ஓ நண்பா, ஏ நண்பா… – லிங்கா

காலம் தொட்டு, தொடர்ந்து செய்து வரும் விஷயங்களை மரபு என்று சொல்லுவோம். இந்த பாடலும் ஒரு மரபே : ரஜினி நடிக்கும் படங்களில், முதல் பாடலை, ஏ ஆர் ரஹமான் இசையமைக்க, வைரமுத்து வரிகள் எழுத, எஸ்.பி.பி பாடி வருகிறார். லிங்கா படப்பாடல் இன்று.

ஆட்டம் போட வைக்கும் Rock இசை. உற்சாகத்துடன் அறிவுரைகளை சேர்ந்து ஊட்டும் வரிகள். நண்பர்களை மையமாக கொண்டுள்ள பாடல், கூட்டு முயற்சியினால் கோடி இன்பம், படத்தின் கருவும் இதில் உள்ளது. தங்கம் தேய்க்க தேய்க்க சோபித்து விளங்கும். SPB குரலும் அது போலே! ரசித்து மகிழுங்கள்.

lingaa

பாடல்: ஓ நண்பா, ஏ நண்பா
இசை: ரஹ்மான்
வரிகள்: வைரமுத்து
பாடியவர்கள்: எஸ்.பி.பி, ஆர்யன் தினேஷ் கனகரத்தினம்
படம்: லிங்கா

ஹே ஹே ஓஹோ ஓஹோ

ஓ நண்பா நண்பா நண்பா
வா கலக்கலாம்!
ஹே நண்பா நண்பா நண்பா
வான் திறக்கலாம்!

ஆசை இருந்தால் நண்பா,
சொர்க்கம் திறக்கும் நண்பா!
நாம் அத்தனைக்கும் ஆசைப்பட்டு,
முத்தெடுபோம் வா நண்பா!

வானம் வலது கையில்,
பூமி இடது கையில்,
வாழ்வே நமது பையில்!

ஓ நண்பா நண்பா நண்பா
வா கலக்கலாமா ?
ஹே நண்பா நண்பா நண்பா
வான் திறக்கலாமா ?

ஹே நண்பா…
ஓ நண்பா….

காதல் பெண்ணும்,
ரசிக்க தானே கிண்ணம்,
ருசிக்க தானே ரெண்டும்,
அளவுத் தாண்டி செல்லாதே!

உன் எல்லை
அறிந்து கொண்டால்
தொல்லை….
உனக்கு இல்லை!
மீனே தண்ணீரை
தாண்டி துள்ளாதே!

உன்னோடு செல்வம்,
எல்லாம் சேர்த்துக்கோ,
கொண்டாட நண்பன்,
வேணும் பார்த்துக்கோ!

ஹே முன்னோர்கள் சொன்னால்
சொன்னால் ஏத்துக்கோ!
வேலைக்கு ஆகதென்றால்
மாத்திக்கோ….!

ஓ நண்பா…

மண்ணில் இன்பம்
இயற்கைதானே
துன்பம் செயற்கை தானே
முள்ளில் நீ மெத்தை
தைத்து தூங்காதே!
முன்பு இன்பம்
கொடுத்ததெல்லாம்
பின்னால் துன்பம் தரும்!
கண்ணா நீ
கட்டுப்பாடு தாண்டாதே
இதயம் பெரிதாக
வாழ்ந்து பார்
இன்பம் பெரிதாகி தீருமே!
உன்னை எல்லாருக்கும்
தந்து பார்
உலகம் உனதாகி போகுமே….!

ஓ நண்பா…

ஓ நண்பா நண்பா நண்பா
வா கலக்கலாம்.
ஹே நண்பா நண்பா நண்பா
வான் திறக்கலாம்.
ஆசை இருந்தால் நண்பா
சொர்கம் திறக்கும் நண்பா
நான் அத்தனைக்கும் ஆசைப்பட்டு
முத்தெடுபோம் வா நண்பா

வனாம் வலது கையில்
பூமி இடது கையில்
வாழ்வே நமது பையில்

ஓ நண்பா நண்பா
நண்பா வா கலக்கலாமா?

அடுத்த புதுப்பாடலுடன் விரைவில் இணைவோம்

Advertisements

அழகிய அழகிய கிளி…

நண்பர்களுக்கு இசையுடன் வணக்கம்,

              எஸ்.பி.பாலசுப்ரமணியம் அவர்கள் பாடிய பாடலோடு சந்திப்பதில் மிக்க மகிழ்ச்சி. பாடல் இடம் பெற்ற படம் அபியும் நானும் வித்யாசாகர் இசையில் பாடல் விறுவிறுப்பாக அமைந்து இருக்கும் . வைரமுத்து வரிகள் கொண்டு பிரிவை எதிர்கொள்ளும் தந்தையின் மனநிலையை அப்படியே உணர்த்தியுள்ளார்.

              மகளின் பிரிவை  எதிர்நோக்கும் விதமாக  பாடல் அமைந்து இருக்கிறது. தந்தையின் மனவலியையும்  அவரின் நிலையையும் ஒவ்வொரு வரியிலும் உணரலாம்.அவர் ஆசையாக தேவதையாக வளர்த்த அப்பெண்ணை, அவள் சேரும் இடம் எப்படி இருக்குமோ என்கிற  உருகும் மனநிலையுடன்  நம் மனதை உருக வைக்கும் அளவிற்கு வடிவமைத்துள்ளார் பாடலாசிரியர்.பாடலை கேட்டவாறே நாமும் பெண் பிள்ளைகள் பெற்ற அப்பாக்களின் உணர்வுகளை உணரலாம் வாருங்கள்.

vairamuthu (1)

படம்:அபியும் நானும்
பாடல்: அழகிய அழகிய கிளி..
பாடலாசிரியர்: வைரமுத்து
இசை:வித்யாசாகர்
பாடியவர்: எஸ்.பி.பாலசுப்ரமணியம்

அழகிய அழகிய
கிளி ஒன்றை
பிடிபிடி பிடித்தது பூனை
பனி விழும் – பனி விழும்
மலர் ஒன்றை
பறி பறி பறித்தது  யானை
அய்யோ அய்யோ அநியாயம்
அய்யய்யோ

உயிர்போல் வளர்த்தேன்
உன் உணர்வும் பொய்யையோ
நூலானது இழையும் இழையும்
தரிதானடி வலிகளரியும் வலிதந்தது
எனது நிலையம் ,ஆசை கண்ணே

………

…………….

அழகிய அழகிய
கிளி ஒன்றை
பிடிபிடி பிடித்தது பூனை
பனி விழும் பனி விழும்
மலர் ஒன்றை
பறி பறி பறித்தது யானை

ஒஹ்ஹ…….

………

…………..

உயிரின் பிரிவு
புதுசாய்  மரணம்
உறவின் பிரிவு
பாதி மரணம்
விதியின் பிடியில்
நானே சரணம்
ஞானம் பழக
இதுவே தருணம்
என் வாசனை வாசனை
வாடையோ இன்று வானர சேனையிடம்
அட காடுகள் கூடுகள்ஆகுமோ – என் பைங்கிளிசேருமிடம்
என் கண்ணாடி கை மாறி கை சேருமோ….

…….

………….

நூலானது இழையும் இழையும்
தரிதானடி வலிகளரியும்
அது போன்றது எனது நிலையம்
ஆசை கண்ணே ….

……..

……………

தாய் தான் அழுதால் – கூடம் நனையும்
தந்தை அழுதால் – வீடே நனையும்
ஊமை வலியில் – உள்ளம் ஒளியும்
பெண்ணை பெற்றால் – உமக்கும் புரியும்
நான் ஆசையில் சேமித்த புதையலை – ஒரு அந்நியன் திருடுவதோ

அஹ்ஹா…..

எந்தன் நெஞ்சினில் ஆடிய நிலவினை
இன்று கிரகணம் தீண்டுவதோ
இனி என் வாழிவில்
பெண் வாழ்வு என்னாகுமோ
மகள் என்பது முதலில் இனிமை
மகள் என்பது பிரிவில் கொடுமை
முடிவென்பது முதுமை தனிமை
போய் வா பெண்ணே ….

மீண்டு ஓர் இனிய பாடலுடன் சந்திக்கலாம் !

அழகான ராட்சசியே…

இசை வணக்கங்கள்,
                         மீண்டும் வைரமுத்து வாரம் தொடர்கிறது. இன்றைக்கு(ம்) அனைவருக்கும் மிகவும் பிடித்த பிரபலமான பாடலை காணவிருக்கிறோம். பாடல் இடம் பெற்ற படம் முதல்வன். பாடல் -“அழகான ராட்சசியே“. வைரமுத்து வரிகளில் ஏ.ஆர்.ரஹ்மான் இசையில் இப்படத்தில் இடம் பெற்ற பாடல்கள் அனைத்துமே ஹிட். ஒவ்வொரு பாடலும் ஒவ்வொரு விதமாக அமைத்து இருக்கும்.
vairamuthu 60
இப்பாடல் அதிகம் திரையிசையில் பயன்படுத்தப்படாத ராகமான ரீதிகௌளையில் அமைந்தது. எஸ்.பி.பாலசுப்ரமணியம்,ஹரிணி ஆகியோரின்  குரலால் மேலும் மெருகேற்றப்பட்டுள்ளது.காதலன் தன் காதலை அழகுற காதலியிடம் கூறுகிறான்.தன் காதலை கேள்விகளுடனே கேட்டு காதலனை காதல் கொள்கிறாள் காதலி. சில பாடல்கள் செவியில்  கேட்க கிடைக்கும் உணர்வு எழுத்துகளில் அமைவது கடினம் .அந்த வகையில் இந்த பாடலை சேர்க்கலாம்.பாடலை இசையுடன் ரசிக்கலாம் வாருங்களேன்.
படம் : முதல்வன்
இசை : ஏ.ஆர்.ரஹ்மான்
பாடலாசிரியர் : வைரமுத்து
பாடியவர்கள் : எஸ்.பி.பாலசுப்புரமணியம்,ஹரினி

 

அழகான ராட்சசியே
அடி நெஞ்சில் குதிக்கிறியே
முட்டாசு வார்த்தயிலே
பட்டாசு வெடிக்கிறியே
அடி மனச அருவாமனையில் நறுக்குறியே

அழகான ராட்சசியே…
 

அருகம்புல்லுக்கு அறுக்கத் தெரியுமா ?
கொழந்த கொமரி நான் ஆமா

அயிர மீனுதான்
கொக்க முழுங்குமா  ?அடுக்குமா ?

வெளிய பூத்து நீ உள்ள காய்க்கிற
கடலக்காடு நீ ஆமா

உயிர உரிச்சு நீ கயிர திரிக்கிற
சுகம் சுகமா


கிளியே… ஆலங்கிளியே…
குயிலே… ஏலங்குயிலே…

அழகான ராட்சசியே
அடினெஞ்சில் குதிக்கிறியே…

சூரியன ரெண்டு துண்டு செஞ்சு
கண்ணில் கொண்டவளோ… அஹோ ஓ

சந்திரன கள்ளுக்குள்ள ஊர வெச்ச
பெண்ணிவளோ ஓ ஓ

ரத்திரிய தட்டித்தட்டி கெட்டி செஞ்சி
மையிடவோ அஹா ஓ

மின்மினிய கன்னத்துல ஒட்ட வெச்சுக்
கைதட்டவோ ஓ ஓ

துருவி என்னத் தொலச்சிபுட்ட
தூக்கம் இப்ப தூரமய்யா…

தலைக்கு வெச்சி நான் படுக்க
அழுக்கு வேட்டி தாருமய்யா…

தூங்கும் தூக்கம் கனவா ?

கிளியே… ஆலங்கிளியே…
குயிலே… ஏலங்குயிலே…
அழகான ராட்சசியே
அடிநெஞ்சில் குதிக்கிறியே…

முட்டாசு வார்த்தயிலே
பட்டாசு வெடிக்கிறியே

அடி மனச அருவாமணையில் நறுக்குறியே 

சோளக்கொல்ல பொம்மையோட
சோடி சேர்ந்து ஆடும் முல்ல (2)

தேன் கூட்டப் பிச்சி பிச்சி
எச்சி வெக்க லட்சியமா?  அஹா ஓ
காதல் என்ன கட்சி விட்டுக்
கட்சி மாறும் காரியமா? ஓ ஓ
பொண்ணு சொன்ன தலகீழா
ஒக்கிப்போட முடியுமா? அஹா ஓ

நான் நடக்கும் நிழலுக்குள்ள
நீ வசிக்க சம்மதமா?..


நீராக நானிருந்தால் – உன்
நெத்தியில நானிறங்கி

கூரான உன் நெஞ்சில் – குதிச்சி
அங்க குடியிருப்பேன்

ஆணா வீணா போனேன்….
(கோரஸ்)
கிளியே… ஆலங்கிளியே…
குயிலே… ஏலங்குயிலே..
அழகான ராட்சசியே
அடி நெஞ்சில் குதிக்கிறியே…


அருகம்புல்லுக்கு அறுக்கத் தெரியுமா ?
கொழந்த கொமரி நான் ஆமா

அயிர மீனுதான்
கொக்க முழுங்குமா  ?அடுக்குமா ?

வெளிய பூத்து நீ உள்ள காய்க்கிற
கடலக்காடு நீ ஆமா

உயிர உரிச்சு நீ கயிர திரிக்கிற
சுகம் சுகமா

 

 மேலும் இனிமையான  பாடலுடன் மீண்டும் சிந்திப்போம்..

 

vairamuthu click

 

பொன்மாலைப் பொழுது!

இசைப்பாவின் சிறப்பு வணக்கம்.

முதலில் வைரமுத்து அவர்களுக்கு 60-ம் பிறந்தநாள் வாழ்த்துகளைத் தெரிவித்துக்கொள்கிறோம். வைரமுத்துவின் பாடல்களைத் தொடர்ச்சியாக நாள்தோறும் சிறப்புப் பதிவுகளாக வெளியிட்டு வருகிறோம். அவ்வகையில் இன்றைய பாடல் இளையராஜா + வைரமுத்து +பாரதிராஜா. வைரம் பொதிந்த ராஜாக்களின் கூட்டணி. இசை ரசிகர்களால் எளிதில் மறக்கவியலாத பல வெற்றிப் பாடல்களைத் தந்துவிட்டு இன்றைக்கும் ஏங்கவைக்கும் கூட்டணி. காலம்தான் மீண்டும் சேரவைக்கும். அல்லது சேராமலேயே போகலாம். அதை விடுங்கள்.

வைரமுத்து தமிழ்த் திரையுலகிற்கு அறிமுகமான பாடல். இப்பாடல் எழுதி முடித்த வேளையில்தான் கவிஞரின் மூத்த மகன் மதன் கார்க்கி பிறந்ததாக அறிகிறேன். பாடலை எழுதி முடித்து விட்டு, பிள்ளையை பார்க்க சென்ற வைரமுத்து மனைவியிடம் (கவிதை) சொன்னது : உனக்கும் எனக்கும் முதல் பிரசவம்.  சில ஆண்டுகளுக்கு முன் இதே நாளில்தான் கவிஞரின் இளைய மகன் கபிலன் வைரமுத்துவின் மகள் பிறந்தாள். எனவே இந்நாள் கவிஞர் குடும்பத்துக்கு சிறப்பான நாள்.

vairamuthu 60பாடலில் கையாண்டிருக்கும் முதல் வரியே பெரும் பாராட்டுக்குரியது. அந்தி மாலையை பொன்நிறத்தில் தோய்ந்த மாலையை உணர்த்தும் வரிகள் அதற்கு முன் திரைப்பாடல்களில் கையாளப்படவில்லை. பாரதியாரோடு நின்றுப்போன மாலைநேரத்து வானத்தின் வருணணை மீண்டும் இப்பாடலில் இருந்து தொடங்குகிறது.

இப்போதைக்கும் தத்தமது துறையில் சிறப்பானவர்களாக, மேதைமைப் பொருந்தியவர்களாக இருக்கிற இளையராஜா- எஸ்.பி.பி-வைரமுத்து ஆகியோர் இணைந்த பாட்டு. மெல்லிய உள்ளம் தொடும் தாளக்கட்டில், இதமான ரம்மியம் சேர்க்கும் குரலில், பொருத்தமான எளிமையான நடையில் அமைந்த வரிகள் என அனைத்து அம்சங்களிலும் அருமையான பாட்டு. காட்சியமைக்கப்பட்ட  விதம் மட்டும் கொஞ்சம் திருஷ்டி. வேறு வழியில்லை. பாடலின் சூழ்நிலையைத் தாண்டி ஒலிக்கும் பாடல். இப்போதும் காலையோ,இரவோ இப்பாடலைக் கேட்டால் இதயம் இனிக்கும்.

பாடலின் எளிமைக்கும், இனிமைக்கும் வலு சேர்க்கும் வார்த்தைகள்:

நாணுகிறாள் – பூணுகிறாள்.
ஜாம் – கோம்- பாம் -தாம்
பூரம்- சாரம்
போதி – சேதி– நீதி -தேதி
கேள்வி-வேள்வி

வரிகளும், இசையும், குரலும் இணைந்து இதமளிக்கும் பாடலை வரிகளை உணர்ந்து இசையில் ரசியுங்களேன்.

படம்: நிழல்கள்
இசை: இளையராஜா
பாடலாசிரியர்: வைரமுத்து
பாடியவர்: எஸ்.பி.பாலசுப்ரமணியம்

ஹே ஹோ ம்ம்ம் லல லா…
பொன்மாலைப் பொழுது
இது ஒரு பொன்மாலைப் பொழுது
வானமகள் நாணுகிறாள்
வேறு உடை பூணுகிறாள்

(இது ஒரு ….)

ஆயிரம் நிறங்கள் ஜாலமிடும்
இராத்திரி வாசலில் கோலமிடும்
வானம் இரவுக்கு பாலமிடும்
பாடும் பறவைகள் தாளமிடும்
பூமரங்கள்
சாமரங்கள்
வீசாதோ..

(இது ஒரு…)

வானம் எனக்கொரு போதிமரம்
நாளும் எனக்கது சேதி தரும்
ஒருநாள் உலகம் நீதி பெறும்
திருநாள் நிகழும் தேதி வரும்
கேள்விகளால்
வேள்விகளை
நான் செய்தேன்….

(இது ஒரு..)

{இந்த பாடலில் விட்டு போன சரணம்.
விஜய் டிவி நிகழ்ச்சியில் வைரமுத்து பாடியது}

இரவும் பகலும் யோசிக்கிறேன்
என்னையே தினமும் போசிக்கிறேன்
சாலை மனிதரை வாசிக்கிறேன்
தீயின் சிவப்பை நேசிக்கிறேன்
பேதங்களே
வேதங்களா
கூடாது…

(இது ஒரு..)

இன்னும்  இன்னும் இனிமையான பாடல்களைத் தருகிறோம். அதுவரை…

vairamuthu click

சாதி மல்லி பூச்சரமே…

இசையில் கரைந்த இனிய  நண்பர்களுக்கு என் வணக்கம்.

வரிகளுக்காகவே சில பாடல்களைத் தேடித்தேடி கேட்கத் தோன்றும். அப்படிப்பட்ட  பாடல்களின் வரிசையில்  அழகன் திரைப்படத்தில் இடம்பெற்ற புலமைப்பித்தன் எழுதிய “சாதி மல்லிப்  பூச்சரமே..” என்கிற  பாடல்தான்  இன்று நாம் காணவிருக்கும் பாடல் . எஸ்.பி.பாலசுப்ரமணியம் அவர்கள் பாடியுள்ளார்.  தெளிவாக அழகாகப்  பாடி  வரிகளுக்கு மேலும் மேலும் மெருகேற்றி உள்ளார். எஸ்.பி.பாலசுப்ரமணியம் அவர்களின் பிறந்தநாளை முன்னிட்டு இந்த சிறப்பு பதிவு.

spb5இந்தப் பாடலில் ‘தமிழை சீராட்டி தொண்டாற்றலாம், நம் தேசத்தை நம் தாயெனப்  பேணிக் காப்போம்’ என்று கூறுகிறார் ஆசிரியர். இப்படி மனிதன் வாழ்வது வாழ்க்கையா? என்று கூறி அவன்  வாழ்வது எப்படி என்று வரிகள் கொண்டு உணர்த்துகிறார்.  சின்ன சின்ன வரிகளுடன் ஆழமான கருத்துக்கள் கொண்டு அடிகள் அமைத்துள்ளார்.  தமிழ் புகழ் ஏற்றி மனிதன் வாழ்கை கூறி சில நிமிட பாடலான சாதிமல்லி பூச்சரமே பாடல் கேட்போம் வாருங்களேன்.

 

படம்: அழகன்
இசை: மரகதமணி (எ) கீரவாணி
கவிஞர்: புலமைப்பித்தன்
பாடியவர்: எஸ்.பி.பாலசுப்ரமணியம்

 

சாதிமல்லிப் பூச்சரமே – சங்கத்தமிழ் பாச்சரமே
ஆசை என்ன ஆசையடி – அவ்வளவு ஆசையடி

என்னென்ன முன்னே வந்து
கண்ணே நீ கொஞ்சம் கேட்டுக்கோ
காதலில் உண்டாகும் சுகம் இப்போது மறப்போம்
கன்னித்தமிழ் தொண்டாற்று அதை முன்னேற்று
பின்பு கட்டிலில் தாலாட்டு..

சாதிமல்லி…

எனது வீடு எனது வாழ்வு –
என்று வாழ்வது வாழ்க்கையா?
இருக்கும் நாலு சுவருக்குள்ளே
வாழ நீ ஒரு கைதியா?

தேசம் வேறல்ல தாயும் வேறல்ல ஒன்றுதான்
தாயைக் காப்பதும் நாட்டை காப்பதும் ஒன்றுதான்

கடுகு போல் உன்மனம் இருக்கக்கூடாது
கடலைப் போல் விரிந்ததாய் இருக்கட்டும்
உன்னை போல் எல்லோருமென
எண்ணனும் அதில் இன்பத்தைத் தேடணும்

சாதிமல்லி…

உலகமெல்லாம் உண்ணும்போது
நாமும் சாப்பிட எண்ணுவோம்
உலகமெல்லாம் சிரிக்கும்போது
நாமும் புன்னகை சிந்துவோம்

யாதும் ஊரென யாரு சொன்னது சொல்லடி,
பாடும் நம்தமிழ்ப் பாட்டன் சொன்னது கண்மணி

யாதும் ஊரென…

படிக்கத்தான் பாடலா நெனச்சுப் பாத்தோமா?
படிச்சத நெனச்சு நாம் நடக்க தான்…
கேட்டுக்கோ ராசாத்தி
தமிழ் நாடாச்சு இந்த நாட்டுக்கு நாமாச்சு…

சாதி மல்லி…

இசைப்பா +

 1991 ஆம் ஆண்டு சிறந்த இசை அமைப்பாளருக்கான தமிழ்நாடு  மாநில திரைப்படவிருது அழகன் படத்திற்கு கிடைத்தது.

என் காதல் தீ….

இசை வணக்கம் நண்பர்களுக்கு,

               ஒரே புதிய பாடல்களாக வருகிறதே என்ற நண்பர்களின் கருத்துக்கு இணங்க. கொஞ்சம் பின்நோக்கி செல்வோம். இன்று பாடல் இடம்பெற்ற படம் இரண்டாம் உலகம்.நீண்ட நாள் இடைவேளைக்கு பின்னர் எனக்கு மிகவும் பிடித்த பாடகரான எஸ்.பி.பாலசுப்ரமணியம் அவர்கள் பாடிய பாடல். அனைவரையும்  மிகவும் கவர்ந்த மெலடி என்றும் கூறலாம். ஹாரிஸ் ஜெயராஜ் இசையமைப்பில், வைரமுத்து அவர்களின் வரிகளுடன், எஸ்.பி.பாலசுப்ரமணியம் பாட தேனாகவே இனித்து உள்ளத்தைக் கரைக்கும் பாடல்.

            இரண்டு உலகம் இருப்பினும் மிகவும் நேர்த்தியாக காதல் இரு மனங்களை அழகுற சேர்ப்பதையும், எல்லா நிலங்களிலும் பூத்துக்குலுங்கும் பூவென காதலை அழகாக வடிவம் கொடுத்து இருக்கிறார் கவிஞர்.உடலிலும் உயிரிலுமாகக் காதல் எப்படி கலக்கிறது என்றும் வரிகள் பாடப்பட்டு இருக்கிறது இல்லை இல்லை காற்றில் கரைவது போல அமைத்து இருக்கிறது. பாடலை ரசிப்போம் வாருங்களேன்.

படம் : இரண்டாம் உலகம்
இசை : ஹாரிஸ் ஜெயராஜ்
பாடலாசிரியர் : வைரமுத்து
பாடியவர்கள் : எஸ்.பி.பாலசுப்ரமணியம் மற்றும் குழுவினர்

என் காதல் தீ…தீ வாசம் நீ
கண்பார்த்தோமா கைசேர்ப்போமா
பல உயிர்கள் ஏரியும் உடல்கள் மாறியும்
பயணப்படுவது காதல்

காதல் சாதல்

காதல் சாதல் ரெண்டும் ஒன்று
என்னில் விந்தையடி
அந்த சொர்க்கம் போக ரெண்டும்
வேண்டும் கண்ணே உண்மையடி

காதல் சாதல் ரெண்டும் ஒன்று
என்னில் விந்தையடி
அந்த சொர்க்கம் போக ரெண்டும்
வேண்டுமடி

என் காதல் தீ… தீ வாசம் நீ…..
கண்பார்த்தோமா கைசேர்ப்போமா

உடல்கள் இரண்டும் சேருமுன்
உள்ளம் இரண்டும் சேருமே
உடலின் வடிவில்
உயிரை தொடுவது காதலே

இதயம் இரண்டும் தூரம் தான்
இதழ்கள் நான்கும் அருகில் தான்
இதழ்கள் வழியே
இதயம் தொடுவது காதலே

ஊசி போடும் ரெண்டு கண்களில்
உயிரை குடித்தவள் நீ
உயரங்காட்டும் காட்டும் பூக்கள்
இரண்டினில் உலகை உடைப்பவள் நீ

காதல் சாதல் ரெண்டும் ஒன்று
என்னில் விந்தையடி
அந்த சொர்க்கம் போக ரெண்டும்
வேண்டும் கண்ணே உண்மையடி

(பெண்கள் கோரஸ்…)
காதல் சாதல் ரெண்டும் ஒன்று
என்னே விந்தையடி
அந்த சொர்க்கம் போக ரெண்டும்
வேண்டுமடி

(ஆண்)
உலகில் காதல் பழையது
உற்றபொழுதே புதியது
எல்லா நிலத்தும் எல்லா
பொழுதும் நிகழ்வது

உலகின் நெருப்பு காதலே
உயிரில் நெருப்பு காதலே
உண்மை காதல்
உலகைவிடவும் பெரியது
குறிஞ்சி முல்லை
மருதம் நெய்தலில்

குலுங்கும் பூவிதுவே
பாலை வெயிலிலும்
கானல் வெளியிலும்
படரும் நிழல் இதுவே
கண்டார் மயங்கும் வண்டார் மலரே
நின்றோர் மொழி சொல்லடி
உன் பின்னே பிறந்து முன்னே வளர்ந்தது
என்னே செழுமையடி

பின்னே பிறந்து முன்னே வளர்த்தது
என்னே செழுமையடி

அதை முத்தம் எடுத்து
சித்தம் துடிக்குதடி
பெண் பாவாய் வா
கண் பாவாய் வா
செங்கோதாய் வா
செந்தேனாய் வா


 
இயக்குனர் செல்வராகவன் உடனான ஹாரிஸ் ஜெயராஜின் முதல் படம். மேலும் இனிய பாடல்களுடன் சாந்திப்போம்.

அரைச்ச சந்தனம் மணக்கும் குங்குமம்!

இசை ரசிகர்களுக்கு வணக்கம்,

தொடர்ந்து இசைப்பா தளத்தின் பார்வைகள் அதிகரித்துக் கொண்டே வருகின்றன. நூறு பாடல்கள் என்கிற இலக்கை நெருங்கும் இவ்வேளையில் பாடலாசிரியர் இயக்குனர்,இசையமைப்பாளர், பாடகர் என பன்முகத் திறமை கொண்ட கங்கை அமரன் அவர்களின் பாடல் முதன்முறையாக இசைப்பாவிற்குள் வருகிறது.

raaja-amaranஇசையமைப்பாளர் இளையராஜா அவர்களின் சகோதரர் என்கிற அறிமுகத்தையும் தாண்டி என்றைக்கும்  நிலைத்திருக்கும் பாடல்களையும், படங்களையும் தந்திருக்கிறார் கங்கை அமரன். சின்னத்தம்பி படம் குறித்து பெரிய அறிமுகம் தேவையிருக்காது. 90 களில் ரஹ்மான் வருகைக்கு முன்னர் ராஜாவின் வெற்றிப் படங்களுள் சின்னத்தம்பிக்கு பெரிய இடம் உண்டு.

படத்தின் அனைத்து பாடல்களுமே இன்றைக்கும் ரசிக்கக்கூடிய பாடல்களே! கங்கை அமரன், இளையராஜா, எஸ்.பி.பாலசுப்ரமணியம் என இப்பாடலுக்குள் ஒரு பெரும்படையே இருக்கிறது. ஆனாலும் யாரும் தனித்துத் தெரியாத பாடல்.

பாடலில்

கட்டுறேன் கட்டுறேன் நான் பாட்டு
கைகளைத் தட்டுங்க கேட்டு!

என்றொரு வரி வருகிறது. பாட்டும் அப்படியே கட்டப்பட்டிருக்கிறது. சந்திர-சுந்தரி-மந்திர; ராணி-தேனீ-மேனி; அதரம்-சிதறும்; நாசி-ராசி; இப்படி எக்கச்ச்சக்கமாக சந்தச்சுவை மிளிர பாடல் இயல்பாக செவிக்குள் பாய்கிறது.

அதரம் என்றால் உதடு என்று பொருள் என்பது கூடுதல். இயல்பாகச் செல்லும் பாடல் வரிகளும், பாலசுப்ரமணியம் அதைப் பாடும் விதமும்,  தபேலாவைத் தாண்டி  புல்லாங்குழலும், வயலினுமாக போட்டி போட்டு ஈர்க்கும் இசையும் பாடலுக்குத் தேவையான உணர்ச்சிகளை அள்ளி வழங்குகின்றன. கேட்டு மகிழுங்கள்.

 

படம்: சின்னத்தம்பி
இசை: இளையராஜா
பாடியவர்கள்: எஸ்.பி.பாலசுப்ரமணியம் மற்றும் குழுவினர்
பாடலாசிரியர்: கங்கை அமரன்

செம்பவள முத்துக்களை
சேத்து வச்ச சித்திரமே!
தங்க வள(ளை) வைர வள(ளை)
போட்டிருக்கும் முத்தினமே!
வாய் மலர்ந்து நீ சிரிச்சா,
காத்திருக்கும் அத்தனையும்!
நீ வளர்ந்து பாத்திருந்தா,
தோத்துவிடும் இத்தனையும்!!

அரைச்ச சந்தனம்
மணக்கும் குங்குமம்
அழகு நெத்தியிலே!
ஒரு அழகு பெட்டகம்
புதிய புத்தகம்
சிரிக்கும் பந்தலிலே!

முழு சந்திரன் வந்ததுபோல்
ஒரு சுந்தரி வந்ததென்ன?
ஒரு மந்திரம் செஞ்சதுபோல்
பல மாயங்கள் தந்ததென்ன?
இது பூவோ பூந்தேரோ?

(அரைச்ச சந்தனம்..)

பூவடி அவ பொன்னடி
அதத் தேடிப் போகும் தேனீ!
தேனடி அந்த திருவடி
அவ தேவலோக ராணி!
தாளம்பூவு வாசம் வீசும் மேனியோ?
அந்த ஏழுலோகம் பார்த்திராத தேவியோ?

இரத்தினம் கட்டின பூந்தேரு
உங்களப் படைச்ச தாரு!
என்னிக்கும் வயசு மூவாறு
என் சொல்லு பலிக்கும் பாரு!
இது பூவோ பூந்தேரோ?

(அரைச்ச சந்தனம்..)

மான்விழி ஒரு தேன்மொழி
நல்ல மகிழம் பூவு அதரம்
பூ நிறம் அவ பொன்னிறம்
அவ சிரிக்க நெனப்பு சிதறும்!
ஏலப் பூவு கோலம் போடும் நாசிதான்!
பல ஜாலத்தோடு ஆடப் போகும் ராசிதான்!

மொட்டுக்கள் என்னைக்கு பூவாச்சு?
சித்திரம் பெண்ணென ஆச்சு!
கட்டுறேன் கட்டுறேன் நான் பாட்டு
கைகளைத் தட்டுங்க கேட்டு!
இது பூவோ பூந்தேரோ?

(அரைச்ச சந்தனம்..)

இசைப்பாவில் உங்களுக்கு விருப்பமான பாடல்கள் கருத்துகளாக வரவேற்கப்படுகின்றன.

இன்னுமொரு இனிய பாடலோடு விரைவில் இணைவோம்.