காலையிலே மாலை வந்தது

இசையின் ராஜ வணக்கங்கள் !

ராஜா
ராஜா

ராக தேவனின் பிறந்தநாள் இன்று ! இசையன்னையின் தவப் புதல்வர்களுள் அவர் ஓர் தனி படைப்பு என சொன்னால் மிகையாகாது. சமீபத்தில் அவர் இசையில் பல படப்பாடல்கள் சிறப்பாக வந்துள்ளன. அதில் குறிப்பாக நம் மனச் சோர்வை போக்க வல்லது இந்த நிலா சோறு, செவிக்கும் இதயத்துக்கும் ஒரு ராக சோறு, ராஜ சோறு  !

இந்த பாடலை பற்றி நாங்கள் என்ன எழுத, தீவர ராஜா இசை விரும்பி எழுத்தாளர் சொக்கன் அவர் சொன்னதை இங்க நன்றியுடன் பதிவு செய்கிறோம்.

“”

’உங்கப்பன் பேர’ பாடலின் ரிதம் பிரமாதம் என்று எல்லாரும் சொல்கிறார்கள், ஆனால் எனக்கென்னவோ ’காலையிலே மாலை’ பாடலின்unusual rhythm structure ரொம்பப் பிடித்திருக்கிறது, குறிப்பாக பல்லவிக்குத் துணையாக வரும் Rhythm அத்துணை பொருத்தம், பின் அது நீர்த்துவிடுமோ என்று பதற்றத்துடன் கவனித்தேன், மிக அக்கறையாக அதை maintain செய்துள்ளார்.

பல்லவி அனுபல்லவியை ஒரு வீணை வாசிக்க, பாடகி பின்பற்றுவதும், புலமைப்பித்தன் எழுதியிருப்பதும் அவரது ஒரு பழைய பேட்டியை நினைவுபடுத்தியது,‘எனக்கு சந்தம் சொல்லசொல்ல எழுதுவது பிடிக்கும்’ என்றிருந்தார்.

இந்தப் பாட்டில் ஏன் வீணை சந்தம் சொல்கிறது? முதல் பல்லவியில் அது துள்ளி விளையாடுவது ஏன்? யோசித்தால், ராஜா பொதுவாகவே‘குடும்ப’ப் பின்னணி உள்ள பாடல்களில் வீணையை அதிகம் பயன்படுத்துவார். இந்தப் பாடலில் முதல் interludeக்கு வீணை, 2வது interludeக்கு கல்யாண மங்கல இசை, can’t be coincidence.

சரணத்தின் மெட்டு ரொம்ப unusual, குறிப்பாக, புலமைப்பித்தனுக்கு இது புது அனுபவமாக இருந்திருக்கும் 🙂 ‘கண் திறந்தேன், என்ன அழகு’என்றவுடன் வரும் burst of emotions, அபாரம்!  அடுத்து வரும் ‘மூங்கில் காடு’ வரி எனக்கு மிகவும் பிடித்தது, best line in the whole album IMO.

மிகப் பிடித்த இன்னொரு வரி: ’இன்றைக்கு வரைக்கும் என்னோட கணக்கு, என்னோடு வந்த இளமையும் இனி உனக்கு’ ‘இளமையும் இனி உனக்கு’ என்றவுடன் pause தந்து பல்லவி இணையும்இடமும் அபாரம், ஒவ்வொருமுறையும் மெய்சிலிர்ப்பு!

பாடகி மிக அருமையாகப் பாடியுள்ளார், she manages the tune twists so well!! ’சிற்றிடையில் வேலை(ளை)’ என்ற ஒரே ஒரு உச்சரிப்புப் பிழை இல்லாமல் இருந்திருக்கலாம் .

இந்தப் பாட்டைக் கேட்கக் கேட்கச் சலிக்கவில்லை, He has packed so much in a single song!!!

<சுபம்>

 – என்.சொக்கன்

பாடல் வரிகள் உங்களுக்கு :

படம்: சித்திரையில் நிலாச்சோறு
பாடல்: காலையிலே மாலை வந்தது
எழுதியவர்: புலமைப்பித்தன்
இசை: இளையராஜா
பாடியவர்: சப்தபர்ணா சக்ரபர்த்தி

காலையிலே மாலை வந்தது-நான்
காத்திருந்து வேளை வந்தது

இனி காலமெல்லாம்
உன்னை தொடர்ந்து வர
உன் காலடி தான்
இனி சரணமென
இந்த வானமும் பூமியும்
வாழ்த்து சொல்ல

காலையிலே….

கண்களை நான் கட்டிக்
கொண்டு வாழ்த்து வந்தேன்
கண் திறந்தேன் என்ன அழகு ?

ஓ…..எண்ணத்தை நான் எப்படியோ
ஓடவிட்டேன்
இன்று அதில் நல்ல பிழிவு
மூங்கில் காடு முழுசா பாடும்
புல்லாங்குழலா மாறும் போது
சித்திரம் எழுதும் கண்மணி அழகா
நித்தமும் வளரும் பௌர்ணமி நிலவா
உனது இரு விழிகளில் கதை எழுது

காலையிலே….

இன்று முதல் வாழும் வரை நான் உனக்கு
இந்த வரம் வேணும் எனக்கு
ஓ…. சிந்தனையில் வந்து வந்து போகும் உனக்கு
சிற்றிடையில் வீணை இருக்கு
எனது உனது மனது நமதாக
விருந்து கலந்து விருப்பம் உனதாக
இன்றைக்கும் வரைக்கும் என்னோட கணக்கு
இன்றைக்கும் வரைக்கும் என்னோட கணக்கு
என்னோட வந்த இளமையும் இனி உனக்கு

காலையில மாலை வந்தது
காத்திருந்து வேளை வந்தது

இனி காலமெல்லாம்
உன்னை தொடர்ந்து வர
உன் காலைடியில் தான்
இனி சரணமென
இந்த வானமும் பூமியும்
வாழ்த்து சொல்ல

பாடல் கேட்க, பதிவிறக்க : சொடுக்கவும்

இசைப்பாவில் புலமைப்பித்தனின் அறிமுகம் இந்த பாடல் தான். என்.சொக்கன் அவர்களுக்கு மீண்டும் நன்றி ! இந்த பாடலின் சிலேடை அழகை பற்றி அவர் எழுதியதை இங்க படிக்கலாம்.

உங்கள் விருப்பங்களை பதிவு செய்யுங்கள். உங்கள் பார்வைகள் அதிகரித்து கொண்டே வருகிறது. எல்லாம் இசையின் வெற்றி தான். இன்பம் எங்கும் பரவட்டும்.

Advertisements