கூடவே வர மாதிரி – கயல்

இசை வணக்கம்

கயலின் மிகச் சிறிய பாடல். காதலி என்ன சொல்ல போகிறாள் என்ற ஏக்கத்துடன் இருக்கும் நாயகனின் குரலில் எழுதியுள்ளார் யுகபாரதி. எங்கும் அவள் கூடவே இருக்கும் மாதிரி ஒரு பித்து. அவனது நடுக்கமான, உருக்கும் மனநிலையை அப்படியே கொண்டுவந்துள்ளார் ஜோசப். இசையில் சோகத்தை கலந்து சொக்க வைக்கிறார் இமான்.

Kayal hero

பாடல்: கூடவே வர மாதிரி
இசை: இமான்
பாடலாசிரியர்: யுகபாரதி
பாடியவர்: அல்போன்ஸ் ஜோசப்
படம்: கயல்

கூடவே வர மாதிரி
தெரியுதே யே யே….
நீ என்ன
சொல்ல போறியோ

ஈரகொல நடுங்குதே
மூச்சும் பேச்சும் ஒடுங்குதே .
காரமுள்ள காத்தடிக்க
கண்ணுமுழி பிதுங்குதே
கலங்குதே கலங்குதே

ஓ… ஓ… ஓ….
தாரரா ஆ… ஆ…
நீ என்ன
சொல்ல போறியோ
ஹ்ம்ம்… ஹ்ம்ம்…

இனிய பாடலுடன் இணைய வழி விரைவில் இணைவோம்

Advertisements

பறவையாப் பறக்கிறோம் – கயல்

இசையின் வணக்கம்

கும்கி படத்தில் வரும் “எல்லா ஊரும் “ என்று பாட்டை போல, கயல் பாத்தில் வரும் பாடலிது. நாடோடி வாழ்கை, ஏது வந்தாலும் இலகுவாக எடுத்துக்கொள்ளும் மனம். சந்தோஷத்தை அளவில்லாமல் நுகரும், இளமை காளை பருவத்தில் உள்ள கதாநாயகனின் மனத்துடிப்பு. இயற்கையுடன் இயந்து வாழும் அவனது நாடோடி வாழ்க்கை, சிறு சிறு விஷயங்களையும் சிலிர்ப்புடன் அனுபவிக்கிறது. இமான் இசை உற்சாகமூட்டுகிறது. யுகபாரதி வரிகள், நாமும் அப்படி இருக்கலாமே என்று ஏங்க வைக்கிறது. ஹரிச்சரன் குரல் துள்ளல் ஆட்டம் போடா வைக்கிறது. ரசித்து மகிழலாம் வாருங்கள்.

Kayal Hero

பாடல்: பறவையாப் பறக்கிறோம்
இசை: இமான்
பாடலாசிரியர்: யுகபாரதி
பாடியவர்: ஹரிசரண்
படம்: கயல்

பறவையாப் பறக்கிறோம்,
காத்துல மெதக்குறோம்,
போற வழியில,
பூக்களா சிரிக்கிறோம்!
எங்க ஊரு ஒலக,
ஊரா நினைக்கிறோம்!

ஏ வீடு வாசல் வீதி
ஒன்னும் வேணாம்!
ஏ காடு மேடு கடலத்
தாண்டி போவோம்!
சூரியன் போல
நாங்க சுழலுவோம்,
சோகம் வந்தா
குப்பையில வீசுவோம்!

பூமி பந்து மேல
ஒத்துயடி பாத போடுவோம்.
அந்த வானவில்லு,
எங்களுக்கு சோடி.
தினம் வட்ட நிலா,
கூட சில்லு ஆடி.
மேகம் ஏறி,
வெரசா நடப்போமே.
அந்த மின்னல் கொடிய,
கயிறா திரிப்போமே!

பறவையா…

ஏ ஆடு மாடு கோழி
எங்களுக்கு கூட்டு!
அத போல வாழ
தேவையில்ல நோட்டு!
கண்டத வாங்கி
சேர்க்க நினைக்கல!
ஒரு தந்திரம் போட்டு
ஊர கெடுக்கல!
நாளை என்ன ஆகும்
எண்ணி வாழ மாட்டோம்!
இந்த சின்னம்சிறு பிஞ்சு போல
உள்ள வர துள்ளி விளையாட
காலம்பூரா கவல கிடையாதே
நானா போற பாத
எதுவும் முடியாதே

பறவையா பறக்கிறோம்
காத்துல மெதக்குறோம்!

மீண்டும் ஒரு நல்ல பாடலுடன் இணைவோம்

உண்மை ஒரு நாள் வெல்லும் – லிங்கா

இசை வணக்கம்

லிங்காவின் ஒரே சோகப் பாடல், ஆனால் இசையும் வரிகளும் மிளிர்கிறது. தலைவனுக்கேது தாழ்வு ? அவன் தோற்றாலும், அதில் ஒரு உண்மை இருக்கும். இது என்றுமே ரஜினி படத்தில் வரும் ஒரு கட்டம். இதற்காக பல படங்களில் பாடலகள் உண்டு : பட்ச்ஷா, அண்ணாமலை, பாபா.. என் பாட்டில் நீள்கிறது.

சத்தியத்தின் சங்கமம் நாயகன், ஆனாலும் அவனை சூது கவ்வுகிறது. ஆகாச குரல் அவனை நோக்கி பாடினால் எப்படி இருக்கும், என வைரமுத்து படம் பிடித்துள்ளார். தண்ணீர் மீது அணைக் கட்டும் ரஜினி சாகும்போது/துவண்டு விழும் போது வரும் பாடல் இது என நம்புகிறேன்.

குழலும், வயலினும் குலைந்து சோகத்தில் சோபைப் பெறுகின்றன. மெல்லிய மெட்டுடில் கரைந்துள்ளர் ஹரிசரண். பல ரஹ்மான் பாடல்களின் சாயல் இதில் உள்ளது. வைரமுத்துவின் வாரத்தை ஜாலங்களில் மோனைகளும், ஏதுகைகளும் அட்டகாசம்! நல்ல சங்க பாடல்களை, பழமொழிகளை இலகுவாக கையாளுகிறார். கேளுங்கள்.

Lingaa music release

பாடல்: உண்மை ஒரு நாள் வெல்லும்.
இசை: ஏ.ஆர்.ரஹ்மான்.
பாடலாசிரியர்: வைரமுத்து
பாடியவர்: ஹரிசரண்
படம்: லிங்கா

உண்மை ஒரு நாள் வெல்லும்.
இந்த உலகம் உன் பெயர் சொல்லும்.
அன்று ஊரே போற்றும் மனிதன்,
நீயே நீயே நீயேடா!
பொய்கள் புயல்போல் வீசும் ஆனால்,
உண்மை மெதுவாய் பேசும்!
அன்று நீயே வாழ்வில் வெல்வாய்
கலங்காதே… கலங்காதே… கலங்காதே…
கரையாத… கலங்காதே… கலங்காதே…

ராமனும் அழுதான்…!
தர்மனும் அழுதான்…!
நீயே அழவில்லை,
உனக்கோ அழிவில்லை!

சிரித்து வரும் சிங்கமுண்டு.
புன்னகைக்கும் புலிகள் உண்டு.
உரையாடி உயிர்குடிக்கும்,
ஓநாய்கள் உண்டு!
பொன்னாடை போர்த்து விட்டு,
உன்னாடை அவிழ்ப்பதுண்டு!
பூசெண்டில் ஒளிந்துநிற்கும்,
பூநாகம் உண்டு.

பள்ளத்தில் ஓர்
யானை வீழ்ந்தாலும்,
அதன் உள்ளத்தை
வீழ்த்திவிட முடியாது!

உண்மை ஒரு நாள்…..

சுட்டாலும் சங்கு நிறம்
எப்பொதும் வெள்ளையடா,
மேன்மக்கள் எந்நாளும்
மேன்மக்கள் தானே!
கெட்டாலும் நம் தலைவன்
எப்போதும் ராஜனடா!
வீழ்ந்தலும் வள்ளல் கரம்
வீழாது தானே!
பொன்னோடு மண்
எல்லாம் போனாலும்
அவன் புன்னைகையை
கொல்லையிட முடியாது!

உண்மை ஒருநாள்….

இனிய பாடலுடன், இணைய வழி இணைவோம்.

எங்க புள்ள இருக்க ? – கயல்

கயல் படத்திலிருந்து அடுத்த பாடல்.

காதலை தொலைத்து விட்டு தேம்பும் நாயகனின் சோக கேதம் இந்த பாடல். மீண்டும் அவளை தேடுகிறான், திண்டாடி போகிறான். ஏகத்தின் குரலை எளிதாக பகிர்ந்துள்ளார் யுகபாரதி. மிகவும் மெல்லிய இசையில் சோகத்தின் ஆழத்தை கசியவிட்டுள்ளார் இமான்.

Kayal hero

பாடல்: எங்க புள்ள இருக்க ?
இசை: இமான்
பாடலாசிரியர்: யுகபாரதி
பாடியவர்: பலராம்
படம்: கயல்

எங்க புள்ள
இருக்க நீ சொல்லடி ?
கண்ணு முன்ன வந்து
நீ கொஞ்சம் நில்லடி

.
ஒத்தையா வேகுறேன்.
மொத்தமா நோகுறேன்.
இது ஏனோ தானே…
இல்ல இல்ல உசிரே!

எங்க புள்ள
இருக்க நீ சொல்லடி ?
கண்ணு முன்ன
வந்து நீ நில்லடி

அரிதான பொருளாக
தெரிந்தாயடி!
அடைக்காக்க தெரியாமல்
தொலைத்தேனடி!

எனக்குள்ளே புது
மூச்சை கொடுத்தாயடி.
சுழல் போல
அதை நீயே இழுத்தாயடி…

பொத்தி வச்ச
உன் நினைப்பு
பொத்திக்கிட்டு கொட்டுதடி
சுத்தி விட்டு ராட்டினமா
என மனசு சுத்தடி

இது ஏனோ தானே….
இல்ல இல்ல உசிரே!

எங்க புள்ள
இருக்க நீ சொல்லடி!
கண்ணு முன்ன வந்து
நீ கொஞ்சம் நில்லடி!

எனக்கான வரம் போல
பிறந்தாய்யடி
தவமேதும் புரியாமல்
கிடைத்தாயடி
இனிமேலும் இவன்
வாழ முடியாதடி
இறந்தாலும் உன்னை
தேடி அலைவேனடி

உன்ன இவன்
கண்ணின் முழி
பெத்தவளா காணுதடி
உன்ன எண்ணி
அப்படியே செத்திடவும்
தோணுதடி

இது ஏனோ தானோ…
இல்ல இல்ல உசிரே!

எங்க புள்ள
இருக்க நீ சொல்லடி!
கண்ணு முன்ன
வந்து நீ நில்லடி
ஒத்தையா வேகுறேன்.
மொத்தமா நோகுறேன்.
இது ஏனோ தானே…
இல்ல இல்ல உசிரே!

மீண்டும் ஒரு இனிய பாடலுடன் இணைவோம்

ஓ நண்பா, ஏ நண்பா… – லிங்கா

காலம் தொட்டு, தொடர்ந்து செய்து வரும் விஷயங்களை மரபு என்று சொல்லுவோம். இந்த பாடலும் ஒரு மரபே : ரஜினி நடிக்கும் படங்களில், முதல் பாடலை, ஏ ஆர் ரஹமான் இசையமைக்க, வைரமுத்து வரிகள் எழுத, எஸ்.பி.பி பாடி வருகிறார். லிங்கா படப்பாடல் இன்று.

ஆட்டம் போட வைக்கும் Rock இசை. உற்சாகத்துடன் அறிவுரைகளை சேர்ந்து ஊட்டும் வரிகள். நண்பர்களை மையமாக கொண்டுள்ள பாடல், கூட்டு முயற்சியினால் கோடி இன்பம், படத்தின் கருவும் இதில் உள்ளது. தங்கம் தேய்க்க தேய்க்க சோபித்து விளங்கும். SPB குரலும் அது போலே! ரசித்து மகிழுங்கள்.

lingaa

பாடல்: ஓ நண்பா, ஏ நண்பா
இசை: ரஹ்மான்
வரிகள்: வைரமுத்து
பாடியவர்கள்: எஸ்.பி.பி, ஆர்யன் தினேஷ் கனகரத்தினம்
படம்: லிங்கா

ஹே ஹே ஓஹோ ஓஹோ

ஓ நண்பா நண்பா நண்பா
வா கலக்கலாம்!
ஹே நண்பா நண்பா நண்பா
வான் திறக்கலாம்!

ஆசை இருந்தால் நண்பா,
சொர்க்கம் திறக்கும் நண்பா!
நாம் அத்தனைக்கும் ஆசைப்பட்டு,
முத்தெடுபோம் வா நண்பா!

வானம் வலது கையில்,
பூமி இடது கையில்,
வாழ்வே நமது பையில்!

ஓ நண்பா நண்பா நண்பா
வா கலக்கலாமா ?
ஹே நண்பா நண்பா நண்பா
வான் திறக்கலாமா ?

ஹே நண்பா…
ஓ நண்பா….

காதல் பெண்ணும்,
ரசிக்க தானே கிண்ணம்,
ருசிக்க தானே ரெண்டும்,
அளவுத் தாண்டி செல்லாதே!

உன் எல்லை
அறிந்து கொண்டால்
தொல்லை….
உனக்கு இல்லை!
மீனே தண்ணீரை
தாண்டி துள்ளாதே!

உன்னோடு செல்வம்,
எல்லாம் சேர்த்துக்கோ,
கொண்டாட நண்பன்,
வேணும் பார்த்துக்கோ!

ஹே முன்னோர்கள் சொன்னால்
சொன்னால் ஏத்துக்கோ!
வேலைக்கு ஆகதென்றால்
மாத்திக்கோ….!

ஓ நண்பா…

மண்ணில் இன்பம்
இயற்கைதானே
துன்பம் செயற்கை தானே
முள்ளில் நீ மெத்தை
தைத்து தூங்காதே!
முன்பு இன்பம்
கொடுத்ததெல்லாம்
பின்னால் துன்பம் தரும்!
கண்ணா நீ
கட்டுப்பாடு தாண்டாதே
இதயம் பெரிதாக
வாழ்ந்து பார்
இன்பம் பெரிதாகி தீருமே!
உன்னை எல்லாருக்கும்
தந்து பார்
உலகம் உனதாகி போகுமே….!

ஓ நண்பா…

ஓ நண்பா நண்பா நண்பா
வா கலக்கலாம்.
ஹே நண்பா நண்பா நண்பா
வான் திறக்கலாம்.
ஆசை இருந்தால் நண்பா
சொர்கம் திறக்கும் நண்பா
நான் அத்தனைக்கும் ஆசைப்பட்டு
முத்தெடுபோம் வா நண்பா

வனாம் வலது கையில்
பூமி இடது கையில்
வாழ்வே நமது பையில்

ஓ நண்பா நண்பா
நண்பா வா கலக்கலாமா?

அடுத்த புதுப்பாடலுடன் விரைவில் இணைவோம்

உன்ன இப்ப பார்க்கணும் – கயல்

மீண்டும் அதே வெற்றி கூட்டணி – இமான் + யுகபாரதி + பிரபு சாலமன். கும்கி-யில் களமிறங்கி கலக்கியவர்கள், இந்த தளத்திலும் கும்கி தான் மிக பெரும் ஹிட் இன்றுவரை

இந்த முறை கயல் படத்தில், இந்த கூட்டணியின் பாடல்கள் அசத்தலாக வந்துள்ளது. என்னை மிகவும் கவர்ந்த பாடல் – உன்ன இப்ப பார்க்கணும். பார்த்துக் கொள்ள ஆர்வமுடன் எதிபார்க்கும், நாயகன் நாயகியின் மனநிலையை விவரிப்பது போல அமைந்துள்ள பாடலிது. குரலில் ஒரு ஏக்கம் இனிக்கிறது. இடையிசைகள் (Interlude) இரண்டும் அபாரம், அதை மட்டுமே தனியா loop-ல போட்டு அனுபவிக்கலாம். மிகவும் எளிய, அதே சமயம் ஆங்கிலம வாசம் துளியும் வீசாத தமிழ் நடையில் நம்மை இழுத்து போடுகிறார் யுகபாரதி. ஹரிச்சரண், அதிவேகமா முன்னேறி வரும் இளம் பாடகர், அருமையான குரல் வளம். தமிழ் திரை உலகில் பெரும் வலம் வருவார்.

kayal

பாடல்: உன்ன இப்ப பார்க்கணும்
இசை: இமான்
பாடலாசிரியர்: யுகபாரதி
பாடியவர்கள்: ஹரிச்சரண், வந்தனா ஸ்ரீநிவாஸ்
படம்: கயல்

உன்ன இப்ப பார்க்கணும்
ஒன்னு பேசணும்
என்ன கொட்டி தீர்க்கணும்
அன்ப காட்டணும்

உறவே… மனம் தேம்புதே .
உசிரே… தர ஏங்குதே.
நீ எங்கயும்
போகாத நான்
வாரேன் வாடாத !

உன்ன இப்ப…

இங்கே கடல்,
அங்கே நதி ,
இணைந்திட நடை போடுதே!
அங்கே வெயில்,
இங்கே நிழல்,
விழுந்திட இடம் தேடுதே!

தண்ணீரிலே காவியம்,
கண்ணீரிலே ஓவியம் .
வரியா விதி
என்னென்ன செய்திடுமோ ?
முடிவில் உயிர்
வண்ணங்கள் மாறிடுமோ ?

உன்ன இப்ப…

இங்கே உடல்,
அங்கே உயிர்,
இதயத்தின் வலி கூடுதே!
எங்கே நிலா என்றே விழி,
பகலிலும் அலைந்தோடுதே!

காயும் இருள் நானடி,
பாயும் ஒளி நீயடி.
கதிரே வந்து,
கண்ணோடு கலந்துவிடு.
கலந்தே இவன்
நெஞ்சோடு இருந்துவிடு

உன்ன இப்ப…

இன்னமொரு இனிய பாடலுடன் விரைவில் சந்திப்போம். நாளை லிங்கா பாடல்கள் வெளிவருகிறதாம். எப்பொழுதும் போல், அதிவிரைவில் வரிகள் உங்கள் ரசனைக்கு வைக்கப்படும்

என்ன குறையோ என்ன நிறையோ!

இசை ரசிகர்களுக்கு வணக்கம்.

இன்றைய பாடல் ஒரு சிறப்புப் பாடல். அது எந்தளவுக்கு சிறப்பு என்பதை அறிய முழுதும் படியுங்கள்.

இசைப்பாவில் கண்ணன் பாடல்கள் அவ்வப்போது வந்தவண்ணம் இருக்கின்றன. அதில் இதுவும் ஒன்று. ஆனால் இதில் உள்ள சிற்ப்பு தனிரகம். பலகாலம் தமிழ்த் திரையுலகில் பாடல்கள் எழுதிவந்த கவிஞர் அறிவுமதி ஒருகட்டத்தில் திரைப்பாடல்களே எழுதுவதில்லை என ஒதுங்கிவிட்டார்.

மந்திரப்புன்னகை (2010) படம் மூலமாக மறுபிரவேசம் செய்தார். அதிலும் இந்த பாடலுக்கு இன்னொரு சிறப்பு இருபொருள்.
பாடலைக் கேட்கையில் முழுமையாக கண்ணன் பாட்டு என்றுதான் தோன்றும்.  அது ’அ’ண்ணன் பாட்டு!
பாட்டில் கண்ணனை அண்ணனாக மாற்றினால் பாடலின் மொத்த பொருளும் மாறும்.
 Sudha Ragunathan
இதே பாடல் குறித்து கானாபிரபா எழுதிய கட்டுரையில் இருந்து சில வரிகள்..
சாஸ்திரிய சங்கீத உலகில் கொடிகட்டிப் பறந்த ஜாம்பவான்கள் பலர் திரையிசை உலகுக்கு வந்து தம் தனித்துவமான இடத்தைத் தக்கவைத்துக்கொள்வது காலாகாலமாக நடந்து வரும் சமாச்சாரம். ஆனால் அதற்கும் கூட நல்லதொரு தருணம் வாய்க்கவேண்டும் என்பதற்கு நல்ல உதாரணம் பாடகி சுதா ரகுநாதன். இன்றைய நிலையில் சாஸ்திரிய சங்கீதப் பரப்பில் சுதா ரகுநாதன் ஒரு சூப்பர் ஸ்டார் என்று சொன்னால் அது மிகையில்லை. உள்ளூரில் மட்டுமன்றி தமிழர்கள் பரந்து வாழும் வெளிநாடுகளிலும் இவருக்கான பரந்துபட்ட ரசிகர் வட்டம் இருப்பதே அதற்குச் சான்று.
சுதா ரகுநாதனையும் திரையிசை உலகம் விட்டுவைக்கவில்லை. இசைஞானி இளையராஜா (இவன்), தேனிசைத் தென்றல் தேவா (கல்கி), வாரணம் ஆயிரம் (ஹாரிஸ் ஜெயராஜ்) என்று சுதா ரகுநாதனின் குரலைத் திரையிசைப்பாடல்களில் முன்னணி இசையமைப்பாளர்கள் இவர்கள் பொருத்திப்பார்த்தார்கள். உண்மையில் அவர்களுக்கெல்லாம் கட்டுப்படாத இந்தக் குரல் இலாவகமாக, கச்சிதமாகப் பொருந்திப் போனது என்னவோ இந்த ஒரு பாடலில் தான் என்பேன். அந்தப் பாடல் தான் “மந்திரப் புன்னகை” படத்தில் வரும் “என்ன குறையோ என்ன நிறையோ எதற்கும் நான் உண்டென்பான் கண்ணன்”இன்றைய முன்னணி இசையமைப்பாளர்களில் இன்னும் ரசிகர்களால் முன்னோ தூக்கி நிறுத்திப் பாராட்டப்பட வேண்டிய இசையமைப்பாளர் வித்யாசாகர் என்பேன். இருபது ஆண்டுகளுக்கு மேலாக வித்யாசாகர் இசையமைப்பாளராக இருந்தாலும் தமிழ், தெலுங்கு, மலையாளம் என்று சீசனுக்கு சீசன் வந்து போகும் நிலை இவருடையது. இவரைக் கச்சிதமாகப் பயன்படுத்தக் கூடிய இயக்குனர்களில் கரு.பழனியப்பனும் ஒருவர். பார்த்திபன் கனவு, சிவப்பதிகாரம், பிரிவோம் சந்திப்போம், (இன்னும் வெளிவராத)சதுரங்கம், தற்போது வெளியாகியுள்ள மந்திரப்புன்னகை போன்ற படங்களில் இந்தக் கூட்டு எவ்வளவு தூரம் சிறப்பாக அமைந்திருக்கின்றது என்பதற்கு அந்தப் படங்களின் பாடல்களே சான்றாக விளங்கி நிற்கின்றன. இவர்களோடு இன்னொரு முக்கியமானவர், அவர் தான் பாடலாசிரியர் அறிவுமதி. ஒரு நீண்ட அஞ்ஞாதவாசம் இருந்து மீண்டவருக்கு ஒரு அறிமுகமாக இப்படம் கிட்டியிருக்கின்றது. அறிவுமதியைப் பல சந்தர்ப்பங்களில் பயன்படுத்தியிருக்கின்றார் வித்யாசாகர். மெட்டுக்குப் பாட்டெழுதும் பெரும்பான்மைச் சூழலில் பாடல்வரிகளுக்கு மெட்டமைக்கும் சவாலை வித்யாசாகர் ஏற்கும் போது அறிவுமதி போன்ற கவிஞர்களின் பாடல்வரிகள் தான் அந்தச் சவாலுக்கு உறுதுணையாக வளைந்து கொடுத்து இசை வளையத்துக்குள் கட்டுப்பட்டுவிடுகின்றன.
****************
இந்த பாடல் – கேட்டதும் பிடிக்கும்!

படம்: மந்திரப்புன்னகை
பாடலாசிரியர்: அறிவுமதி
இசை: வித்யாசாகர்
பாடியவர்: சுதா ரகுநாதன்

கண்ணா….! கண்ணா….!

என்ன குறையோ என்ன நிறையோ
எதற்கும் நான் உண்டென்பான் கண்ணன்

என்ன தவறோ என்ன சரியோ
எதற்கும் நான் உண்டென்பான் கண்ணன்

என்ன வினையோ என்ன விடையோ
அதற்கும் நான் உண்டென்பான் கண்ணன்
அதற்கும் நான் உண்டென்பான் கண்ணன்

(என்ன குறையோ..)

நன்றும் வரலாம் தீதும் வரலாம்
நண்பன் போலே கண்ணன் வருவான்

வலியும் வரலாம் வாட்டம் வரலாம்
வருடும் விரலாய் கண்ணன் வருவான்

நேர்கோடு வட்டமாகலாம்
நிழல் கூட விட்டுப்போகலாம்
தாளாத துன்பம் நேர்கையில்
தாயாக கண்ணன் மாறுவான்

அவன் வருவான்
கண்ணில் மழைத் துடைப்பான்
இருள் வழிகளிலே புது ஒளி விதைப்பான்
அந்த கண்ணனை
அழகு மன்னனை
தினம் பாடி வா மனமே!

(என்ன குறையோ…)

உண்டு எனலாம் இல்லை எனலாம்
இரண்டும் கேட்டு கண்ணன் சிரிப்பான்
இணைந்து வரலாம் பிரிந்தும் வரலாம்
உறவைப் போலே கண்ணன் இருப்பான்

பனிமூட்டம் மலையை மூடலாம்
வழிகேட்டு பறவை வாடலாம்
புதிரான கேள்வி யாவிலும்
விடையாக கண்ணன் மாறுவான்

ஒளிந்திருப்பான் எங்கும் நிறைந்திருப்பான்
அவன் இசைமழையால் உலகினை அணைப்பான்

அந்த கண்ணனை
கனிவு மன்னனை
தினம் பாடி வா மனமே!

 இன்றோடு இசைப்பாவுக்கு வயது இரண்டு..

முதலாம் ஆண்டு –சின்னக் கண்ணன்

இப்போது என்ன குறையோ? என்ன நிறையோ.. எங்களிடம் சொல்லலாமே!

இணைப்பு –

கானாபிரபாவின் முழுமையான பதிவைப்படிக்க

கண்ணனின் வண்ணப்படம் -வரைந்தது -ஷண்முகவேல் -வெண்முரசு -நீலம் –அத்தியாயம்-38