கண்கள் நீயே..காற்றும் நீயே…..!

வணக்கம்.
இசைப்பா-வில் இதுவரை நிகழாத ஒரு நிகழ்வு இப்பாடலுக்குதான் நிகழ்ந்துள்ளது. ஒரே பாடலை பல பங்களிப்பாளர்கள் பதிந்து வைத்தது இதுவே முதல் முறை. எனவே அனைத்து பதிவுகளையும் ஒருங்கிணைத்து இங்கே தருகிறோம்.
***************
நீண்ட நாட்களுக்கு பின் நான் எழுதும் பதிவு. இது என் அம்மாவை நினைத்து எழுதுவது.  தமிழில் பல தாலாட்டு ஆண் கவிஞர்களால்  எழுதப்பட்டிருக்கிறது. ஆனால் நிஜ வாழ்வில் தாலாட்டு தாய்க்கு உரியது. முதன் முதலாக பெண் கவிஞரால் எழுதப்பட்ட தாலாட்டுப்பாடல்  இதுவே .

உணர்வுகளை உணர்ந்து கொள்ள தாயை தவிர வேறு எவரும் இந்த உலகில் இல்லை. ஒரு தாய்க்கு தன் குழந்தையே உலகமாகிறது – அக்குழந்தையின் பிறப்புக்கு பின். ஒரு தாய் தான் தன் குழந்தையை எல்லாவுமாய் பாவிக்கிறாள். அதற்கு சிறந்த எடுத்துக்காட்டு இந்த பாடல்.

-குழலினி

***********

இந்த பாடலை பாடியது சித்தாரா அவர்கள் என்று இன்றுதான் தெரிய வந்தது. சமீபத்தில் அவரை இசைப்பாவில் ‘அம்மாடி நான்..'(ஜெ.சி.டேனியல்) பாடல் மூலம் அறிமுகம் செய்ய இருந்தோம். இருந்தும் இதுவும் ஒரு இனிய பாடல், வளமான குரல். சேர நாட்டு பெண் அவுங்க. உணர்வுகளை, ஏக்கங்களை பளிச்சென நெஞ்சில் பதிய வைக்கும் அவரின் குரலில் தாயின் உள்மனதின் ஈரம் வடிகிறது. தெரிகிறது.

இப்பாடலுக்கு 2012ஆம் ஆண்டின் சிறந்த பாடல் – என்று விஜய் டிவி நிறுவனத்தின் விருது வழங்கப்பட்டது. விழாவில் பேசிய தாமரை (காணொளி). தமிழ் மொழி வார்த்தைகளை மட்டுமே கொண்டு, ஆபாசம் மற்றும் இரட்டை அர்த்தம் இல்லாமல், எழுதும் கவிஞர் தாமரை என பலருக்கு தெரியாது.

-ஓஜஸ்

****************

மிக எதேச்சையாக, இப்படத்தின் பாடல்கள் வெளிவந்த சில நாட்களிலேயே எல்லா பாடல்களையும், கேட்கும் வாய்ப்பு கிட்டியது. என் தோழர் ஒருவர் நடுநிசியில் உறக்கம் வராமல் தவித்திருக்கிறார். மொபைலில் ஏற்றி வைத்த பாடல்களை துழாவியிருக்கிறார். இப்படம் புதிதாக இருக்கவே, கண்கள் நீயே பாடலை கேட்கத் தொடங்கியிருக்கிறார்.கேட்ட மாத்திரத்தில் பாடலுக்குள் வீழ்ந்த அவர் 2-3 முறை கேட்டுவிட்டு தானாகவே உறங்கி விட்டார். மறுநாள் எங்களிடமும் ”என்னா பாட்டுடா!” என வியந்து அதைப் பகிர்ந்து பல தோழர்களுக்கும், இப்பாடலை ரசிக்க தூண்டினார். உங்களுக்கும் உறக்கம் வராது தவிக்கும் தருணம் கிட்டினால் முயன்று பாருங்களேன்!

குழந்தையை மையப்படுத்தி பாடும் தாயின் உணர்வுகளை அப்படியே எழுத்துக்குள், பாட்டுக்குள் வைத்ததுதான் பாடலின் வெற்றி. இவ்வரியை வாசிக்கையிலே எத்துணை இன்பம்.

முகம்  வெள்ளைத்  தாள்.
அதில்  முத்தத்தால்,
ஒரு வெண்பாவை  நான் செய்தேன்  கண்ணே!
இதழ் எச்சில் நீர்
எனும்  தீர்த்தத்தால்,
அதில் திருத்தங்கள்  நீ செய்தாய்  கண்ணே!

பாடலுக்குள்ளும் அழகாக அமரும் மற்ற வரிகளும் அருமையோ அருமை!

-தமிழ்

*******

அன்னையின் பாசமும், தன் குழந்தையை வளர்க்கும் துணிவுடனும் தன் வாழ்வையை அழகாக எடுத்துரைக்கும் தாமரை அவர்களின் வரிகள் இசைக்கும் வேளைகளில் நமக்கும் தாய்மை உணர்வை ஏற்ப்படுத்தும் வரிகள். வாழ்வில் தாயின் நேசம் அது மனிதனை முழுமை படுத்துவதாக அமைகிறது. அவளின் ஒவ்வொரு அசைவிலும் தன் பிள்ளை எதிர் காண இருக்கும் காலம் பற்றி அவள் சிந்திப்பதையும் பாடல் வரிகளின் வடிவில் அருமையாக எடுத்துரைக்கிறார் பாடல் ஆசிரியர்.சில சமயங்களில் பிள்ளைகளால் தாய்க்கு தரப்படும் நேசம் அவளின் தவம் புரியா வரமாக அமைகிறது. பிள்ளையின் கண்களில் பாசமும் பெற்றவள் கண்ணில் நேசமும் அவர்களுக்கிடையில் இசையான வாழ்க்கை சுழற்சி அழகாக வரிகளாக உருப்பெற்றுள்ளது.
-பவானி
***********

thamaraiவாழ்த்துகள் கவிதாயினி தாமரை.

ஒரே ஒரு குறைதான்! பாடல் வரிகளின் முழுத் தாக்கமும் காட்சிகளில் இல்லை என எண்ணுகிறோம். உங்களுக்கும் அவ்வாறே தோன்றினால் பாடல் வரிகளின் ஆழத்தை உணருங்கள். இசையோடு இணையுங்கள்.

************

பாடல் : கண்கள் நீயே காற்றும் நீயே
படம் : முப்பொழுதும் உன் கற்பனையில் 
பாடலாசிரியர் : தாமரை
இசையமைப்பாளர் : ஜி.வி.பிரகாஷ்
பாடியவர் : சித்தாரா

கண்கள்  நீயே..காற்றும்  நீயே

தூணும்  நீ ..துரும்பில் நீ

வண்ணம்  நீயே ..வானும்  நீயே

ஊனும் நீ ..உயிரும்  நீ

பல  நாள்  கனவே
ஒரு  நாள் நனவே
ஏக்கங்கள்  தீர்த்தாயே
இடையில்  பிழிந்து  உன்னை  நான்  எடுத்தேன்
நான் தான்  நீ ..வேறில்லை
முகம்  வெள்ளைத்  தாள்
அதில்  முத்தத்தால்
ஒரு வெண்பாவை  நான் செய்தேன்  கண்ணே
இதழ் எச்சில் நீர்
எனும்  தீர்த்தத்தால்
அதில் திருத்தங்கள்  நீ செய்தாய்  கண்ணே

(கண்கள்  நீயே..காற்றும்  நீயே)

இந்த  நிமிடம்  நீயும்  வளர்ந்து
என்னை  தாங்க  ஏங்கினேன்
அடுத்த  கணமே  குழந்தையாக
என்றும்  இருக்க  வேண்டினேன்
தோளில்  ஆடும்  சேலை
தொட்டில்  தான்  பாதி  வேலை
சுவர்  மீது  கிறுக்கிடும்போது
ரவிவர்மன்  நீ
இசையாக பல பல ஓசை
செய்திடும் .. ராவணன்
ஈடில்லா  என்  மகன்

எனைத்  தள்ளும்  முன்
குழி  கன்னத்தில்
என் சொர்கத்தை நான் கண்டேன்  கண்ணே
எனை கிள்ளும் முன்
விரல்  மெத்தைக்குள்
என் முத்தத்தை  நான் தந்தேன்  கண்ணே

என்னை  விட்டு  இரண்டு  எட்டு
தள்ளிப்  போனால்  தவிக்கிறேன்
மீண்டும்  உன்னை  அள்ளி  எடுத்து
கருவில்  வைக்க  நினைக்கிறேன்

போகும்  பாதை  நீளம்
கூரையாய்  நீல  வானம்
பல  நூறு  மொழிகளில்  பேசும்
முதல்  மேதை  நீ
பசி  என்றால்  தாயிடம்  தேடும்
மானிட  மர்மம்  நீ
நான்  கொள்ளும்  கர்வம்  நீ

கடல்  ஐந்தாறு
மலை ஐநூறு
இவை  தாண்டித்  தானே
பெற்றேன்  உன்னை
உடல்  செவ்வாது  பிணி  ஒவ்வாது
பல  நூறாண்டு  நீ ஆள்வாய் மண்ணை

(கண்கள்  நீயே..காற்றும்  நீயே)

இசைப்பா+

தமிழ்த் திரையுலகின் முதல் பெண் பாடலாசிரியர் கவிஞர் தாமரை தான்!

கருத்துக்கள் மற்றும் திருத்தங்களை எப்போதும் போல எதிர்பார்க்கிறோம்.

நான் வரைந்து வைத்த..!

இந்த பதிவிற்கு உதவிய என் தோழர்களுக்கும்.  இந்த பதிவை படிக்கும் தங்களுக்கும் மனமார்ந்த நன்றி . நீண்ட நாட்களாக எந்த பதிவும் எழுதவில்லை . இந்த பாடலை அதிகம் கேட்கும் பழக்கம் உண்டு . ஏன் இதை எழுதக் கூடாது என்று முடிவெடுத்தேன்.

இந்த பாடலை ஹரிஹரன் , மதுஸ்ரீ அவர்களும் அழகாக பாடியுள்ளார்கள்.இசைகேத்த வரிகளும் இனிமையான குரலும் கேட்கும் மனதை எந்த சூழலிலும் இருந்தாலும் மாற்றி விடும் அளவு மிக அழகாக அருமையாக அமைக்கப்பட்டுள்ளது. அழகான வரிகள் அமைத்துள்ளார் யுகபாரதி .

காதல் வந்தால் இப்படியும் மாறிவிடுவர் போலும் !!

மணல் வெளியில் மலர்கள் பூப்பதும், சூரியன் ஒளிரவும் !!

காக்கைகளும் மயில்கள் ஆனதோ !!

மூச்சில் இசை என்பார்கள் அதை உன்னால் தான் உணர்ந்தேன் !!

—-அழகான வரி காதலின் வெளிப்பாடு அழகாக உள்ளது !!

பாடல்: நான் வரைந்து வைத்த

இசை: வித்யாசாகர்

பாடல் வரிகள்: யுகபாரதி

பாடியவர்கள்: ஹரிஹரன், மதுஸ்ரீ

படம்: ஜெயங்கொண்டான்

நான் வரைந்து வைத்த சூரியன் ஒளிருகின்றதே
நான் கடந்து சென்ற மணல் வெளி மலருகின்றதே
நான் துரத்துகின்ற காக்கைகள் மயில்களானதே
என் தலை நனைத்த மழை துளி அமுதமானதே
நான் இழுத்து விட்ட மூச்சிலே இசை கசிந்ததே

நான் வரைந்து வைத்த சூரியன் ஒளிருகின்றதே
நான் கடந்து சென்ற மணல் வெளி மலருகின்றதே

ஜன்னல் கம்பி உந்தன் கைகள் பட்டு பட்டு
வெள்ளி கம்பி என்று ஆகியதே
கம்பஞ்சக்கை உந்தன் கண்கள் தொட்டு தொட்டு
தங்க சிற்பம் என்று மாறியதே

ஜன்னல்…

பூக்கும் புன்னகையாலே
என் தோள்கள் இறக்கிகள் ஆக
நாக்கு உன் பெயர் கூற
என் நாட்கள் சர்க்கரை ஆக
தலை கீழ் தடு மாற்றம் தந்தாய்
என் இனிய காலையில்

நான் வரைந்து வைத்த சூரியன் ஒளிருகின்றதே
நான் கடந்து சென்ற மணல் வெளி மலருகின்றதே

பள்ளி செல்ல வில்லை
பாடம் கேட்க வில்லை
அள்ளி கொள்ள மட்டும் நான் படித்தேன்

நல்ல முல்லை இல்லை
நாணம் கையில் இல்லை
உன்னை மட்டும் இங்கு நான் தொடுத்தேன்

பள்ளி…

ஊஞ்சல் கயிரில்லாமல்
என் ஊமை மனது ஆடும்
தூங்க இடமில்லாமல்
என் காதல் கனவை நாடும்
நொடியும் விலகாமல் கொஞ்சம்
கெஞ்சும் தஞ்சம் நெஞ்சம்

நான் வரைந்து வைத்த….

உங்களுக்கு பிடித்த பாடல்களை வாசகர் விருப்பமாக சொல்லுங்கள். நீங்களும் இங்கு பங்களிக்க வாய்ப்பு உண்டு. இசையை அனுபவிக்க, ரசனையை அதிகரிப்பதே எங்கள் முயற்சி. நன்றி !

அழகு குட்டிச் செல்லம் !!

இசையால் இதயம் தொட்ட வணக்கம்.
தொடர்ந்து பிப்ரவரி மாதப்பாடல்கள் பலரையும் ஈர்த்து வருகிறதை அறிகிறபோது மகிழ்ச்சியாக உள்ளது. இந்த மகிழ்ச்சி இன்றும் தொடரட்டும்.

இந்த பாட்டு அன்பின் வெளிப்பாடு. மழலைகளின் மீதான காதலின்,அன்பின் வெளிப்பாடு. வஸந்த் அவர்கள் இயக்கிய சத்தம் போடாதே என்கிற படத்தில் இடம்பெற்ற நாயகன் அறிமுகப்பாடல். படத்திற்குப் படம் பாடல்களைப் படமாக்குவதில் புதுமை செய்யும் இயக்குனர் இதில் ரொம்பவே மெனக்கட்டு அழகியலைக் கொண்டுவந்திருக்கிறார்.

முற்றிலும் 3-4 வயதிற்குட்பட்ட குழந்தைகளைப் பாடல் நெடுக வெவ்வேறு உணர்ச்சிகளை அவர்கள் முகங்களின் வாயிலாக அழகாகப் பதிவு செய்திருப்பது உண்மையிலேயே மனதிற்கு நெருக்கமான ஒரு காட்சியமைப்பு.

நா. முத்துக்குமார்-யுவன் கூட்டணியில் வஸந்த்தின் இயக்கத்தில் உங்கள் மனதையும் கொள்ளை கொள்ள ஒரு பாடல் ஷங்கர் மகாதேவனின் மயக்கும் குரலில்.

எந்த   நேரம் உன்னை  பார்த்தாலும் உன் பொன் சிரிப்பு மனதை கொள்ளை கொள்ளும் !!!
மலரின் சிரிப்பு கூட வாடி விடும்!  உன் பொன் சிரிப்பு -வாடி இருக்கும் என் மனதையும் கடத்தி செல்கிறதே …!!!
உன் தீண்டலில் என் வலி மறக்கிறேன் !
உனது அழுகை கூட இனிமையே..!!!
எந்தவித கவலையும் இன்றி இருக்கிறாயே!!! எனக்கும் உன்னைப் போல் இருக்க ஆசை !!!
நீ யோசிக்கிறாயோ? அமைதியாக இருக்கிறாய் ..
எந்த மொழியில் இருக்கும் உன் யோசனை ?????
ஒளிந்து ஒளிந்து போக்கு காட்டுகிறாயே சின்னக் கண்ணனே …புன்னகை  மன்னனே !!!
உன் சிரிப்பில் விரும்பி மாட்டிக் கொண்டேன் நான் திரும்பி போக மாட்டேன்!

முத்து யுவன் !
முத்து யுவன் !

பாடல்: அழகுக் குட்டிச் செல்லம்.
இசை: யுவன் ஷங்கர் ராஜா.
பாடலாசிரியர்: நா.முத்துக்குமார்.
பாடியவர்: ஷங்கர் மகாதேவன்

அழகு குட்டிச் செல்லம்
உன்னை அள்ளி தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்து போனேன்

ஆளை கடத்திப் போகும்
உன் கன்னக்குழியின் சிரிப்பில்
விரும்பி மாட்டிக்கொண்டேன்
நான் திரும்பி போக மாட்டேன்

அம்மு நீ
என் பொம்மு நீ
மம்மு நீ
என் மின்மினி

உனக்கு தெரிந்த மொழியிலே எனக்கு பேசத் தெரியலே
எனக்கு தெரிந்த பாஷை பேச உனக்கு தெரியவில்லே..
இருந்தும் நமக்குள் இது என்ன புது பேச்சு
இதயம் பேச எதற்கிந்த ஆராய்ச்சி?

அழகு குட்டிச் செல்லம்
உன்னை அள்ளி தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்து போனேன்

ஆளைக் கடத்திப் போகும்
உன் கன்னக்குழியின் சிரிப்பில்
விரும்பி மாட்டிக்கொண்டேன்
நான் திரும்பி போக மாட்டேன்

ரோஜாப்பூ கை ரெண்டும் காற்றோடு கதை பேசும்
உன் பின்னழகில் பௌர்ணமிகள் தகதிமிதா ஜதி பேசும்
எந்த நேரம் ஓயாமல் அழுகை
ஏன் இந்த முட்டிக்கால் தொழுகை?
எப்போதும் இவன் மீது பால் வாசனை
எந்த மொழியில் சிந்திக்கும் இவன் யோசனை?
எந்த நாட்டை பிடித்து விட்டான்
இப்படியோர் இரத்தினக்கால் தோரணை.. தோரணண..!!

அழகு குட்டி செல்லம்
உன்னை அள்ளி தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்து போனேன்

ஆளை கடத்திப் போகும்
உன் கன்னக்குழியின் சிரிப்பில்
விரும்பி மாட்டிக்கொண்டேன்
நான் திரும்பி போக மாட்டேன்

நீ தின்ற மண் சேர்த்தால் வீடொன்று கட்டிடலாம்
நீ சினுங்கும் மொழி கேட்டால் சங்கீதம் கற்றிடலாம்
தண்டவாளம் இல்லாத இரயிலை
தவழ்ந்த படி நீ ஓட்டிப் போவாய்
வம்பு தும்பு செய்கின்ற பொல்லாதவன்
கடவுள் போல் கவலைகள் இல்லாதவன்
ஒளிந்து ஒளிந்து போக்கு காட்டி
ஓடுகின்ற கண்ணனே.. புன்னகை மன்னனே..

அழகு குட்டி செல்லம்
உன்னை அள்ளி தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்து போனேன்

ஆளை கடத்திப் போகும்
உன் கன்னக்குழியின் சிரிப்பில்
விரும்பி மாட்டிக்கொண்டேன்
நான் திரும்பி போக மாட்டேன்

அம்மு நீ
என் பொம்மு நீ
மம்மு நீ
என் மின்மினி
உனக்கு தெரிந்த மொழியிலே எனக்கு பேசத் தெரியலே
எனக்கு தெரிந்த பாஷை பேச உனக்கு தெரியவில்லே..
இருந்தும் நமக்குள் இது என்ன புது பேச்சு
இதயம் பேச எதற்கிந்த ஆராய்ச்சி

அழகு குட்டி செல்லம்
உன்னை அள்ளி தூக்கும் போது
உன் பிஞ்சு விரல்கள் மோதி
நான் நெஞ்சம் உடைந்து போனேன்

ஆளை கடத்திப் போகும்
உன் கன்னக்குழியின் சிரிப்பில்
விரும்பி மாட்டிக்கொண்டேன்
நான் திரும்பி போக மாட்டேன்

ரசித்திருப்பீர்கள் என் நம்புகிறோம். உங்கள் கருத்துகளையும், ஆலோசனைகளையும், விருப்பங்களையும் வரவேற்கிறோம்.

முதல் முறை கிள்ளிப் பார்த்தேன்.

காதலை எந்த விதத்திலும் சொல்ல/காண்பிக்க முடியும்…… என்பதற்கு இந்த பாடல் சான்று.

கண்ணீர், வருத்தத்தில் தான் வருமோ ?
தாயின் கர்ப்பம் தாண்டி, மறு முறை உயிர் கொள்ள முடியுமோ ?
முடியும் என்றல், உன் இசை கேட்டு அது சாத்தியமாகும் !
சலங்கைகள் பேச, மௌனம் பாடல் பாட,
மொழி உண்மை ஆனது !
கண்ணீர் உரையாடியது !
கவிதை பாடல் அரங்கேறியது !

பயணத்தில் பிரிந்து செல்லப் போகும் இருவரின் உள்ளத் துடிப்புகள், எப்படி இருக்கும் என சொல்கிறார் வைரமுத்து. மாட்டு வண்டி, கார் சகிதம் கிராம சாலைகளில் அழகா எடுக்கப்பட்டு இருக்கும் பாடல். பொருத்தமான குரல்கள். ஒரு கலவை இசை என, விரியுது உணர்வுகள்.

சங்கமம்
சங்கமம்

பாடல் பாடியது : ஸ்ரீனிவாஸ், சுஜாதா
பாடல் வரிகள் : வைரமுத்து
இசை :ஏ. ஆர். ரகுமான்
படம் : சங்கமம்

முதல்முறை கிள்ளிப் பார்த்தேன்.
முதல் முறை கண்ணில் வேர்த்தேன்.
எந்தன் தாயின், கர்ப்பம் தாண்டி,
மறுமுறை உயிர் கொண்டேன்.
உன்னால், இருமுறை உயிர் கொண்டேன்.

(முதல்முறை…)

முதல் முறை எனக்கு
அழுதிடத் தோன்றும் – ஏன் ?
கண்ணீருண்டு சோகமில்லை,
ஆமாம் மழையுண்டு மேகமில்லை !

கால்களில் கிடந்த சலங்கையைத் திருடி,
அன்பே, என் மனசுக்குள் கட்டியதென்ன ?

சலங்கைகள் அணிந்தும்,
சத்தங்களை மறைத்தாய் – பெண்ணே
உன் உள்ளம் தன்னை ஒளித்ததென்ன ?

விதையொன்று உயிர் கொள்ள,
வெப்பக்காற்று ஈரம் வேண்டும்.
காதல் வந்து உயிர் கொள்ள,
காலம் கூட வேண்டும்.

ஒரு விதை உயிர் கொண்டது – ஆனால்
இரு நெஞ்சில் வேர் கொண்டது !

சலங்கையே கொஞ்சம் பேசு,
மௌனமே பாடல் பாடு,
மொழியெல்லாம் ஊமையானால்,
கண்ணீர் உரையாடும் – அதில்
கவிதை அரங்கேறும் !

பாதையும் தூரம்,
நான் ஒரு பாரம்,
என்னை உன் எல்லை வரை,
கொண்டு செல்வாயா ?
உடலுக்குள் இருக்கும் உயிர் ஒரு சுமையா ?
பெண்ணே உன்னை நானும் விட்டுச் செல்வேனா ?

தந்தை தந்த உயிர் தந்தேன்.
தாய் தந்த உடல் தந்தேன்.
உறவுகள் எல்லாம் சேர்த்து,
உன்னிடம் கண்டேன்………

மொத்தத்தையும் நீ கொடுத்தாய் – ஆனால்
முத்தத்துக்கோ நாள் குறித்த்தாய் !

முதல்முறை கிள்ளிப் பார்த்தேன்.
முதல் முறை கண்ணில் வேர்த்தேன்.
எந்தன் தாயின், கர்ப்பம் தாண்டி,
மறுமுறை உயிர் கொண்டேன்.
உன்னால், இருமுறை உயிர் கொண்டேன்.

(முதல்முறை…)

முதல் முறை எனக்கு
அழுதிடத் தோன்றும் – ஏன் ?
கண்ணீருண்டு சோகமில்லை,
ஆமாம் மழையுண்டு மேகமில்லை !

இசைப்பா குழுவிடமிருந்து :

என்ன மாயமோ, மந்திரமோ தெரியவில்லை 2013ஆம் வருடம் இசைப்பாவிற்கு மிகவும் இனிப்பாக உள்ளது. எல்லாம் எந்த இசை தான் காரணம்.நொடிப்பொழுதில், காந்தம் போல பலரை கட்டி இழுத்து விடுகிறது.புதிதாக பல பேர், எங்களுடன் பங்காளிக்க, இசையை பகரிந்து பருக சேர்ந்து உள்ளார். அனைவரும் நல்வரவு மற்றும் நன்றிகள்.

இந்த பாடலை எழுதியது தோழி அனந்தலக்ஷ்மி அவர்கள்.  அவரது தளம், ட்விட்டர் . வாழ்த்துகள்.

நீங்கள் எப்பொழுது சேர்வதாய் உத்தேசம் ? சீக்கிரம் சொல்லவும். அப்பறம், என் பாடலுக்கு ஏன் இன்னும் நாள் ஒதுக்கவில்லை என்று எல்லாம் கேட்கப்பிடாது. பாடல்களையும், உங்கள் (வாசகர்) விருப்பதை மட்டுமே கேட்கலாம்.

இசை வாழ்க ! இன்பம் பெருக !