இசைப்பாவில் பாடல்கள் அடிக்கடி வெளிவராவிட்டாலும், பார்வைகள் என்னவோ பிரமிக்க வைக்கிறது. நீங்கள் தரும் உற்சாகத்தின் மிகுதியால் தான் , ஆர்வமுடன் பாடல்கள் வெளியிட முடிகிறது. சினிமா பாடல் தான், ஆனாலும் சுதந்திர காலத்து பாடல். இசை எங்கும் இனிக்கட்டும்.

எம் எஸ் அம்மா குரலில் ரொமான்ஸ்…… கேக்கவே இனிக்குதுல. 1945ல் வெளிவந்த சகுந்தலை படப்பாடல் உங்கள் செவிக்கு. எம் எஸ் அம்மாவின் சொந்த தயாரிப்பு நிறுவனமான ராயல் டாக்கிஸ் தயாரித்த படம். ஹீரோ ஜி.என்.பி அவர்கள். படத்தில் மொத்தம் 24 பாடல்கள். கிராமோ-போன் கம்பனி வெளியிட்ட சில பாடல் மட்டுமே நமக்கு மிஞ்சி உள்ளது.

பாடல்கள் அனைத்தும் பாபநாசம் சிவம் எழுதியது. மனதை ஈர்க்கும், கொஞ்சும் தமிழ், அதே சமயம் மனதை வருடும் வரிகள். படாடோபம் இல்லாத, பாமரர்களுக்கும் எளிதில் புரியும் தமிழ். இசையோ மெல்லிய மேன்மை. வரிகளை மெருகூட்டும் ராக தாளத்தில். குரல் ஸ்பஷ்டமாக கேட்கும் அளவுக்கு பிரமாதமான ரெகார்டிங். எம்.எஸ் அம்மாவின் குரல் பத்தி சொல்லியே ஆக வேண்டும் : தான் பாடும் பாடலின் கருவாக விளங்குவது அவர்களுக்கு அனிச்சையான விஷயம். எந்த ஒரு உணர்வானாலும், அவர்கள் கீதத்தில், மேதமை பெருகிறது. இன்றும் என்றும் இன்பம் தரும் இறைக் குயில் எம்.எஸ் !

இசைப்பாவில் ஜி.என்.பாலசுப்பிரமணியம் அவர்களின் அறிமுக பாடல் இது. அவரது தனிப்பாடல்களில் அவரை பற்றி மேலும் பேசுவோம்.

பாடல் : பிரேமையில் யாவும் மறந்தேனே
பாடியவர்கள் : எம் எஸ் சுப்புலட்சுமி, ஜி என் பாலசுப்பிரமணியன்
படம் : சகுந்தலை (1945)
இசையமைப்பு : எஸ் வி வெங்கட்ராமன்
பாடலாசிரியர் : பாபநாசம் சிவன்

பிரேமையில் யாவும் மறந்தேனே….
பிரேமையில் யாவும் மறந்தேனே….
பிரேமையில்….

ஜீவனம் உனதன்பே
ஜீவனம் உனதன்பே – என் அன்பே
வானமுதும் விரும்பேனே
பிரேமையில் யாவும் மறந்தோமே…

பிரேமையில்…

பிரேமை வெண்ணிலா ஜோதி வீச…
…என் உள்ளம் பரவசமாக
பிரேமை வெண்ணிலா ஜோதி வீச…
…என் உள்ளம் பரவசமாக

என்னை மறந்தேன் மதனமோகனா….
என்னை மறந்தேன் மதனமோகனா…!

நான் உன்னை மறவேன் ! 
உம்மை நான் பிரியேன் !

நான் உன்னை மறவேன்
உம்மை நான் பிரியேன்

வானோர்க்கும் அரிதாம்
குறைவில்லாத பிரேமையில்
யாவும் மறந்தோமே

பிரேமையில் யாவும் மறந்தோமே !

சிறிய பாடலானாலும், சிலிர்க்க வைக்கும் ! மீண்டும் ஒரு இனிய பாடலில் இணைவோம். உங்கள் கருத்துகள், விருப்பங்கள் வரவேற்க்கப்படுகின்றன.

Advertisements

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s