நான், நீ, நாம்…

இசையின் வணக்கம்.

புத்தம் புது பாடலை இன்று பதிவு செய்கிறோம். மெட்ராஸ் – கார்த்திக் நடித்து வெளியாகயுள்ள திரைப்படம். தென் சென்னை வாசிகளின் வாழ்க்கை பற்றியது என்று, பலதரப்பட்ட எதிர்பார்ப்பை ஏற்படுத்தியுள்ளது. இந்த பாடலும் ஒரு “Single Release” .

காதல் தோல்வி இல்லாத படமும் இல்ல, அதற்கு பாட்டு வைக்காத இயக்குனரும் இல்லை. சற்றே வித்தியாசமான கோணத்தில், நாயகி ஏங்கும் கீதம் ! தாபப்பூ – வித்தியசாமான மலர் தான், மனதில் மட்டும் பூக்கும், மயக்கத்தில் மட்டும் தாக்கும் போலும். சக்திஸ்ரீயின் குரல் நல்ல ஏக்கத்தை தருகிறது. ட்ரம்ஸ் மற்றும் மெட்டு, ஒரு சோக சோபையை ஏற்ப்படுத்துகிறது. நம்பிக்கையூட்டி கொண்டே இசையில் வளர்கிறார் சந்தோஷ் நாராயணன். பிரிவின் உவமைகளை அள்ளி தெளித்திருக்கிறார் உமா தேவி

படம் : மெட்ராஸ் [2014]
இசை : சந்தோஷ் நாராயணன்
பாடலாசிரியர் : உமா தேவி
பாடியவர்கள் : சக்திஸ்ரீ, தீக்க்ஷிதா

நான் –  நீ –
நாம்-  வாழ உறவே
நீ – நான்-
நாம் – தோன்றும் உயிரே

தாபப்பூவும் நான் தானே….
பூவின் தாகம் நீ தானே…

நான் பறவையின் வானம்…
பழகிட வா நீயும்…
நான் அனலிடும் மேகம்…
அணைத்திட வா நீயும்…

தாபப்பூவும்…

உயிர் வாழ முள் கூட
ஒரு பறவையின்
வீடாய் மாறிடுமே – உயிரே
உன் பாதை மலராகும் !

நதி வாழும் மீன் கூட
ஓர் நாளில்
கடலை சேர்ந்திடுமே – மீனே
கடலாக அழைக்கிறேன் !

தாபப்பூவும்…

அனல் காயும் பறையோசை
ஓர் வாழ்வின்
கீதம் ஆகிடுமே – அன்பே
மலராத நெஞ்சம் எங்கே ?

பலி தீர்க்கும் உன் கண்ணில்
ஓர் காதல் அழகாய்
தோன்றிடுமே – அன்பே
நீ வாராயோ… ஓ…

தாபப்பூவும்…

நான் நீ…

80000++ பார்வைகளை தாண்டி, இன்பம் பரப்பி வருகிறோம். நன்றி ! மகிழ்ச்சி ! விரைவில் அடுத்த பாடலுடன் இணைவோம்.

கல்யாணமாம் கல்யாணம் ….

இசையின் வணக்கம்

குக்கூ படம் பற்றிய எதிர்பார்ப்பு நாளுக்குநாள் அதிகரித்துக் கொண்டே வருகிறது. வரும் 21ஆம் தேதி படம் வெளிவருகிறது. அதற்குள் வெளிவராத இதர பாடல்களும் இசைப்பாவில் இடம்பெற உள்ளன.

தமில் சினிமாவின் தற்போதைய டிரெண்ட் : ஒரு கானா குரலில், முடிந்த மட்டும் குத்து ரகத்தில், நம் மண்ணின் இசையுடன், ஒரு காதல் தோல்விப் பாடல். ராஜு முருகன் அதற்கு விதிவிலக்கு அல்ல. ஆனால் வித்தியாசமான முயற்சி தான்.

நாயகன் கைக்கு ஒரு கல்யாண பத்திரிக்கை வருகிறது. மணப்பெண்ணின் பெயர் பூங்கொடி. நாயகியின் பெயரும் அதுவே. அது நாயகியின் செய்தியா, இல்லையா என்ற குழப்பத்தில் மனமுடைந்து போகும் நாயகனின் நிலையில் வரும் பாடல். நண்பர்களும், சுற்றத்தாரும் பாடுவது போல அமைந்துள்ளது.

ஜனரஞ்சக ரசனைக்காவே எளிமையாக எழுதப்பட்ட பாடல். சாதரணமாக, இந்த வகை பாடல்கள், பெண்களை ஏசுவது போல் அமையும். ஆனால் அதைச் செய்யாமல் வலியின் உணர்வுகளை மட்டுமே அழகாக தொகுத்த யுகபாரதியை பாராட்டித்தான் ஆக வேண்டும். இசையும் குரலும் இயல்பாக அமைந்துள்ளது. உடுக்கையும், நாயனமும் நல்ல கலவை. பாடலின் காணொளி வெளிவந்து விட்டது. நேர்த்தியாக உள்ளது, தினேஷ் அவர்களின் நடனம் வெகுவாக கவர்கிறது.


பாடல் : கல்யாணமாம் கல்யாணம்    
படம் : குக்கூ
பாடகர்கள் : அந்தோணி தாசன், சந்தோஷ் நாராயணன்
பாடலாசிரியர் : யுகபாரதி
இசை : சந்தோஷ் நாராயணன்

காதல் கண்மணியே யே யே…

கல்யாணமாம் கல்யாணம்,
காதல் கண்மணிக் கல்யாணம் !
கல்யாணமாம் கல்யாணம்,
காதலி பொண்ணுக்கு கல்யாணம் !

ஒண்ணா சிரிச்சு
மெய்யா பழகி
கண்ணால் பேசி
காத்துக் கிடந்தது
ஒருவர் மடியில்
ஒருவர் சரிந்து
உறங்கிடாமல்
கனவும் கண்டு
கடைசிவரைக்கும் வருவதாக
கதையும் விட்டாளே
இன்று அத்தனை எல்லாம்
மறந்துவிட்டு பறந்தும் விட்டாளே…

கல்யாணமாம் கல்யாணம்…

லலலா… லலலா…
காதல் கண்மணியே யே யே

கூறச் சேல
மடிச்சு கட்டி
குங்குமபொட்ட
நெத்தியில வச்சி

மணவறையில் அவ இருப்பா
மகாராணியா
அவள காதலிச்சவன்
கலங்கி நிற்பான் அப்பிராணியா
கல்யாணம் கல்யாணம் கல்யாணம்

கெட்டி மேளம்
காது பொளக்க
நாதஸ்வரம்
ஓங்கி ஒலிக்க
கச்சேரியே ரசிச்சிருப்பா
ஊரு முன்னால

அவள காதலிச்சவன்
கதறிடுவான் ஓசையில்லாம
கல்யாணம் கல்யாணம் கல்யாணம்

சாதி சனத்த
வணங்கிக்கிட்டே
சட்டுன்னு சட்டுன்னு
சிரிச்சுக்கிட்டு
பரிசுப் பொருள வாங்கி வப்பா
ரொம்ப ஆசையா

அவள காதலிச்சவன்
கசங்கி நிற்பான் சந்நியாசியா

வக வகயா
சமைச்சு வச்சு
வாழ இலையில்
பந்தியும் இட்டு
புருஷனுக்கு ஊட்டி விட்டுவா
போட்டோ புடிக்கத் தான்

அவள காதலிச்சவன்
மனசுக்குள்ள குண்டு வெடிக்கத்தான்

மங்களத் தாலி
கழுத்தில் ஆட
மந்திர வார்த்த
அய்யரு ஓத
காரில் ஏறி போயிடுவா
புகுந்த வீட்டுக்கு
அவள காதலிச்சவன்
வந்துடுவானே நடு ரோட்டுக்கு

கல்யாணம் கல்யாணம் கல்யாணம்
காதல் கண்மணியே…….யேஏஏஏஏ!

கல்யாணம் கல்யாணம்
காதலிப் பொண்ணுக்கு கல்யாணம் !

இன்னும் இன்னும் இனிய கானங்களுடன்
விரைவில் சந்திப்போம்.

இன்று திரைப்பட நடிகர் கவுண்டமணி அவர்களுக்கு பிறந்தநாள். அவருக்கு இசைப்பா வின் சார்பாக இனிய பிறந்தநாள் வாழ்த்துகள்.

இசைப்பாவில் வெளிவந்த இதர குக்கூ பாடல்கள் :

மனசுல சூறக்காத்தே…

இசை பெருகட்டும், இன்பம் பொங்கட்டும். வணக்கம்.

பல புதிய பாடல்கள் வெளிவந்து கொண்டே இருக்கின்றன. அதில் எங்களுக்கு பிடித்தவற்றை உங்களுக்கு பரிந்துரை செய்து மகிழ்கிறோம். மீண்டும் குக்கூ பாடல்களுக்கு வருவோம். ஏற்கனவே வெளிவந்த பாடல் -> கோடையில மழப் போல.. இன்று ஒரு காதல் ரசம் ததும்பும் காவிய பாடல்.

படத்தின் பெயர் போலவே பாடல்களும் அதி அற்புதம். இந்த பாடல் தான் ஆல்பத்தின் ஆகச்சிறந்த மெலடியாக இருக்கக்கூடும். திவ்யா ரமணி அவர்களின் குரல் பாந்தமாகவும், ஆழமான உணர்வுகளுடன் ஒலிக்கிறது, காற்று என்னும் பாடும் போது, ஒரு வித நளினம் வெளிப்டுகிறது. இரயிலில் பயணம் செய்யும் காதல் குயில்கள் பாடும் கீதம். யுகபாரதியின் வரிகள், காதலை சரியாக பிரதிபலிக்கின்றது, தேவையான அழுத்தத்துடன்.  புல்லாங்குழலில் வரும் நடு இசைகள், மனதினுள் சென்று பாய்கிறது. பாடலின் சிறப்பு அம்சம் : பல கருவிகளின் இசை ஒன்றன் மீது ஒன்று அலைபாய்ந்து நமக்குள் அமைதி தருகிறது.

படம் : குக்கூ
பாடல் : மனசுல சூறக்காத்தே
பாடலாசிரியர் : யுகபாரதி
பாடியவர்கள் : ஆர் ஆர், திவ்யா ரமணி
இசை : சந்தோஷ் நாராயணன்

மனசுல சூறக்காத்தே
அடிக்குது காதல் பூத்து
மனசுல சூறக்காத்தே
அடிக்குது காதல் பூத்து

நிலவே சோறுட்டுதே
கனவே தாலாட்டுதே
மின்னல் ஓசையும்
காதிலே கேட்குதே
உந்தன் வாசனை
வானவில் காட்டுதே

தாரத்தா தரரர…

வாவென்று சொல்லும் முன்னே
வருகின்ற ஞாபகம்
கண்ணே உன் சொல்லில் கண்டேன்
அறியாத தாய் முகம்

ரகசிய யோசனை
கொடுத்தே ரோதனை
சொல்லாத ஆசை என்னை
சுடச் சுட காய்ச்சுதே
பொல்லாத நெஞ்சில் வந்து
புது ஒளி பாய்ச்சுதே

கண்ணிலே இல்லையே காதலும்
நெஞ்சமே காதலின் தாயகம்

தனனானா தனனானா தானானா
தனனானா நனனானா நனானா

ஆனந்தம் பெண்னாய் வந்தே
அழகாக பேசுதே
மின்சார ரயிலும் வண்ண
குயில் போல கூவுதே

கை தொடும் போதிலே
கலங்கவும் தோணுதே
அன்பபே உன் அன்பில் வீசும்
கருவறை வாசமே

எப்போதும் என்னில் வீச
மிதந்திடும் பாவமே
மூங்கிலே ராகமாய் மாறுதே
மூச்சிலே வானொலி பாடுதே

மனசுல சூறக்காத்தே

இந்த பதிவை நீங்கள் படித்து கொண்டு இருக்கும் இந்த தருணம், இசைப்பாவில் ஒரு வரலாறு -> 55,555 ++ பார்வைகள் தாண்டி, இசை வெள்ளத்தை, இந்த புவியெங்கும் பாய செய்துள்ளோம் என்பதில் பெருமகிழ்ச்சி கொள்கிறோம்.

இசைப்பா 55555++ பார்வைகள்
இசைப்பா 55555++ பார்வைகள்

எல்லாம் உங்கள் ஆதரவு தான், மீண்டும் ஒரு இனிய பாடலுடன், இசையில் இணையும் வரை இன்பத்தில் இணைவோம்.

கோடையில மழ போல…

கேட்ட உடனே பிடிக்கும் பாடல்களில் இன்னும் ஒன்று, இனிதே இணைகிறது. மறுபடி கேட்க தூண்டும் மாயம் கொண்ட பாடல். குக்கூ படத்தை பற்றி பல வித அதீத எதிர்பார்ப்புகள் உள்ளன. இரு வேறு காரணங்கள். ஆனந்த விகடனில் தொடராக வெளிவந்த வட்டியும் முதலும் ராஜுமுருகனின் முதல் செம்படைப்பு. இரண்டு : கண் தெரியாதவர்களை மையக்கருவாக எடுக்கப்பட்டுள்ள முதல் படம். கதை முழுவதும் அவர்களே. நாயகனும் நாயகியும் அவர்களே என்பதில் தான் சிறப்பு அதிகம் உள்ளது.

பாடல் காதினுள் ஒலிக்க ஆரம்பித்த நொடியிலேயே குரலை கண்டறிந்து ரசித்து, மகிழ ஆரம்பித்து விட்டேன். ஜெ.சி.டேனியல் என்னும் படத்தில் நான் கேட்ட அதே குரல், அந்த பாடல் உருவான கானொளியில் தான் அவர்களை முதலில் பார்த்தேன் : வைக்கம் விஜயலட்சுமி. அவர் பார்வை திறன் இல்லாத, அருமையான பாடகி. என்ன ஒரு குரல் வளம். படைப்பின் விந்தை. பாடலை கேட்டு மனப்பாடம் செய்து, உருகி உருகி பாடி இவர்களால் மட்டுமே முடியும். இப்படி ஒரு படத்தில் இவர் பாடியது சலா பொருத்தம். இவர்களை தேர்வு செய்தவர்களுக்கு நன்றி பல.

இப்படி ஒரு பாடலை எழுதியது யார் என்ற எண்ணம் அடுத்து வந்தது : யுகபாரதி. எதுகை மொவனை, உவமை புலமை எல்லாம் கலந்த உணர்வு மிகு கவி என்றே சொல்லலாம். சிலிர்க்க வைக்கும் வரிகள் தான். வாழ்த்துகள். இன்னும் உங்களிடம், இது போலவே அமிழ் மிகு, தமிழ் பாடல்களை எதிர்பார்கிறோம். மெல்லிய இசையால் பாடலை கைகொடுத்து தூக்கி அமர்த்திய சந்தோஷ் நாராயணன் அவர்களை பாராட்டி தான் ஆக வேண்டும்.

நண்பர்களின் கருத்துகள்

தமிழ் : படத்தின் தலைப்பைப் போலவே மென்மையான பாடல். சோக ரசம் தரும் பாடல். எழுதி இசையமைக்கப்பட்ட பாடலைப் போல தோன்றுகிறது. பாடல் வரிகளுக்கான களம் தரும் இசை. மற்ற பாடல்களையும் கேட்கத் தூண்டுகிறார்கள் பாடலாசிரியரும், இசையமைப்பாளரும். முதல் முறை – ஒரு முறை மட்டும் கேட்டு எழுதியிருக்கிறேன். மீண்டும் மீண்டும் கேட்டால் நிலை மாறலாம்.

பவானி :  பாடகர்கள் குரல் தெளிவாக உள்ளது. பாடல் வரிகளின் அழகு அருமை. அன்பு கொண்ட உள்ளம் நாட்கள் தாண்டியும் வாழ்வு முடிந்தும் சென்மம் தாண்டியும் வரும்.  உறவுகள் தொடர அன்பே போதும். காலம் மாற நேசம் குறைவது அழகில்லை, காலம் மாற்றம் பெற்றாலும் காதல் மாற்றம் அடையாது.

தமிழின் திருப்புமுனை படைப்புகளில் இதுவும் ஒன்றாக அமைவது திண்ணம். இதோ அந்த பாடல்…

பாடலாசிரியர் : யுகபாரதி 
பாடல் : கோடையில மழ போல…
பாடியவர்கள் : வைக்கம் விஜயலட்சுமி, கல்யாணி நாயர், பிரதீப் குமார்
இசை : சந்தோஷ் நாராயணன்
படம் : குக்கூ 

கோடையில மழ போல
என்னுயிரே நீயிருக்க
வாடையிலும் அனலாக
வருவேன் உன் கூட

காலை இளங்கதிராக
கண்ணருகே நீ இருக்க
மாலைவரும் நிலவாகி
தொடுவேன் காத்தோட

போன சென்மத்துல 
செஞ்ச தவம் இதுவோ ?
இன்னும் கோடி சென்மம் 
கூட வரும் உறவோ…?

போன…

காரியம் நூறு செய்து
மண்ணில் வாழ்வது பெரிது இல்லை
உந்தன் காலடி தடமறிந்து
செல்லும் பாதைகள் முடிவதில்லை

ஆலயம் தேடி சென்று
செய்யும் பூசைகள் தேவை இல்லை
உன்னதன் கைவிரல் தொடும் பொழுது
துன்பம் தொலைவிலும் வருவதில்லை

உறவெது வடிவெதுவோ? – கொண்ட
உறவுகள் உணர்ந்து தொட !
இருளெது ஒளியெதுவோ? – ரெண்டு
இருதயம் கலந்து விட!

மாறிடும் யாவும் இன்று
சொல்லும் வார்த்தையில் நெசமும் இல்லை
உண்மை காதலை பொருத்தமட்டில்
எந்த மாற்றமும் நிகழ்வதில்லை

ஆசைகள் தீரும் மட்டும்
கொள்ளும் அன்பினில் அழகில்லை
வெந்து போகிற வேலையிலும்
அன்னும் தீ என்றும் அணைவதில்லை

உறவெது வடிவெதுவோ ? – கொண்ட
உறவுகள் உணர்ந்து தொட !
இருளெது ஒளியெதுவோ ? – ரெண்டு
இருதயம் கலந்து விட!

கோடையில மழ போல….

போன சென்மத்துல
செஞ்ச தவம் இதுவோ ?
இன்னும் கோடி சென்மம்
கூட வரும் உறவோ…?

குக்ககூவின் குரல் இனியும் இசைப்பாவில் வளம்வரும். வந்த பாருங்கள். இன்பம் கொள்ளுங்கள். பகிர்ந்து மகிழுங்கள்.