மறு வார்த்தை பேசாதே!

அறிமுகம் தேவை இல்லாத பாடல். பல நூறு முறை கேட்டுவிட்டேன்… இன்னும் இன்னும் இனிக்கிறது. தாமரை + கெளதம் + சித் + தர்புகா சிவா அசத்தல் கூட்டணி 😀

சென்னையில் திருவையாறு விழாவில் சித் ஸ்ரீராம் பாடிய கர்நாடிக் பதிப்பு : https://www.facebook.com/Thillai.Elanthendral/videos/530859777349980/

எனக்கு பிடித்த, இந்தியன் ராகாவின் கர்நாடிக் வார்ப்பு : https://www.youtube.com/watch?v=Ju_vObcp00w

maruvartahi

பாடல் : மறு வார்த்தை பேசாதே
இசை : நிவாஸ் பிரசன்னா  
பாடலாசிரியர் : தாமரை 
பாடகர்: சித் ஸ்ரீராம்
படம் : என்னை நோக்கி பாயும் தோட்டா

மறு வார்த்தை பேசாதே!
மடிமீது நீ தூங்கிடு!

இமை போல நான் காக்க..
கனவாய் நீ மாறிடு !

மயில் தோகை போலே
விரலுன்னை வருடும்!
மனப்பாடமாய்
உரையாடல் நிகழும்..

விழிநீரும் வீணாக
இமைத்தாண்டக் கூடாதென..
துளியாக நான் சேர்த்தேன்..
கடலாகக் கண்ணானதே..!

மறந்தாலும் நான் உன்னை
நினைக்காத நாளில்லையே ..!

பிரிந்தாலும் என் அன்பு..
ஒருபோதும் பொய்யில்லையே !

விடியாத காலைகள்..
முடியாத மாலைகளில்..
வடியாத வேர்வைத் துளிகள்..
பிரியாத போர்வை நொடிகள்!

மணிக்காட்டும் கடிகாரம்
தரும்வாதை அறிந்தோம்..
உடைமாற்றும் இடைவேளை
அதன் பின்பே உணர்ந்தோம்!

மறவாதே மனம்..
மடிந்தாலும் வரும்..!
முதல் நீ…!
முடிவும் நீ…!
அலர் நீ…!
அகிலம் நீ…!

தொலைதூரம் சென்றாலும்…
தொடுவானம் என்றாலும் நீ…
விழியோரம்தானே மறைந்தாய்..
உயிரோடு முன்பே கலந்தாய் …!

இதழ் என்னும் மலர்கொண்டு..
கடிதங்கள் வரைந்தாய்!
பதில் நானும் தருமுன்பே
கனவாகி கலைந்தாய் ..!

பிடிவாதம் பிடி !
சினம் தீரும் அடி!
இழந்தோம்..
எழில்கோலம் !
இனிமேல்..
மழை காலம்..!!

 

Advertisements

மேலே மேலே தன்னாலே…

நாயகியை பலத்த எதிர்பார்ப்புடன் காணும், நாயகனின் உணர்வுகளை பதிவு செய்யும் பாடல். அவள பாத்துடாதடா.. பாத்தா அப்படியே (காதல்ல) விழுந்திடுவ – என அனைவரும் சூளுரைக்க, சும்மா இருப்பாரா நம்ம வாரிசு. நான் எல்லாம் அனுமார் பக்தர்…. எங்கள யாரும் ஒன்னும் பண்ண முடியாது, என்ற ஏத்தத்துடன் கண்டு, மேலே மேலே போறார்… காதல் வானில் விழுந்த தேனியாய், மயங்கி, கிறங்கி, ஆட்டம் போடுகிறார்.

ஹாரிஸ் ஜெயராஜின் துள்ளல் இசை இனிமையாக உள்ளது. பல நாட்களுக்கு பின் ஒலிக்கும் கார்த்திக்கின் குரல், இன்னுமும் அதே வசீகரத்துடன் உள்ளது. தாமரையின் எளிய வரிகள், எதுகை மொவனை எல்லாம் மிகவும் பொருத்தமாக வந்துள்ளது : தூறல், சாரல், ஈசல், ஆவல், மோதல், ஏஞ்சல் ! இன்னும் ஒன்று : கொடும, அரும, பெரும, இனிம, பொறும, தெறம !

பாடல் : மேலே மேலே தன்னாலே
படம்: இது கதிர்வேலன் காதல்
பாடியவர் : கார்த்திக்
பாடலாசிரியர் : தாமரை
இசை : ஹாரிஸ் ஜெயராஜ்

மேலே மேலே தன்னாலே
என்னக் கொண்டு போனாளே
அந்த புள்ள கண்ணாலே
நெஞ்ச அள்ளிட்டாள்

மேலே மேலே….

ஆள திண்ணு போனாளே,
ஆட்டம் போடா வச்சாளே,
அந்தரத்தில் என்ன தான்
பத்த வச்சுட்டாளே !

அவன் தூர நின்னா தூறலு,
என் பக்கம் வந்தா சாரலு,
அவளாலே நான் ஆனா ஈசலு !

அவ மேலே ரொம்ப ஆவலே,
அதனாலே உள்ளே மோதலு,
அவன என்னோட காதல் ஏஞ்சலு !

வா ராசா ராசா
வழி எல்லாம் ரோசா ரோசா
ஹே லேசா லேசா
பாடாதே நீயும் லூசா லூசா

அவ ஒரு அழகிய கொடும,
அத பொலம்பிட பொலம்பிட அரும,
நிதம் என்ன பாத்ததும் ஏறிப்போச்சு பெரும!

அவ ஒரு வகையில இனிமை,
அத அறிஞ்ஜிட அறிஞ்ஜிட புதும,
என்ன தொட்டு பேசிட கூடிப் போச்சு திறம !

அவ நேருல வந்தா போதும்,
தெருவெல்லாம் தேரடியாகும்,
அவ கண்ணாலே பேசும் தீபம் !

மேலே.. மேலே….

கடவுள துதிப்பவன் இருப்பான்,
கொண்ட கடமைய மதிப்பவன் இருப்பான்,
அட அவல பாத்திட எல்லாத்தையும் மறப்பான் !

ஒலகத்த ரசிப்பவன் இருப்பான்,
எந்த உணவையும் ருசிப்பவன் இருப்பான்,
அவ கூட நின்னவன் தன்ன தானே இழப்பான் !

அவ ஒரு முற வச்ச காரம்,
என் உசுருல நித்தம் ஊரும்,

அவ தீராத நீராகாரம் !

மேலே… மேலே…
வா ராசா ராசா…

நல்ல பாடல். படத்தை ஒரு முறை பார்க்கலாம். இசை எங்கும் பரவட்டும். இனிமை எங்கும் பொங்கட்டும். வாழ்த்துக்கள்

அன்பே அன்பே, எல்லாம் அன்பே….

வணக்கம்.

பாடல் இடம்பெற்ற படம் ’இது கதிர்வேலன் காதல்’. ஒரு மென்மையான சோக பாடல். வரிகளில் பெரும் அட்டகாசம் இல்லை என்றாலும்… இசையும் பாடிய விதமும், இழையோடும் சோக மெட்டும், மனதை வருடுகின்றன. ஹரிணியின் குரலில் இருக்கும் depth மிக அபூர்வம். அந்த உணர்வை, மெல்லிய இசையால் ஹாரிஸ் ஜெயராஜ் கை தூக்கி விட்டிருப்பது – நேர்த்தி. எங்கோ கேட்டு பழக்கம் உள்ள மெட்டாக இருந்தாலும் பாடல் ஈர்க்கிறது.

காதலன் காதலியின் பிரிவை, சின்ன சின்ன சம்பவங்களாக புது கவிதை (வசனம், கதை சொல்வது) போல சித்தரித்திருப்பது அழகு. வரிகள் ஒவ்வொன்றும் காட்சியை அழகாக காட்டுகிறது. இயக்குனருக்கு வேலை மிச்சம். தார தப்பட்டை எல்லாம் வைத்து கிழிக்காமல், இப்படி அமைதியாக சோகத்தை சொல்வது அலாதியான உணர்வலைகளை ஏற்படுத்துகின்றது. வைரமுத்து ராஜா/ரஹ்மான் போல – தாமரை + ஹாரிஸ் வலுவான வெற்றி கூட்டணி !

பல இசைகளை சார்ந்தது ஹாரிஸ் ஜெயராஜின் இசை என்பது பலரின் கருத்து (/குறை). என்னை பொருத்த மட்டில் கேட்க இனிமையாக இருந்தால், திரும்ப கேட்க முடியுமானால் பாடல் சூப்பர் தான் !

படம் : இது கதிர்வேலன் காதல்
இசை : ஹாரிஸ் ஜெயராஜ்
பாடலாசிரியர் : தாமாரை
பாடியவர்கள் : ஹரிஷ் ராகவேந்திரா, ஹரிணி

(ஆண்)
அன்பே அன்பே
எல்லாம் அன்பே
உனக்காக வந்தேன் இங்கே
சிரித்தாலே போதும் என்றேன்
மழைகாலம் மட்டும்
கண்ணில் வேணாடம் என்பேன்
பணிக்கலாம் போர்வைக்
கொண்டு வந்தேன்

ஓ அன்பே அன்பே….

(பெண்)
என் மேஜை மீது பூங்கொத்தை
வைத்தது நீ தானே
நான் வானம் பார்க்க வழி செய்த
சாளரம் நீ தானே
என் இதயம் மெல்ல
சிதையில் தள்ள நீ தான்
நிலாவை காட்டி தேற்றினாய்

அன்பே அன்பே….

(பெண்)

தூக்கம் கண்ணில் வரவில்லை
சொப்பனம் காண வழியில்லை
எங்கோ பாடல் கேட்டாலும்
நெஞ்சில் முன்போல் தீயில்லி

(ஆண்)

மழை தரும் கார்முகிலே – நீ
மிதந்திடும் மயிலிறகே
இதம் தரும் இன்னிசையே – நீ
ஒளிதரும் இன்னிசையே

(பெண்)
இருப்பது ஓர் உயிரே
அது உருகியே கரிகிரதே
நினைவுகள் கொல்வதனால்
மனம் மறுபடி சரிகிறதே

அன்பே அன்பே….

(ஆண்)
உன்னை பார்க்க கூடாது
என் கண்ணி மூடிக் கொண்டாலும்
கண்ணை பிரித்து நீ வந்தாய்
இமைகளின் இடையில் நீ நின்றாய்

(பெண்)
உன்னிடம் சொல்வதற்கு என்
கதை பல காத்திருக்கு
இரு கண்களின் தந்திகளால்
அதை கடத்திட சொல் எதற்கு ?

(ஆண்)
உடைகளின் நேர்த்தியினால் இந்த
உலகினை வென்றவள் நீ !
சிறு உதட்டின் புன்னகையினால் என்
இதயத்தில் நின்றவள் நீ !

அன்பே அன்பே….

மேலும் ஒரு இனிய பாடலுடன் விரைவில் வருகிறோம். இசை பூமியை ஆளட்டும் !

கண்கள் நீயே..காற்றும் நீயே…..!

வணக்கம்.
இசைப்பா-வில் இதுவரை நிகழாத ஒரு நிகழ்வு இப்பாடலுக்குதான் நிகழ்ந்துள்ளது. ஒரே பாடலை பல பங்களிப்பாளர்கள் பதிந்து வைத்தது இதுவே முதல் முறை. எனவே அனைத்து பதிவுகளையும் ஒருங்கிணைத்து இங்கே தருகிறோம்.
***************
நீண்ட நாட்களுக்கு பின் நான் எழுதும் பதிவு. இது என் அம்மாவை நினைத்து எழுதுவது.  தமிழில் பல தாலாட்டு ஆண் கவிஞர்களால்  எழுதப்பட்டிருக்கிறது. ஆனால் நிஜ வாழ்வில் தாலாட்டு தாய்க்கு உரியது. முதன் முதலாக பெண் கவிஞரால் எழுதப்பட்ட தாலாட்டுப்பாடல்  இதுவே .

உணர்வுகளை உணர்ந்து கொள்ள தாயை தவிர வேறு எவரும் இந்த உலகில் இல்லை. ஒரு தாய்க்கு தன் குழந்தையே உலகமாகிறது – அக்குழந்தையின் பிறப்புக்கு பின். ஒரு தாய் தான் தன் குழந்தையை எல்லாவுமாய் பாவிக்கிறாள். அதற்கு சிறந்த எடுத்துக்காட்டு இந்த பாடல்.

-குழலினி

***********

இந்த பாடலை பாடியது சித்தாரா அவர்கள் என்று இன்றுதான் தெரிய வந்தது. சமீபத்தில் அவரை இசைப்பாவில் ‘அம்மாடி நான்..'(ஜெ.சி.டேனியல்) பாடல் மூலம் அறிமுகம் செய்ய இருந்தோம். இருந்தும் இதுவும் ஒரு இனிய பாடல், வளமான குரல். சேர நாட்டு பெண் அவுங்க. உணர்வுகளை, ஏக்கங்களை பளிச்சென நெஞ்சில் பதிய வைக்கும் அவரின் குரலில் தாயின் உள்மனதின் ஈரம் வடிகிறது. தெரிகிறது.

இப்பாடலுக்கு 2012ஆம் ஆண்டின் சிறந்த பாடல் – என்று விஜய் டிவி நிறுவனத்தின் விருது வழங்கப்பட்டது. விழாவில் பேசிய தாமரை (காணொளி). தமிழ் மொழி வார்த்தைகளை மட்டுமே கொண்டு, ஆபாசம் மற்றும் இரட்டை அர்த்தம் இல்லாமல், எழுதும் கவிஞர் தாமரை என பலருக்கு தெரியாது.

-ஓஜஸ்

****************

மிக எதேச்சையாக, இப்படத்தின் பாடல்கள் வெளிவந்த சில நாட்களிலேயே எல்லா பாடல்களையும், கேட்கும் வாய்ப்பு கிட்டியது. என் தோழர் ஒருவர் நடுநிசியில் உறக்கம் வராமல் தவித்திருக்கிறார். மொபைலில் ஏற்றி வைத்த பாடல்களை துழாவியிருக்கிறார். இப்படம் புதிதாக இருக்கவே, கண்கள் நீயே பாடலை கேட்கத் தொடங்கியிருக்கிறார்.கேட்ட மாத்திரத்தில் பாடலுக்குள் வீழ்ந்த அவர் 2-3 முறை கேட்டுவிட்டு தானாகவே உறங்கி விட்டார். மறுநாள் எங்களிடமும் ”என்னா பாட்டுடா!” என வியந்து அதைப் பகிர்ந்து பல தோழர்களுக்கும், இப்பாடலை ரசிக்க தூண்டினார். உங்களுக்கும் உறக்கம் வராது தவிக்கும் தருணம் கிட்டினால் முயன்று பாருங்களேன்!

குழந்தையை மையப்படுத்தி பாடும் தாயின் உணர்வுகளை அப்படியே எழுத்துக்குள், பாட்டுக்குள் வைத்ததுதான் பாடலின் வெற்றி. இவ்வரியை வாசிக்கையிலே எத்துணை இன்பம்.

முகம்  வெள்ளைத்  தாள்.
அதில்  முத்தத்தால்,
ஒரு வெண்பாவை  நான் செய்தேன்  கண்ணே!
இதழ் எச்சில் நீர்
எனும்  தீர்த்தத்தால்,
அதில் திருத்தங்கள்  நீ செய்தாய்  கண்ணே!

பாடலுக்குள்ளும் அழகாக அமரும் மற்ற வரிகளும் அருமையோ அருமை!

-தமிழ்

*******

அன்னையின் பாசமும், தன் குழந்தையை வளர்க்கும் துணிவுடனும் தன் வாழ்வையை அழகாக எடுத்துரைக்கும் தாமரை அவர்களின் வரிகள் இசைக்கும் வேளைகளில் நமக்கும் தாய்மை உணர்வை ஏற்ப்படுத்தும் வரிகள். வாழ்வில் தாயின் நேசம் அது மனிதனை முழுமை படுத்துவதாக அமைகிறது. அவளின் ஒவ்வொரு அசைவிலும் தன் பிள்ளை எதிர் காண இருக்கும் காலம் பற்றி அவள் சிந்திப்பதையும் பாடல் வரிகளின் வடிவில் அருமையாக எடுத்துரைக்கிறார் பாடல் ஆசிரியர்.சில சமயங்களில் பிள்ளைகளால் தாய்க்கு தரப்படும் நேசம் அவளின் தவம் புரியா வரமாக அமைகிறது. பிள்ளையின் கண்களில் பாசமும் பெற்றவள் கண்ணில் நேசமும் அவர்களுக்கிடையில் இசையான வாழ்க்கை சுழற்சி அழகாக வரிகளாக உருப்பெற்றுள்ளது.
-பவானி
***********

thamaraiவாழ்த்துகள் கவிதாயினி தாமரை.

ஒரே ஒரு குறைதான்! பாடல் வரிகளின் முழுத் தாக்கமும் காட்சிகளில் இல்லை என எண்ணுகிறோம். உங்களுக்கும் அவ்வாறே தோன்றினால் பாடல் வரிகளின் ஆழத்தை உணருங்கள். இசையோடு இணையுங்கள்.

************

பாடல் : கண்கள் நீயே காற்றும் நீயே
படம் : முப்பொழுதும் உன் கற்பனையில் 
பாடலாசிரியர் : தாமரை
இசையமைப்பாளர் : ஜி.வி.பிரகாஷ்
பாடியவர் : சித்தாரா

கண்கள்  நீயே..காற்றும்  நீயே

தூணும்  நீ ..துரும்பில் நீ

வண்ணம்  நீயே ..வானும்  நீயே

ஊனும் நீ ..உயிரும்  நீ

பல  நாள்  கனவே
ஒரு  நாள் நனவே
ஏக்கங்கள்  தீர்த்தாயே
இடையில்  பிழிந்து  உன்னை  நான்  எடுத்தேன்
நான் தான்  நீ ..வேறில்லை
முகம்  வெள்ளைத்  தாள்
அதில்  முத்தத்தால்
ஒரு வெண்பாவை  நான் செய்தேன்  கண்ணே
இதழ் எச்சில் நீர்
எனும்  தீர்த்தத்தால்
அதில் திருத்தங்கள்  நீ செய்தாய்  கண்ணே

(கண்கள்  நீயே..காற்றும்  நீயே)

இந்த  நிமிடம்  நீயும்  வளர்ந்து
என்னை  தாங்க  ஏங்கினேன்
அடுத்த  கணமே  குழந்தையாக
என்றும்  இருக்க  வேண்டினேன்
தோளில்  ஆடும்  சேலை
தொட்டில்  தான்  பாதி  வேலை
சுவர்  மீது  கிறுக்கிடும்போது
ரவிவர்மன்  நீ
இசையாக பல பல ஓசை
செய்திடும் .. ராவணன்
ஈடில்லா  என்  மகன்

எனைத்  தள்ளும்  முன்
குழி  கன்னத்தில்
என் சொர்கத்தை நான் கண்டேன்  கண்ணே
எனை கிள்ளும் முன்
விரல்  மெத்தைக்குள்
என் முத்தத்தை  நான் தந்தேன்  கண்ணே

என்னை  விட்டு  இரண்டு  எட்டு
தள்ளிப்  போனால்  தவிக்கிறேன்
மீண்டும்  உன்னை  அள்ளி  எடுத்து
கருவில்  வைக்க  நினைக்கிறேன்

போகும்  பாதை  நீளம்
கூரையாய்  நீல  வானம்
பல  நூறு  மொழிகளில்  பேசும்
முதல்  மேதை  நீ
பசி  என்றால்  தாயிடம்  தேடும்
மானிட  மர்மம்  நீ
நான்  கொள்ளும்  கர்வம்  நீ

கடல்  ஐந்தாறு
மலை ஐநூறு
இவை  தாண்டித்  தானே
பெற்றேன்  உன்னை
உடல்  செவ்வாது  பிணி  ஒவ்வாது
பல  நூறாண்டு  நீ ஆள்வாய் மண்ணை

(கண்கள்  நீயே..காற்றும்  நீயே)

இசைப்பா+

தமிழ்த் திரையுலகின் முதல் பெண் பாடலாசிரியர் கவிஞர் தாமரை தான்!

கருத்துக்கள் மற்றும் திருத்தங்களை எப்போதும் போல எதிர்பார்க்கிறோம்.

பார்த்த முதல் நாளே

இசையின் வசமானவர்களுக்கு,

வணக்கம். இந்த பாடலை அனுப்பியவர் இசைப்பாவின் மூத்த பங்களிப்பாளர் ரஞ்சனி அவர்கள். அவர்கள் முழுச் சுதந்திரம் கொடுத்து இப்பாடலை வெளியிடக் கோரினார்கள். நான் சில வார்த்தைகளைச் சேர்த்திருக்கிறேன். அவ்வளவே. இதன் பாராட்டுகள் அனைத்தும் அவர்க்குரியதே.

இப்போதெல்லாம் திரைப்படப் பாடல்களை அவ்வளவாகக் கேட்பதில்லை. இசை காதுக்கு இனிமையாக இருப்பதில்லை; அல்லது பாடகர் தமிழை கொலை செய்திருப்பார்; குரலினிமை இல்லாத இசை அமைப்பாளரே பாடி நம்மை ஒரு வழி பண்ணி விடுவார். மொத்தத்தில் ‘உனக்கு வயதாகி விட்டது’ என்பான் என் பிள்ளை!

‘வேட்டையாடு விளையாடு’ படத்தைப் பற்றி எல்லாப் பத்திரிகைகளும் ஆஹா ஓஹோ என்று எழுத, வரவில்லை என்று சொன்ன கணவரை கட்டாயப் படுத்தி கூப்பிட்டுக் கொண்டு திரை அரங்கில் இந்தப் படத்தைப் பார்த்து அவரிடமிருந்து செம திட்டு! ‘இதை விட வயலன்ஸ் படம் வேறு கிடைக்கவில்லையா பார்க்க?’ என்று இடைவேளையின் போதே ஆரம்பித்த திட்டு இன்று வரை ஓயவில்லை. அதனால் ‘விஸ்வரூபம்’ போகலாமா என்று பிள்ளை கேட்டபோது அப்பாவுக்கு டிக்கட் வாங்காதே என்று சொல்லிவிட்டேன். ஹி…ஹி….!

சரி இப்போது ‘பார்த்த முதல் நாளே’ பாட்டிற்கு வருவோம். முதல் தடவை கேட்டபோதே ரொம்பவும் பிடித்து விட்டது. எனது அலைபேசியில் காலர் டியூனாகப் போட்டுக் கொண்டேன். ஒரு புதிய அலையையே உருவாக்கி விட்டது இந்தப் பாடல்!

என் மாணவர்களுக்கு ரொம்பவும் வியப்பு நான் காலர் டியூன் போட்டுக் கொண்டது. இத்தனை நாள் இல்லாமல் இது என்ன? எதற்கு இந்தப் பாடலை போட்டுக் கொண்டேன் என்று கேள்வி மேல் கேள்வி. தமிழ் தெரியாத மாணவர்கள் பாடலுக்கு அர்த்தம் கேட்க ஆரம்பித்து விட்டனர்!  முதல் வரியில் வரும் ‘உன்னை’ என்பது யார் என்று அறிய ஆவல் அவர்களுக்கு!

பொதுவாக பாடல் நன்றாக இருந்தால் காட்சி அமைப்பு படு மோசமாக இருக்கும். காட்சி அமைப்பு நன்றாக இருந்து பாடல் சிலசமயம் படுத்தும். அப்படி இல்லாமல் பாடல், இசை, காட்சி அமைப்பு என்று எல்லாவற்றிலும் முதல் இடத்தைப் பிடிக்கிறது இந்தப் பாடல். பாடகர்களும் குறிப்பாக பாம்பே ஜெயஸ்ரீயின் கீழ் ஸ்தாயி குரல் பாடலுக்கு மெருகூட்டுகிறது.

படம் : வேட்டையாடு விளையாடு
பாடல் : பார்த்த முதல்
இசை : ஹாரிஸ் ஜெயராஜ்
பாடலாசிரியர்: தாமரை
பாடியவர்கள் : உன்னி மேனன், பாம்பே ஜெயஸ்ரீ

பார்த்த முதல் நாளே,
உன்னை பார்த்த முதல் நாளே,
காட்சி பிழை போலே,
உணர்ந்தேன் காட்சி பிழை போலே !

ஒரு அலையாய் வந்து என்னை அடித்தாய் !
கடலாய் மாறி பின் என்னை இழுத்தாய் !
என் பதாகை தங்கிய உன் முகம்
உன் முகம் என்றும் மறையாதே !

காட்டி கொடுக்கிறதே கண்ணே
காட்டி கொடுக்கிறதே !
காதல் வழிகிறதே கண்ணில்
காதல் வழிகிறதே !

உன் விழியில் வழியும் பிரியங்களை,
பார்த்தே கடந்தேன் பகல் இரவை.
உன் அலாதி அன்பினில் நனைந்தபின்
நனைந்தபின் நானும் மழையானேன் !

காலை எழுந்ததும் என் கண்கள்,
முதலில் தேடி பிடிப்பது உந்தன் முகமே !
தூக்கம் வருகையில் கண் பார்க்கும்,
கடைசி காட்சிக்குள் நிற்பது உன் முகமே !

என்னை பற்றி எனக்கே தெரியாத பலவும்,
நீ அறிந்து நடப்பது வியப்பேன் !
உனை ஏதும் கேட்காமல் உனது ஆசை அனைத்தும்,
நிறைவேற்ற வேண்டும் என்று தவிப்பேன் !

போகின்றேன் என நீ பல நூறு முறைகள்,
விடை பெற்றும் போகாமல் இருப்பாய் !
சரி என்று சரி என்று உனை போக சொல்லி,
கதவோரம் நானும் நிற்க சிரிப்பாய் ,
கதவோரம் நானும் நிற்க சிரிப்பாய் !!

காட்டி கொடுக்கிறதே,
கண்ணே காட்டி கொடுக்கிறதே…
காதல் வழிகிறதே,
கண்ணில் காதல் வழிகிறதே…

ஒரு அலையாய் வந்து என்னை அடித்தாய்
கடலாய் மாறி பின் என்னை இழுத்தாய்
என் பதாகை தங்கிய உன் முகம்
உன் முகம் என்றும் மறையாதே

உன்னை மறந்து நீ,
தூக்கத்தில் சிரித்தாய்,
தூங்காமல் அதை கண்டு ரசித்தேன் !

தூக்கம் மறந்து நான் – உன்னை
பார்க்கும் காட்சி கனவாக
வந்தது என்று நினைத்தேன் !

யாரும் மானிடரே இல்லாத இடத்தில்,
சிறு வீடு கட்டி கொள்ள தோன்றும் !
நீயும் நானும் அங்கே வாழ்கின்ற வாழ்வை,
மரம் தோறும் செதுக்கிட வேண்டும் !

கண் பார்த்து கதைக்க முடியாமல் நானும்,
தவிக்கின்ற ஒரு பெண்ணும் நீ தான் !
கண் கொட்ட முடியாமல் முடியாமல் பார்த்தும்,
சலிக்காத ஒரு பெண்ணும் நீ தான்,
சலிக்காத ஒரு பெண்ணும் நீ தான் !!

பார்த்த முதல் நாளே,
உன்னை பார்த்த முதல் நாளே,
காட்சி பிழை போலே,
உணர்ந்தேன் காட்சி பிழை போலே !

ஒரு அலையாய் வந்து என்னை அடித்தாய் !
கடலாய் மாறி பின் என்னை இழுத்தாய் !
என் பதாகை தங்கிய உன் முகம்
உன் முகம் என்றும் மறையாதே !

கம்பீரமான காவல் அதிகாரிகளுக்கு திரையில் மவுசு கூடியது சூர்யாவின் காக்க காக்க திரைப் படம் வந்தபின் தான். வேட்டையாடு விளையாடு படத்தில் இவர்களின் கம்பீரத்தை மேலும் அதிகரிக்கச் செய்கிறார், கமல் தன் அட்டகாசமான நடிப்பினால்.

அட்டூழியம் செய்யும் அநியாயக்காரர்களுக்கு சிம்ம சொப்பனமாக இருக்கும் காவல் அதிகாரி, தன் மனைவியிடம் கொஞ்சி, குழைந்து, சண்டை போட்டு, பின் சரணடைந்து தான் ஒரு சாதாரண மனிதன் என்பதை இந்தப் பாடல் காட்சியில் நிரூபிக்கிறார். இது தான் இந்தப் பாடல் வெற்றி பெறக் காரணமோ?

Triple Treat !
Triple Treat !

கௌதம்-தாமரை-ஹாரிஸ் ஜெயராஜ் கூட்டணியின் சிறப்பான பாடல்களில் இதுவும் கண்டிப்பாக இடம்பெறும். வெளிவந்த காலத்தில் பலரது காதுகளையும் குளிரவைத்த இப்பாடல் காட்சியமைப்பிலும் சிறப்பாகவே இருக்கும்.

ஒரு ஊரில் அழகே உருவாய்,

இசையின் இன்ப வணக்கங்கள்.

இன்று ஹாரிஸ் ஜெயராஜ் அவர்களின் பிறந்தநாள். எனவே இந்த சிறப்பு பதிவு. மனதை கவரும் பாடல்கள் பலவற்றை அவர் தந்துள்ளார். அதில் இருந்து ஒரு மிக அழகான பெண்மையான மென்மையான பாடல். இந்த பாடலில் சம்பந்த பட்டவர்கள் அனைவரையும் பற்றி சொல்லியே ஆகா வேண்டும்.

முதலில் தாமரை. எனக்கு தெரிந்து பெண் கவிஞர்களில், இவர் ஒரு தனித்துவம் வாய்ந்த ‘தாமரை’. அருமையான தமிழ் வளம். அடுத்து பாடலை பாடிய கார்த்திக். துள்ளும் குரல். அழகுக்கு அழகு சேர்க்கும் நளினம்.கௌதம் மேனன், ஜோதிகா. பாடல் வரிக்கு மேலும் பலம் சேர்க்கும் வீடியோ. சம்பவங்களை அழகாக அடுக்கியிருப்பார். நாயகியின் அறிமுக பாடல் இதற்கும் மேலும் சிறப்பாக அமைய முடியாதென்று, அடித்து சொல்லாம்.

படம் – காக்க காக்க
பாடலாசிரியர் – தாமரை
இசையமைப்பாளர் – ஹாரிஸ் ஜெயராஜ்
பாடியவர்கள் – கார்த்திக் மற்றும் குழுவினர்

She is a fantasy !
She has a harmony !
No one knows, she is a mystery !
She fills your heart, with ectasy !

ஒரு ஊரில் அழகே உருவாய்,
ஒருத்தி இருந்தாளே !
அழகுக்கு இலக்கணம் எழுத,
அவளும் பிறந்தாளே !

அவள் பழகும் விதங்களை பார்க்கையிலே,
பல வருடம் பரிச்சயம் போல் இருக்கும்,
எதிலும் வாஞ்சைகள் தான் இருக்கும்,
முதலாம் பார்வையிலே, மனதை ஈர்ப்பாளே !

(முதலாம்…)
(ஒரு ஊரில்…)

மரகத சோம்பல், முறிப்பாளே !
புல் வெளிப் போல, சிரிப்பாளே !
விரல்களை ஆட்டி ஆட்டி, பேசும் போதிலே,
காற்றிலும் வீணை உண்டு, என்று தோணுமே !

அவள் கன்னத்தின் குழியில்,
சிறு செடிகளும் நடலாம் !
அவள் கன்னத்தின் குழியில் – அழகழகாய்,
சிறு செடிகளும் நடலாம் – வித விதமாய் !

ஏதோ ஏதோ தனித்துவம்,
அவளிடம் ததும்பிடும் ததும்பிடுமே !

(ஒரு ஊரில்…)

மகரந்தம் தாங்கும், மலர் போலே,
தனி ஒரு வாசம், அவள் மேலே !
புடவையின் தேர்ந்த மடிப்பில், விசிறி வாழைகள் !
தோள்களில் ஆடும் கூந்தல், கரிசல் காடுகள் !

அவள் கடந்திடும் போது,
தலை அனிச்சையாய் திரும்பும் !
அவள் கடந்திடும் போது – நிச்சயமாய்,
தலை அனிச்சையாய் திரும்பும் – அவள் புறமாய் !

என்ன சொல்ல ?
என்ன சொல்ல ?
இன்னும் சொல்ல,
மொழியிலும் வழி
இல்லையே !

அவள் பழகும் விதத்தை பார்கையிலே,
பல வருடம் பரிச்சயம் போல் இருக்கும் !
எதிலும் வாஞ்சைகள் தான் இருக்கும்,
முதலாம் பார்வையிலே, மனதை ஈர்ப்பாளே !
முதல் முதல் பார்வையிலே, மனதை ஈர்ப்பாளே !

(ஒரு ஊரில்…)

Triple Treat !
Triple Treat !

பாடலை கண்டு கேட்டு மகிழ :

இசைப்பா பொறுத்த வரை, இருவருமே புதியவர்கள் – ஹாரிஸ் ஜெயராஜ் மற்றும் தாமரை. ஆனாலும் நம் மனதில் பல பாடல்களை பதித்தவர்கள்.  இவர்கள் கூட்டணியில் பல சிறந்து பாடல்கள் வந்துள்ளன. இங்கும் விரைவில் வரும்.

இசை மீது எங்களை போல ஆர்வம் உள்ளவர்கள், பாடல்களை எழுதி பங்கு பெறலாம். வாசகர் விருப்பங்கள் வரவேற்கப்படுகின்றன. இந்த ஆண்டு தொடங்கி வீறு நாடிப் போடுகிறது இசைப்பா, விஸ்வரூபம் பதிவு மட்டும் 100+ பார்வைகளை தாண்டி உள்ளது. நன்றி. இசை என்னும் இன்பம் எட்டு திக்கெங்கும் பரவட்டும்.