நீயே உனக்கு ராஜா – தூங்காவனம்

இசை வணக்கம். வெகு நாட்களுக்கு பிறகு புத்தம் புது பாடலுடன் களமிறங்குகிறோம்.

கமலின் அடுத்த படம் தூங்காவனம். அவரிடமே வேலை செய்த ராஜேஷ் இயக்கும் முதல் படம். ஒரே ஒரு பாடல் தானாம். கமல் பாடியுள்ளார், இதனை Metal Singing என்கிறார்கள். நாயகனை வழிபடும் வரிகளை எழுதியவர் வைரமுத்து. அன்பே சிவம் பாடதில் வரும் வரி

மனதின் நீளம் எதிவோ ?
அதுவே வாழ்வின் நீளமடா !
என்ற வரிகளை போல இந்த பாடலில் :
உள்ளம் என்பது 
என்ன நீளமோ  ?
அது தான் உந்தளவே.  

Electronic இசையை தெறிக்க விட்டுள்ளார் ஜிப்ரான். இடையிசையில் வரும் வீணை நல்ல முயற்சி. கேட்டு மகிழுங்கள்.


பாடல் :
நீயே உனக்கு ராஜா
படம் : தூங்காவனம்
இசை : ஜிப்ரான்
வரிகள் : வைரமுத்து
பாடியவர் : கமல்ஹாசன்
THoongavanam

நீயே உனக்கு ராஜா
உனது தலையே உனது
கிரீடம் தோழா
தீயாய் எழுந்து வாடா
திசைகள் கடந்தும்
பயணம் போடா போடா

அண்டம் யாவும்
வெல்லும் நாள் வரை
ரெண்டு கண்களும்
தூங்காவனம்…
புயல் வேளையில்
கடல் தூங்குமா ?
அதுபோல் இவன்
தூங்காவனம்…

எந்த பக்கமும்
திசைகள் திறந்தே
உள்ளதே முன்னேற்றம்
உனதே நண்பா
எந்த துக்கமும் உனக்கு
தடையே இல்லையே
எல்லாம் வெற்றியே நண்பா

நீயே உனக்கு ராஜா…

வேலை வீசியே
வாலை ஏந்தியே
வெளிச்சத்தை கொலை
செய்ய முடியாது.
ஜீவஜோதியாய்  நீயும் மாறினால்
அழிவே கிடையாது

உன் கொள்கை என்றும்
அது தூங்கவானம்

தோல்வி என்பதே
ஞான வெற்றி தான்.
துணிந்தால் கடலும்
தொடை அளவே.
உள்ளம் என்பது
என்ன நீளமோ  ?
அது தான் உந்தளவே.

உன் துள்ளும் உள்ளம்

அது தூங்கவனம்

நீயே உனக்கு ராஜா…

அண்டம் யாவும்…
எந்த பக்கமும்…

Ya thats it
We are done

மீண்டும் ஒரு இனிய பாடலுடன் இணையலாம்.

Advertisements

பாட்டு உன் காதிலே…

இசையில் திளைக்கும் அனைவருக்கும் இனிய வணக்கம்.

இசைப்பாவின் நூறாவது பதிவு. (நூறாவது பாடலை ஏற்கனவே கடந்து விட்டோம்). கடந்து வந்த பாதை பிரிமிப்பை ஊட்டுகிறது, அதே சமயம் எங்கள் சோம்பலையும் உணர்த்துகிறது. எப்படியோ, பலரை தரமான வரிகளின் பக்கமும், தேன் தமிழ் பக்கமும் ஆர்வத்தை தூண்டியதில், அளவில்லா மகிழ்ச்சி.

இசைப்பா 100

90’கள் தாண்டி, தனக்கென ஒரு நவீன ராஜபாட்டையை தானே வகுத்துக் கொண்டு, இன்றுவரை மிடுக்குடன் வெற்றிகளை குவிக்கும் ஒரே கவிஞர் வைரமுத்து தான். என்ன தான் நடிகனாக இருந்தாலும், இசையின் மீது அடங்காத ஆர்வமும், வேட்கையும் கொண்டவர் கமல்ஹாசன். இருவருக்கும் சமீபத்தில் பத்மபூசன் விருது வழங்கி இந்திய அரசு பெருமைப்படுத்தியது. அவர்களின் தசாவதார கூட்டணியில் இது ஒரு துளி, இதோ. அறுபதாம் அகவையை தொடும் இருவருக்கும் நம் வாழ்த்துகளை சொல்லி கொள்ளுவோம்.

தமிழ் தெரிந்த ஹிந்தி பாடகர், இசை விழாவிற்காக வருகிறார். தொண்டையில் புற்றுநோய் இருப்பதாக அறியப்படுகிறது. தனது கடைசி பெரும் விழாவில், தனது முழு மனதையும், உற்சாகத்தையும் செலுத்தி பாடுகிறார். இசையை பற்றி இன்ப மழைப் பொழிகிறார். இசைப்பாவின் முதல் அறிமுக பதிவிலேயே இதன் வரிகள் சில இடம் பெற்றுள்ளது. துள்ளலான இசை, நறுக்கென வரிகள்,கண்கள் செருகும் சுகம் கொடுக்கும் குரல், ரசிக்கலாம் வாருங்கள்.

படம் : தசாவதாரம்
பாடலாசிரியர் : வைரமுத்து
பாடியவர்: கமல்ஹாசன்
இசை : ஹிமேஷ் ரேஷ்மியா

பாட்டு உன் காதிலே,
தேனை வார்க்கும் !
பாட்டு உன் கண்களில்,
நீரை வார்க்கும் !

உடல் பூமிக்கே போகட்டும்
இசை பூமியை ஆளட்டும் !

ஓ ஓ சனம்
ஓ ஓ சனம்
ஓ ஓ !

காட்டை திறக்கும் சாவி தான் காட்டு ?
காதை திறக்கும் சாவி தான் பாட்டு !

பாட்டு உன்…

நீ என்பதை பொல்லாத நான் என்பதை
ஒன்றாகி நாம் செய்வது பாடல் தான்

யார் நெஞ்சிலும் மிருகத்தின் தோல் உள்ளது
அதை மாற்றி ஆள் செய்வது பாடல் தான்
கடவுளும் கந்தசாமியும்
பேசிக் கொள்ளும்
மொழி பாடல் தான்

மண்ணில் நாம் வாழ்கிற காலம் கொஞ்சம்
வாழ்ந்திடும் சுவடுகள் எங்கே மிஞ்சும் ?

எண்ணி பாரடா மானுடா !
என்னோடு நீ பாடடா !

ஓ ஓ சனம்…

பூ பூக்குதே
அதன் வாழ்வு ஏழ்(ழு) நாட்களே
ஆனாலும் தேன் தந்து தான் போகுதே

நம் வாழ்க்கையில்
வாழ்நாளில் யார் கண்டது ?
என் நெஞ்சம் நீ வாழவே பாடுதே

வீழ்வது யாராகினும்
வாழ்வது நாடாகட்டும்

காலம் உன் உதடுகள் மூடும் போதும்
காற்று உன் வரிகளை மீண்டும் பாடும்

நீ பாடினால் நல்லிசை
உன் மௌனமும் மெல்லிசை

ஓ ஓ சனம்…

வரும் ஜூலை 13ஆம் தேதி, கவிஞர் வைரமுத்து தனது அறுபதாம் பிறந்தநாளை கோவையில் கொண்டாடுகிறார். இசைப்பாவில் இன்று முதல் வைரமுத்து வாரம் தொடங்குகிறது. வாழ்த்தி மகிழுங்கள்.

 

இசையில் தொடங்குதம்மா

ராஜா பிறந்த இந்த வாரத்தில் மேலும் ஒரு சிறப்பு பதிவு ! ஹே ராம் படத்தில் வரும் ’இசையில் தொடங்குதம்மா’ என்ற பாடலை வெகு நாட்களுக்குப் பிறகு கேட்க நேர்ந்தது. ராஜாவின் சிறந்த பாடல்கள் கொண்ட ஒரு பிளே லிஸ்டை (playlist)  எப்போது யார் தயாரித்தாலும்   நிச்சியம் இப்பாடல் அதில் இடம் பெறும்.

ராஜா
ராஜா

இந்தப் பாடலுக்கான காட்சியை இயக்குனர் கமல் எப்படி விளக்கி இருக்கமுடியும் என்று எண்ணுவதே எனக்கு வியப்பைத் தருகிறது. அந்தப் பாடலுக்கான சூழலை மிகச்சரியாகப் புரிந்து கொண்டவரால் மட்டுமே இப்படிப்பட்ட ஒரு இசைக்கோர்ப்பினை உருவாக்க இயலும்.

மிக அபூர்வமாக இசைக்கப்படும் விவாஹப்ரியா ராகத்தில், சாஸ்த்ரிய மற்றும் ஹிந்துஸ்தானி சங்கீதங்களின் கலவையை தனது தமிழ் கவிதைத் தேனில் குழைத்து ராஜா வார்த்த சிலை இப்பாடல். ஆம், இப்பாடலை எழுதியவரும் அவரே.

காட்சிகளின் படி கதாநாயகன் மதுவின் போதையில் இருக்கிறன்.  தோலக், தபலா, முழவுகள், ராம லீலா உத்சவத்தின் போது இசைக்கப்படும் கொட்டுகள் என இப்பாடலின் இசையே போதையுட்டுகிற பல்வேறு இசைக்கலவைகளைக் கொண்டிருக்கிறது. அஜய் சக்ரபர்த்தி பாடியிருக்கிறார். என்ன அற்புதமான ஒரு குரல் தேர்வு. அஜய் சக்ரபர்த்தியைத் தவிர வேறு யாரும் இந்தப் பாட்டுக்கு, அதனுடைய அதிஅற்புத இசைக்குத் தன் திறமையால் குரல்வளத்தால் நியாயம் செய்துவிட முடியாது. குரல் குழைந்து, மிளிர்ந்து, மயங்கி, மயக்கி, தவித்து, வழுக்கி கேட்பவனுக்கு இசை என்கிற ராஜ போதையைத் தந்து நம்மை உன்மத்தமாக்குகிறது.

ரசிகனை எங்கோ விரல் பிடித்து அழைத்து செல்லக்கூடிய எத்தனயோ பாடல்களைத் தந்திருக்கிறார் ராஜா. அவற்றுள் இப்பாடல் தலையாது என்றே நான் கருதுகிறேன். பேக்பைப்பர் பின்னால் செல்லும் எலிகளைப் போல நான் ராஜாவின் பாடல்கள் பின்னால் அலைகிறேன். விளக்கின் சுடரைப்போல இப்பாடல் சதா என் நினைவுகளில் அலைந்து கொண்டிருக்கிறது.

படம்: ஹேராம்
பாடல்: இசையில் தொடங்குதம்மா
பாடலாசிரியர்: இளையராஜா
இசை: இளையராஜா
பாடியவர்: அஜய் சக்ரபர்த்தி 

இசையில் தொடங்குதம்மா  
விரக  நாடகமே
வசந்தம் கண்டதம்மா
வாடும் வாலிபமே

வசந்த கோலங்களை
வானின் தேவதைகள்
கண்டு ரசிக்க
வந்து கூடிவிட்டார்
இங்கு நமக்கு ஹோ..
(இசையில்..)

தேய்ந்து வளரும்
தேன் நிலாவே 
மண்ணில் வா
தேய்ந்திடாத  தீபமாக  
ஒளிர வா

வானத்தில்.. வானத்தில் மின்னிடும்
வைரத்தின் தாரகைத் தோரணங்கள்
பூமிக்கு கொண்டு வா

(இசையில்..)

நாளில் பாதி இருளில் போகும்
இயற்கையில் வாழ்வில்
பாதி நன்மை தீமை தேடலில்
உயிர்களே… உயிர்களே
உயிர்களே உலகிலே இன்பத்தை
தேடி தேடி கிரஹத்துக்கு வந்ததே

(இசையில்..)

ஒரு முறை பார்த்திபன் சொன்னார் ‘பழையன கழிதல் – என்கிற விஷயம் துளியும் பொருந்தாது ராஜாவின் பாடல்களுக்கு மட்டுமே’ என்று. அதை அனுபவபூர்வமாக உணர்த்துகிற பாடல்களில் இதுவும் ஒன்று. இந்த வாரம் ராஜாவின் பிறந்தநாள். அதற்காக அவருக்கு வாழ்த்து சொல்ல வேண்டுமே! கவிஞர்  வாலி அவரைப் பற்றிச் சொன்ன வரிகளை இங்கே தந்திருக்கிறேன்.

‘உன் தேகமெல்லாம் ராகம்..! உன் நாளமெல்லாம் தாளம்..! உன் குருதியெல்லாம் சுருதி..! நீ இசைஞானி இல்லை இசைமேனி..!– வாலி

விஸ்வரூபம் பாடல்கள் !

நீண்ட நாட்களாகி விட்டது. இனிமேல் இந்த வருடத்தில் தொடர்ச்சியாக இயங்க முடிவு செய்துள்ளோம். முன்னமே இதைப் போல சில Promo முயற்சிகள் செய்ய திட்டமிட்டு இருந்தோம். ஆனால் சூழ்நிலை காரணமாக சில திட்டங்கள் நிறைவேறாமல் போய்விட்டன.

புது வருடத்தை சிறப்பாக துவங்க எண்ணி தற்போது விஸ்வரூபம் படப் பாடல்களை முழுவதுமாய் கொண்டு வர முயற்சித்தோம்.அதன் விளைவுதான்  இந்தப் பதிவு.

விஸ்வரூபம் படப் பாடல்கள் முழுதும், ஒரே பதிவில், அதுவும் தமிழில் வருவது இதுவே இணையத்தில் முதல் முறை என நம்புகிறோம்.

படம் – விஸ்வரூபம்
இசை – ஷங்கர் இஷான் லாய்

பாடல் 1
பாடலாசிரியர் – வைரமுத்து
பாடியவர்(கள்) – சுராஜ் ஜகன்

எவன் என்று நினைத்தாய்
எதை கண்டு சிரித்தாய்
விதை ஒன்று முளைக்கையில்
வெளிப்படும் புதுரூபம்

நெருப்புக்கு பிறந்தான்,
நித்தம் நித்தம் மலர்ந்தான்.
வேளை வந்து சேரும் போது,
வெளிப்படும் சுய ரூபம்

யார் என்று புரிகிறதா ?
இவன் தீயென்று தெரிகிறதா ?
தடைகளை வென்றே,
சரித்திரம் படைத்தவன்,
ஞாபகம் வருகிறதா ?

யாருக்கும் அடிமை இல்லை,
இவன் யாருக்கும் அரசன் இல்லை.
காலங்கள் தாண்டி கடக்கிற பொழுதும்,
காற்றுக்கு காயம் இல்லை.

எவன்…

சின்ன சின்ன அணுவாய் மண்ணுக்குள்ளே கிடப்பான்
வெட்டுப்படும் வேளையிலே வெளிப்படும் விஸ்வரூபம்
என்ன ரூபம் எடுப்பான், எவனுக்கு தெரியும்,
சொந்த ரூபம், மாற்றி மாற்றி, எடுப்பான் விஸ்வரூபம்

யார் என்று…

ரீமிக்ஸ் பாடல் :  

separator-notes

பாடல் 2
பாடலாசிரியர் – கமல்ஹாசன் 
பாடியவர்(கள்) – ஷங்கர் மஹாதேவன், கமல்ஹாசன்

தக தக தக
தின தின தின
நக நக நக

திகிட தான தான தான
திகிட திகிட தாக்கின தான
தாக்குட தான
திக்கிட்டு தாக்கத்தா தி தி தி
தான தானகின்
தடானு தான தானகின்
தலானு தான தானகின்
தலானு

அதி நவநீதா, அபிநய ராஜா,
கோகுல பாலா, கோடி பிரகாஷா,
விரக, நரக, ஸ்ரீ ரக்க்ஷகமலா,
எத்தனை முறை நான் ஏங்கிச் சாவேன் ?
இத்தவணை என்னை ஆட்கொள்வாயா,
சூடிய வாடலை சூடியவா,
களவாடிய சிந்தினையை திரும்பத்தா,
பூதனையாக பணித்திடுவாயா ?
பாவை விரகம் பருகிடுவாயா ?
ஆயர் தம் மாயா நீ வா – ஆயா மாயா !!!
ஆயர் தம் மாயா நீ வா – ஆயா மாயா !!!
ஆயர் தம் மாயா நீ வா – ஆயா மாயா வா !!!

உன்னை காணாது நான் இன்று நான் இல்லையே
விதை இல்லாமல் வேரில்லையே…………….

உன்னை காணாது நான் இன்று நான் இல்லையே
விதை இல்லாமல் வேரில்லையே…………….

மாயத்திருடன் கண்ணா! கண்ணா!
காமகலைஞன் கண்ணா! கண்ணா!
மாயத்திருடன் கண்ணா! கண்ணா!
காமகலைஞன் கண்ணா! கண்ணா!
கிருஷ்ணா……

உன்னை காணாது நான் இன்று நான் இல்லையே
விதை இல்லாமல் வேரில்லையே…………….

நிதம் காண்கின்ற வான்கூட நிஜமல்ல
இதம் சேர்க்கும் கனாகூட சுகமல்ல
நீ இல்லாமல் நான் இல்லையே….

உன்னை காணாமல்…..
உன்னை காணாமல்…..
உன்னை காணாமல்…..
உன்னை காணாமல்…..
கமபத நிஸ பம கம ரிகரிஸ

உன்னை காணாமல்
பெண் நெஞ்சு தடுமாறுதே
விதை இல்லாமல் வேரில்லையே

நளின மோக, ஷ்யாமள ரங்கா
தீம் தீம் க்டதகதின்னா
நடன பாவ, ஸ்ரூதிலயகங்கா
க்டதகதின் தீம் தின்னா
சரிவர தூங்காது வாடும்
அனுதினமுனக்காக ஏங்கும்,
ராதா நான் உனக்கென
ராதா தான் உனக்கொரு
ராதா தான்

க்ருடுதா க்ருடுதீம்
க்ருடுதா க்ருடுதீம்
ததகிட தக தா
ததகிட தக தா
ததகிட தக
ததகிட தக
ததகிட தக
தாக தாக
க்டுதா

அவ்வாறு நோக்கினால், எவ்வாறு நாணுவேன்
கண்ணாடி முன் நின்று பார்த்து கொண்டேன்.
ஒன்றாக செய்திட ஒரு நூறு நாடகம் ,
ஒத்திகைகள் செய்து எதிர்பார்த்து இருந்தேன்
எதிர்பாராமலே அவன்………..
எதிர்பாராமலே அவன்……. ஓ
பின் இருந்து வந்து என்னை
பம்பரமாய் சுழற்றி விட்டு
உலகுண்ட பெருவாயன் – எந்தன்
வாயோடு வாய் பதித்தான்
இங்கு பூலோகம் என்று
ஒரு பொருள் உள்ளதை
இந்த பூங்கோதை மறைந்தாளடி

உடல் அணிந்த ஆடை போல்
என்னை நீ அணிந்து கொள்வாயா, இனி நீ
இனி நீ – கண்ணா
தூங்காத என் கண்ணில்
துயில் உரித்த கண்ணன் தான் -இனி நீ
இனி நீ

இது நேராமலே நான் –
உன்னை பாராமலே நான்
இந்த முழு ஜென்மம் போய் இருந்தால்
…………………….
என்று அதை எண்ணி வீண் ஏக்கம்
ஏங்காமலே உன்னை மூச்சாக்கி
வாழ்வேனடா

தின தக தக தின
தக தக தின
தக தக தின
தக தக தின
தக தின
தக தின
தோம்ன தோம்ன தகிட
தோம்ன தகதிலான துமுதகிட
தக தரி கிட தக
தக தரி கிட தக
தக தரி கிட தக
தக தரி கிட தக
நக நக நக

நேயத்திருடன் கண்ணா! கண்ணா!
காமகலைஞன் கண்ணா! கண்ணா!
மாயத்திருடன் கண்ணா! கண்ணா!
காமகலைஞன் கண்ணா! கண்ணா!
மாயத்திருடன் கண்ணா! கண்ணா!
காமகலைஞன் கண்ணா! கண்ணா!
மாயத்திருடன் கண்ணா! கண்ணா!
காமகலைஞன் கண்ணா! கண்ணா!

separator-notes

பாடல் 3
பாடலாசிரியர் – வைரமுத்து
பாடியவர்(கள்) – பென்னி தயாள், கமல்ஹாசன்

On the ground,
in the dirt,
in the heat,
sense of dead and
total blind,
when u wer born,
on yur mind…..

Hear the bronze of battle, beating in yur head !
Am the only soul, in singing, is the song all the day !
I am not a man, but a shot waiting to explode !
On my shoulders, got a burning novel load !

துப்பாக்கி எங்கள் தோளிலே
துர்பாக்கியம் தான் வாழ்விலே
எப்போதும் சாவு நேரிலே
எப்போது வெல்வோம் போரிலே

போர்களை நாங்கள் தேர்ந்தேடுக்கவில்லை
போர்தான் எம்மை தேர்ந்தேடுக்கொண்டது
எங்கள் கையில் ஆயுதங்கள் இல்லை
ஆயுதத்தின் கைகளில் எங்கள் உடல் உள்ளது

ஊரை காக்கும் போருக்கு ஒத்திகை செய்கின்றோம்
சாவே எங்கள் வாழ்வென்று சத்தியம் செய்கின்றோம்
ஒட்டக முதுகின் மேல் ஒரு சமவெளி கிடையாது
டாலர் உலகத்தில் சம கர்வம் கிடையாது
நீதி காணாமல் போர்கள் ஓயாது

துர்பாக்கியங்கள் தோழனே
தோள் கொண்ட வீரன் தெய்வமே
எப்போதும் எங்கள் கோப்பையில்,
தேநீரும் பருகும் மரணமே

With the life full in your hand
Its down to match the man
To live you gotta let die
N there is an eye for an eye
U cant afford to fail
Gotta a fighting truth in vain
Got to live by the warriors code
Cannot afford to look back down the road

பூமியை தாங்க கொஞ்சம் நேரம் கேட்கின்றோம்
புயலை சுவாசிக்க ஒரு  நுரையீரல் கேட்கின்றோம்
எஃகு தசைகளாய் ஒரு இதயம் கேட்கின்றோம்
இருநூறாண்டு இளமை கேட்கின்றோம்

துப்பகியும் தலையணை தூங்கி திரிகின்றோம்
தோளோடு எம்மரணத்தை தூக்கி திரிகின்றோம்
ஒட்டக முதுகின் மேல் ஒரு சமவெளி கிடையாது
டாலர் உலகத்தில் சம கர்வம் கிடையாது !

நீதி காணாமல் போர்கள் ஓயாது !

separator-notes

பாடல் 4
பாடலாசிரியர் – கமல்ஹாசன்
பாடியவர்(கள்) – கமல்ஹாசன், நிக்ஹில் டி’சௌசா

There is a place far away
I wanna to be there some day
(There…)

அணு விதைத்த பூமியிலே
அறுவடைக்கும் அணு கதிர் தான்

பேராசை கடல் பொங்கி விட்டால்
தங்கும் இடம் இல்லை
புது வீடெதுவும் பால் வெளியில்
இன்று வரை இல்லை

பார் சொல்லும் வீரம் ஒரு தாய் மகன் தான்
நம்மில் யார் இறந்தாலும் ஒரு தாய் அழுவாள்
பாரடா

கருவைறையும் வீடல்ல
கடல சூழ் உலகம் உனதல்ல
நிரந்தரமாய் நமதென்று சொல்லும் இல்லை
நம் நோக்கி அன்பன்றி வேறு மருந்தில்லை
(பார்…)

There is a place far away
I wanna to go there some day
(There…)

separator-notes

முதல் முறையாக ஒரு தமிழ் திரைப்படம் DTH மூலம் வெளி வர உள்ளது. அதுவும் தியேட்டருக்கு வரும் முன். பொருந்திருந்து தான் பார்க்க வேண்டும், இந்த விஸ்வரூபத்தை. ஆனாலும் இது ஒரு உலகத்தரம் வாய்ந்த படம் என்றே சொல்லலாம் !

மேலும் இது போல பல நல்ல பாடல்கள் இசைப்பாவை அலங்கரிக்கும். உங்கள் வாசகர் விருப்பங்களை அனுப்புங்கள். இங்கே இதற்கு முன் வந்த பழைய பாடல்களை ரசியுங்கள். மறக்காமல் பகிருங்கள். இசை என்றால் இன்பம் !

நீல வானம், நீயும் நானும்

பா – 02 ~ முதல் சிறப்பு பதிவு

இசை மற்றும் திரை உலகை சார்ந்தவர்களின் பிறந்தநாள் அன்று அவர்களுடன் தொடர்புடைய பாடல்களை,இசைப் பா பெருமையுடன் சுமந்து வரும். இது போல, முதல் முறையாக இன்று ஒரு சிறப்புப் பா களம் இறங்குகிறது !

ஹாலிவுட் உலகில் ‘ஜேம்ஸ் பாண்ட்’ என்னும் கதாப்பாத்திரம் பிறந்து ஐம்பது ஆண்டுகள் ஆகிறது என்று சிறப்பு கொண்டாட்டம் ஒன்று நடைபெற்றது. கவனிக்க வேண்டியது, இந்த பாத்திரத்தை பல நடிகர்கள் இன்று வரை எடுத்து கையாண்டுயுள்ளனர். ஆனால் இங்கோ, அதை விட பெரிதாக, ஒரு மனிதன் ஒரு சகாப்தத்தை படைத்து வாழ்கிறான். கலைஞானி பத்மஸ்ரீ டாக்டர் கமல் ஹாசன், இன்று ஐம்பத்து எட்டாவது அகவையை தொட்டு உள்ளார். நம் சார்பில் அவருக்கு இனிய பிறந்தநாள் நல்வாழ்த்துகள்.

கமலின் சுய வாழ்கை பற்றி பல கருத்துகள் / விமர்சனங்கள் இருக்கலாம். ஆனால் கலைஞன் என்ற முறையில் அவர் ஒரு சிகரம் தான். நடிப்பு, தயாரிப்பு, நடனம், அலங்காரம், பாடல்கள் எழுதுதல்,(அதனை உணர்ந்து) பாடுதல்….. என அவருக்கு பல பரிணாமங்கள் உள்ளன. அவரே எழுதி பாடிய பாடல் ஒன்று :

kamal hassan
கவிஞர் கமல்

பா – 2

பிளாஷ் பாக் என்பது ஒரு மிக சிறந்த கதை சொல்லும் யுக்தி. பாடலின் சூழல் : தான் ஆசையாய் காதலித்து மணம் முடித்து, பறிகொடுத்த காதலியைப் பற்றி, காதலை பற்றி கூறம் நாயகன். இந்த பாடல் திரையில் பார்க்கும் பொழுது, நீங்களே கவனித்து இருப்பீர்கள். கால ஓட்டத்தில் வரிசையாக நடந்த சம்பவங்கள், தலைகீழாக வரும் !

பாடலாசிரியர் : கமல் ஹாசன்
பாடிவர்கள் :கமல் ஹாசன், பிரியா ஹிமேஷ்
இசை : தேவிஸ்ரீபிரசாத்
படம் : மன்மதன் அம்பு

நீல….. வானம், நீயும்…… நானும்

கண்களே பாஷையாய், கைகளே ஆசையாய் ,
வையமே கோவிலாய், வானமே வாயிலாய் ,
பால்வெளி பாயிலே, சாய்ந்து நாம் கூடுவோம் !
இனி நீ என்று நான் என்று, இரு வேறு ஆள் இல்லையே !

நீல வானம் (The Blue Sky), நீயும் நானும் (U n I).

ஏதேதோ தேசங்களை, சேர்க்கின்ற நேசம்தனை,
நீ பாதி நான் பாதியாய், கோர்க்கின்ற பாசம்தனை,
காதல் என்று பேர் சூட்டியே, காலம் தந்த சொந்தம் இது !
என்னை போலே பெண் குழந்தை,
உன்னை போலொரு ஆண் குழந்தை,
நாம் வாழ்ந்த வாழ்வுக்கு சான்றவது, இன்னோரு உயிர் தானடி!

நீல வானம்………… நீயும் நானும்……………….

பல்லாண்டு பல்லாண்டு பல்லாயிரத்தாண்டு,
பல கோடி நூறாயிரம்………
பல்லாண்டு பல்லாண்டு பல்லாயிரத்தாண்டு,
பல கோடி நூறாயிரம்………
பல்லாண்டு பல்லாண்டு பல்லாயிரத்தாண்டு,
பல கோடி நூறாயிரம்………

ஆறாத காயங்களை, ஆற்றும் நம் நேசம் தானைய்,
மாளாத சோகம் தனை, மாய்திடும் மாயம் தனை,
செய்யும் விந்தை காதலுக்கு, கைவந்தொரு கலை தானடி !
உன்னை ,என்னை, ஒற்றி ஒற்றி, உயிர் செய்யும் மாயமும், அதுதானடி
நாம் வாழ்ந்த வாழ்வுக்கு சான்றவது, இன்னோரு உயிர் தானடி !

நீநீநீநீலவானம்ம்ம்ம்ம்ம் …….
நீநீநீநீயும் நானும்ம்ம்ம்ம் …….

நிச்சயம் இந்த பாடலை நீங்கள் ரசித்து இருப்பீர்கள்! இசைப் பா தளத்தை நண்பர்களுடன் பகிர்ந்து கொள்ளுங்கள் . மேலும் ஒரு விஷயம் :

அது என்ன யாரவது ஏதாவது, யாரவது, புரியாத மாதிரி பேசினா ‘ஏன் கமல் மாதிரி பேசுற’ என்னும் வினா ?

இந்த பாடலாவது புரியுதானு, செத்த பார்த்து சொல்லுங்க ? ? ?

பிகு :  இசைப் பாவிற்கு என்ன ஒரு வரவேற்பு!!! இன்றைய தினம் வோர்ட்பிரஸ் ‘முன்னணி இடுகைகளிலும்‘, ‘ப்ளாக் ஆப் தி டே‘சிலும் வந்துள்ளது. மேலும் உங்கள் ஆதரவும், விருப்பங்களும் எங்களுக்கு தேவை. இன்னமும் தளம் உங்களால் வளர்ந்து கொண்டே உள்ளது. அன்புக்கு நன்றிகள் !!!