தால்
என் ஜென்மத்தின் சாபம் தீரும்.

(உனக்காகத்தானே)

 நாம் இருக்கும் இந்த நொடி முடிந்தாலுமே,  நினைவென்றும் முடியாதடி!
நாம் எடுத்த நிழற்படம் அழிந்தாலுமே, நிஜமென்றும் அழியாதடி!
நான் கேட்கும் அழகான சங்கீதங்கள்
நீ எந்தன் பெயர் சொல்லும் பொழுதல்லவா!
என் மூச்சின் சுவாசங்கள் உனதல்லவா!
நீயின்றி என் வாழ்க்கை பழுதல்லவா!

ஒரு முறை ஒரு முறை நீ சிரித்தால்
நான் வாழ்வது அர்த்தமாகும்.
மறு முறை மறு முறை நீ சிரித்தால்
என் ஜென்மத்தின் சாபம் தீரும்.

(உனக்காகத்தானே )

பாடல் மட்டும் 

பாடலோடு இயைந்த காட்சிகளும்

யுவன்இன்று இசையமைப்பாளர் யுவன் ஷங்கர் ராஜாவின் பிறந்தநாள். அவருக்கு இசைப்பாவின் வாழ்த்துகள்.

இசைப்பா +

யுவன் இதுவரை 100 படங்கள் இசையமைத்துள்ளார்.

பாடல் குறித்த உங்கள் கருத்துகள், திருத்தங்கள், எதுவானாலும் பகிரலாம்.

 இதே கூட்டணியின் தங்க மீன்கள் படப்பாடல்கள் முழுமையாக.

நா.முத்துக்குமார் பாடல்கள்- இசைப்பாவில்
யுவன் ஷங்கர் ராஜா பாடல்கள்- இசைப்பாவில்

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s