ஹே மிஸ்டர் மைனர் – காவியத்தலைவன்

இசையின் இன்பம் பரவட்டும்.

காவியத்தலைவன் பாடல்கள் அனைத்தும் வெளிவந்துவிட்டன. பா.விஜய் எழுதிய பாடல் இன்று இசைப்பாவில். கொஞ்சும் காதல் பாடல், எதுகை மொவனை எல்லாம் எப்பொழுதும் போல அழகாக அள்ளி வீசியுள்ளார் கவிஞர். ரஹ்மான் இசை, அந்த காலத்தை சரியாக சித்தரிப்பதாக, youtube கமெண்ட்ஸ் சொல்லுகின்றன. பாடக்ர்களின் குரலில் ஒரு சின்ன துள்ளலும், இலையோடும் குறும்புத்தனமும் தெரிகிறது.

முதல் சில வரிகளையும் நல்ல தமிழில் எழுதி இருக்கலாம் என்று தோன்றுகிறது. Skype மூலம் ரஹ்மான் இசையமைக்கிறார், iPad உதவி கொண்டு பாடகர் பாடுகிறார், கவிஞர் எழுதும் முதல் வரி ஆங்கிலம், இசை கருவிகள் எந்த நாட்டில் செய்யப்பட்டனவோ! ஆனால் இது ஒரு தமிழ் படம், நாம் தான் காசு கொடுத்து பார்த்து, அவர்களை வாழ வைக்க வேணும். நல்லா இருக்குல!| இந்த கதை எல்லாம் நமக்கு எதுக்கு, பாடல் நல்லா இருந்தா பேசாம ரசிக்க வேண்டியது தானே – உங்க Mind Voice கேக்குது!

kaaviya thalaivan siddarth

பாடல் : ஹே மிஸ்டர் மைனர்
படம் : காவியத்தலைவன்
இசை : ஏ.ஆர்.ரஹ்மான்
பாடல் : பா.விஜய்
பாடியவர்கள் : ஹரிசரண், சாஷா திருபாத்தி

ஹே மிஸ்டர் மைனர்
என்ன பார்க்குற
என் இரவுகுகளை
இம்சையாக்க நினைக்குற
காற்றின் காலில்
கொலுசு கட்டி அனுப்புற
காதலை கை
குலுக்கு இழுக்குற

ஹே மிஸ்டர் மைனர்…

என்னை உனக்கு
ரசிகனாக மாத்துறேன்
உன் அழகை தினமும்
நூறு மடங்கு கூட்டுறேன்
கண்கள் பட்டு போகும்
என்று நினைக்கிறன்

நெஞ்சிலே தங்கிக்
கொண்டு சிரிக்குற

ஹே மிஸ்டர் மைனர்…

ஆசைகள்
உன்னோட நெஞ்சை
தட்டி எட்டிப் பார்க்குது
ஆடை ஒட்டி பார்க்குது

பேசத்தான் நெஞ்சோடு
வார்த்தை கெஞ்சி கொஞ்சுது
வாய் பேச வாய்தாயேன்

இமைகளை திறக்குதே கனவுகள்
இதழ்களை நினைக்குதே இரவுகள்
மலர்களை உடைக்குதே பனி துகள்
நீயும் நானும் சேரும் நேரம் மீறும் ஈரம்

ஹே மிஸ்டர் மைனர்…

என்னை உனக்கு…

என்னமோ என்னோடு
கிச்சு கிச்சு மூட்டி போகுது
கன்னம் பிச்சு போடுது

கன்னமோ கண்ணோடு முத்த
பிச்சை கேட்குது
தா உன் இதழ் தாயேன்

முதல் முறை
பரவுதே பரவசம்
கணம் கணம்
மலர்வனம் இவள் வசம்
இடைவெளி குறைந்த
பின் இதழ்ரசம்
கண் கவிழ்ந்த மையல்
போது நெஞ்சின் மீது

என்னை உனக்கு….

ஹே மிஸ்டர் மைனர்…..

மேலும் புதிய பாடல்களுடன் விரைவில் சந்திப்போம்.

Advertisements

ஒரு நிலா ஒரு குளம்

வணக்கம்.

காதல் பாடல்களைத் தொடர்ச்சியாக வெளியிட்டு வருகிறோம். அவ்வகையில் இன்னுமொரு இனிய பாடல். ஏற்கனவே மழையில் குளித்த மலர்வனம் பாடலைத் தந்தோம். அதே பாணியில் இன்னுமொரு காதல் பாட்டு. வித்யாசாகர்+பா.விஜய் கூட்டணியில்.

பாடகர்களும் சும்மா இல்லை. கார்த்திக், ஷ்ரேயா கோஷல். சற்றே பெரிய அணி இப்பாடலில் இணைந்திருக்கிறது.  பாடல் குறித்து கவிஞர் சொல்கிறார்..

”இளைஞன் திரைப்படம் 1959ல் நடக்கின்ற கதைக்களம். இந்த மெட்டுக்கள் புதுமையாய் இருக்க வேண்டும். ஆனால் நவீன நகரத்துவம் இருக்கக் கூடாது  என்ற விதிமுறைகளுக்கு உட்படுத்தப்பட்ட ஒரு பாடல்! எனவே இதை படமெடுக்க ரோம், வெனீஸ் போன்ற புராதனச் சின்னங்களோடுதான் பயணிக்க வேண்டும் என்று  முடிவெடுத்தோம்.

பாடல் வரிகளாய் ஹைக்கூ வடிவத்தைப் பயன்படுத்தலாம் என்ற யோசனை பிறந்தது. கட்டறுத்த காற்றாய் கவிதைகள் கிளம்பின!

ஆண்:     ஒரு நிலா.. ஒருகுளம்!
ஒரு மழை.. ஒரு குடை!
நீ‡ நான் போதும் ஒரு விழா!

பெண்:     ஒரு மனம்.. ஒரு சுகம்!
ஒரு இமை.. ஒரு கனா!
நீ ‡நான் போதும் ஒரு யுகம்! “

ஆம். ஹைக்கூ வடிவத்தை அடியொற்றி, சந்தச் சுவை கூட்டி, தமிழோடு விளையாடும் வார்த்தைக் குவியல்கள்தான் பாடல். பாடலுக்கேற்ற ஈர்ப்பைக் கொடுக்கிறது இசை. தெளிவாக வார்த்தைகள் விழுகின்றன. இதுவே பாடலைக் கேட்பதற்கான உற்சாகத்தையும் தருகிறது. வரிகளை வாசித்தாலே ஒரு உற்சாகம் பிறக்கும். யூட்யூப்-ல் இப்பாடலின் வீடியோவும் இல்லை! வழக்கம்போல் பாடலைக் கேட்டு ரசிக்க செவிகளைத் தயார்படுத்துங்கள்!

படம்: இளைஞன்
இசை: வித்யாசாகர்
பாடலாசிரியர்: பா.விஜய்
பாடியவர்கள்: கார்த்திக், ஷ்ரேயா கோஷல்

நெடும்பகல்…. நீண்ட கனவு!
நிஜமாகுமா?

ஒரு நிலா ஒரு குளம்
ஒரு மழை ஒரு குடை
நீ..நான் போதும்
ஒரு விழா!

ஒரு மனம் ஒரு சுகம்
ஒரு இமை ஒரு கனா
நீ..நான் போதும்
ஒரு யுகம்!

ஒரு கணம் இரு இதழ்
ஒரு நிழல் இரு தடம்
நீ..நான் போதும்
ஒரு தவம்!
(ஒரு நிலா ஒரு குளம்..)

காற்றில் ஒட்டிய முன்பனி நீ
பனியை ஒற்றிய ஒளிவிரல் நான்!
மேகம் கும்மிய மின்னல் நீ!
மின்னல் தூவிய தாழை நான்!

சங்கம் கொஞ்சிய செய்யுள் நீ
செய்யுள் சிந்திய சந்தம் நான்!
வெட்கம் கவ்விய வெப்பம் நீ!
வெப்பம் தணிகிற நுட்பம் நான்!

நீ..நான் போதும்
முதல் தனிமை!
(ஒரு நிலா ஒரு குளம்..)

மஞ்சம் கொஞ்சிய மன்மதம் நீ!
கொஞ்சல் மிஞ்சிய கொள்முதல் நான்!
மொழிகள் கெஞ்சிய மௌனம் நீ!
மௌனம் மலர்கிற கவிதை நான்!

ஓவியம் எழுதும் அழகியல் நீ!
உன்னை வரைகிற தூரிகை நான்!
உயிரை மீட்டிய விழிவிசை நீ!
உன்னுள் பூட்டிய இதழிசை நான்!

நீ..நான் போதும்
புது உணர்வு!

இன்னுமொரு இனிய பாடலோடு விரைவில் இணைவோம்.

அனார்கலி..அனார்கலி..

இசையுடன் நண்பர்களுக்கு வணக்கம்,

                               காதல் என்றாலே தனி உலகமாக வாழும் காதலர்கள் தங்கள் காதலை ரசிப்பதும் அழகே அந்த வகையில் அனார்கலி பாடல் வரிகளும் இசை அமைத்த விதமும் மனதை கவர்ந்த வண்ணம் என்றே கூறலாம்.

                                 ஏ.ஆர்.ரஹமான் இசையமைக்க பா.விஜய் அவர்களின் வரிகள் இணைந்து காதல் கசியும் அருவியாகவே பாடல் இருக்கிறது.பாடியவர்களின் மென்மைகலந்த குரலும் நம்மையும் காதல் வலைக்கு ஈர்ப்பது போன்று அமைந்து இருக்கிறது.

                                காதல் என்னும் அழகிய உலகிற்குள் சென்ற இரு மனங்கள் ஒருவரை ஒருவர் வருணித்து கொண்டு தங்கள் காதலை வெளிப்படுத்துகின்றனர் . ஒருவரை ஒருவர் ரசித்தும் தங்களின் அழகிய உணர்வுகளை பகிர்ந்தும் காதலில் கரைகின்றனர். காதலில் இணைந்த மனங்கள் தங்கள் முகவரியாக  இடமாற்றிக்கொள்கின்றனர், தத்தம் முகவரியாகவே ரசிக்கின்றனர்.

படம்: கண்களால் கைது செய்
பாடலாசிரியர்: பா.விஜய்
இசை: ஏ.ஆர்.ரஹ்மான்
பாடியவர்கள்: கார்த்திக், சித்ரா சிவராமன், கதிர் ,
உஸ்தாத் குலாம் முஸ்தபா கான்

கரி ரிசாசசா
கரி ரிசாசசா
கரி ரிசாசசா
கரி ரிசாசசா

ஆனார்கலி…. ஆனார்கலி
ஆகாயம் நீ பூலோகம் நீ
உலகத்திலே மிகப்பெரும் பூவும் நீயடி
நதிகளிலே சின்ஞ்சுற நதியும் நீயடி…
சந்தித்தேனடி உன்கண்களால்…
சுவாசித்தேனடி உன்பார்வையாள்…

ஆனார்கலி… ஆனார்கலி
ஆகாயம் நீ புலோகம் நீ
சிரிப்பும் அழுகையும் சேரும் புள்ளியில் என்னை தொலைத்தேன்
இசையும் கவிதையும் சேரும் புள்ளியில் கண்டு பிடித்தேன்
குளிர் காற்று நீ …நான் பாய்மரம்
நதி காற்று நீ நான் தாவரம்..
ஆனார்கலி…ஆனார்கலி
ஆகாயம் நீ புலோகம் நீ

இயந்திர மனிதரைப்போல் உன்னையும் செய்வேனே…
இருவிழி பார்வைகளால் உன்னையும் ரசித்தேனே

அழகிக்கு யெல்லாம் துணிவதிகம்
அழகியின் திமிரில் ருசியதிகம்
அதை இன்றுநானே உன்னிடம் கண்டேன்

கவிஞனுக்கெல்லாம் குறும்பதிகம்
கவிஞனின் குறும்பில் சுவை அதிகம்
அதை இன்றுநானே உன்னிடம் கண்டேன்

நடைநடந்து போகையில்…நீ இலக்கணமே
நாணம் கொண்டு பார்கையில் நீ இலக்கியமே
ஆனார்கலி….ஆனார்கலி
ஆகாயம் நீ புலோகம் நீ

நறுமணம் என்பதற்கு முகவரி பூக்கள் தானே
என்மனம் என்பதற்கு முகவரி நீத்தானே…
என்னிடம் தோன்றும் கவிதைக்கெல்லாம் முதல்வரி தந்த முகவரி நீ
இருதயம் சொல்லும் முகவரி நீ தான்…
இரவுகள் தோன்றும் கனவுகெல்லாம் இருப்பிடம் தந்த முகவரி நீ
என்னிடம் சேரும் முகவரி நீ தான்….
மழைத்துளிக்கு மேகமே முதல் வரி
உன்னிதழிலில் மௌனமே உயிர் வரியோ..

ஆனார்கலி….ஆனார்கலி
ஆகாயம் நீ பூலோகம் நீ
சிரிப்பும் அழுகையும் சேரும் புள்ளியில் என்னை தொலைத்தேன்
இசையும் கவிதையும் சேரும் புள்ளியில் கண்டு பிடித்தேன்
சந்தித்தேனடி உன்கண்களால்…
சுவாசித்தேனடி உன்பார்வையாள்…

மழையில் குளித்த மலர்வனம்!

இசை வணக்கம்.

ஒரு மென்மையான பாடல். இதுவும் அதிகம் அறியப்படாத பாடல். ஆனால், வழக்கம்போல இனிய பாடல்! தொடக்கத்தில் அதிர ஆரம்பிக்கும் இசை 10 நொடிகளில் மனதிற்குள் நிறையத் தொடங்குகிறது. பாடகர் தொடங்கியதும் பாடல் வரிகளும் அப்படியே! பா.விஜய்யின் சந்த நயங்கள் பெரும்பாலும் அறிந்ததே. அது இப்பாடலில் இன்னொரு முறை வெளிப்படுகிறது. இனிய காதல் பாடல். கவிஞரின் வருணனைதான் பாடலின் சிறப்பு. தமிழுக்கு தேவையும் அதுதானே!

விடிந்தும் விடியாத மார்கழி
உலகெங்கும் கேட்கும் தமிழ்மொழி

கற்பனை எண்ணங்களுக்கு கொஞ்சமாய் வண்ணம் குழைத்து வார்த்தைகளில் விளையாடும் பாடலுக்கு, நேர்த்தியாக, பக்கபலமாக இணைந்து ஒலிக்கத் துவங்குகிறது இசை. ஒவ்வொரு இடையிசையும் அருமையே!குறிப்பாக இரண்டாம் இடையிசை நடனமாடத் தூண்டும் வேகம்! அதன் தொடர்ச்சியாக கார்த்திக்கின் குரல் ரம்மியம்.

அடடா! பாடல் பாடல்!
அதுதான் பாடல் பாடல்!

தொடங்கிய கம்பீரத்துடனே பாடலும் முடிவுக்கு வருகிறது. இன்னும் சில தகவல்கள். பாடலை எழுதிய கவிஞரே இப்படத்தின் நாயகன்! ஆம். பா.விஜய் நாயகனாக நடித்த இரண்டாம் படம். பெரும் பொருட்செலவில், முன்னணி நாயகர்களின்  படத்தைக் காட்டிலும் அதிக செலவில் எடுக்கப்பட்ட திரைப்படம். ஒரு இனிய பொங்கல் திருநாளுக்கு வெளியாகிய படம். இன்னும் இன்னும் இனிய பாடல்களை தன்னகத்தே கொண்ட படம். படத்தின் கதையின் மூலம் இன்னும் வியப்பானது! இருக்கட்டும் இன்னொரு பாடலில் பார்க்கலாம். இன்னொரு தகவல் பாடலின் காணொளி youtube-ல் காணவில்லை. ஒலி மட்டும் இருக்கிறது. ஒளி இல்லை. அதுவும் வசதிதானே! பாடலை மட்டும் சுகமாக கேட்கலாம்!!

படம்: இளைஞன்
இசை: வித்யாசாகர்
பாடலாசிரியர்: பா.விஜய்
பாடியவர்கள்: கார்த்திக், அன்விஷா

மழையில் குளித்த மலர்வனம்
மாலைநேரக் கடல் நிறம்
ஒற்றைக் கவிதை வெண்ணிலா
அற்றைப் பூக்களின் திருவிழா

அடடா! அழகு அழகு!
அதுதான் அழகு அழகு!
அடடா! அழகு அழகு!
அதுதான் அழகு அழகு!

(மழையில் குளித்த…)

கொஞ்சம் தாராள காதலி
புலனில் தேனூற்றும் கொலுசொலி
விடிந்தும் விடியாத மார்கழி
உலகெங்கும் கேட்கும் தமிழ்மொழி

அடடா! கனவு கனவு!
அதுதான் கனவு கனவு!
அடடா! கனவோ கனவு!
அதுதான் கனவோ கனவு!

ஈரம் உலராத இதழ்ச் செடி
இறங்கி முன்னேறும் கழுத்தடி
ஒட்டி உடையாத இடைக்குடம்
கொட்டி உதிராத கால்தடம்

அடடா! இளமை இளமை!
அதுதான் இளமை இளமை!
அடடா! இளமை இளமை!
அதுதான் இளமை இளமை!

மூடி வைக்காத எழுதுகோல்
மூச்சு இல்லாத உணர்வுபோல்
தரையில் மிதக்கும் கனவுகள்
எழுதி முடியாத கடிதங்கள்

அடடா! காதல் காதல்!
அதுதான் காதல் காதல்!
அடடா! காதல் காதல்!
அதுதான் காதல் காதல்!

(மழையில் குளித்த)

இசைப்பா+

இத்திரைப்படம் இயக்குநர் சுரேஷ் கிருஷ்ணா அவர்களின் 50-வது திரைப்படம்

மற்றுமொரு இனிய பாடலோடு மீண்டும் விரைவில் இணைவோம்.

போய் வரவா?

இசை வணக்கம்.

சிறிய இடைவெளிக்குப் பிறகு இசைப்பாவில் பாடல்கள் வெளிவரத் துவங்குகின்றன. நீண்ட இடைவெளிக்குப் பிறகு கவிஞர் பா.விஜய்-யின் பாடல் ஒன்றை இங்கே பகிர்கிறோம். இனி புதிய அறிமுகங்களாக இசைப்பாவில் பாடல்களைக் கொடுக்கவும் திட்டம். இப்போது இப்பாடல் குறித்து..

பாடல் இடம்பெற்ற படம் துப்பாக்கி. இப்படம் சென்ற ஆண்டு தீபாவளி வெளியீடாக வெளிவந்து வசூலை வெடித்துத் தள்ளியது. கடந்த ஆண்டின் இமாலய வெற்றிப் படங்களில் இப்படம் முதன்மையானதாகவும் மாறியது. இப்படத்தின் வெற்றிக்கு சில பாடல்களும் காரணம் என்றாலும், இப்பாடல் அதிகம் அறியப்படாத ஒன்று. படத்தின் இறுதிக்காட்சிக்குப் பிறகு ஒலிக்கும் பாடல் என்பதாலும், கூகுள் புயலில் கவனிக்கப்படாத பாடலாக மாறிவிட்டதாலும் இப்பாடல் அவ்வலவு தூரம் பேசப்படவில்லை. இருப்பினும் வலி சொல்லும் பாடல் இது.

தேசத்தின் பாதுகாப்பிற்காக பாடுபடும் இராணுவ வீரன் குறித்த பாடல். வருடம் ஒருமுறை விடுப்பில் வந்து திரும்பும் இராணுவ வீரன் பணிக்குத் திரும்புகையில் பாடுவதைப் போலான வரிகள் என்றாலும், இராணுவ வீரனின் உணர்வுகள் நமக்கு அப்படியே எடுத்துக்காட்டுவது போலான உணர்வுகளைத் தரும் பாடல். pavijayஇசைப்பாவில் இருந்தும் இராணுவ வீரர்களுக்கான சமர்ப்பணமாக இப்பாடலை எடுத்துக் கொள்ளலாம்.  ஹாரிஸ் ஜெயராஜ்+பா.விஜய் கூட்டணியில் விளைந்த பிற பாடல்கள் அனைத்துமே ஹிட் ரகம் என்றாலும், இப்பாடல் தனித்துவமானது. அதிலும் பாடலின் வலி உணர்ந்து இசையமைப்பாளர் அடக்கி வாசித்திருப்பதாக உணர முடிகிறது.

இரவு நேரங்களில் கேட்கத் தகுந்த பாடல் இது… வலிகளை உணர்த்தும் வரிகள் என்றாலும், பா.விஜய்க்கே உரித்தான சந்தச்சுவை மாறாமல் பாடல் முழுதும் ஒலிக்கிறது. நீங்களும் இதே உணர்வுகளைப் பெற்றிருந்தால் குறிப்பிடுங்கள்.

பாடல் : போய் வரவா?
படம் : துப்பாக்கி
பாடலாசிரியர் :  பா.விஜய்
இசை: ஹாரிஸ் ஜெயராஜ்
பாடகர்கள்: கார்த்திக், சின்மயி 

மெல்ல விடைகொடு விடைகொடு மனமே!
இந்த நினைவுகள் நினைவுகள் கனமே!
தாய் மண்ணே செல்கின்றோம் தூரம் தூரம்
இங்கு உறவுகள் பிரிவுகள் வருதே!
சில அழகிய வலிகளும் தருதே!
போகின்றோம் போகின்றோம் தூரம் தூரம்

என்னை விட்டுச் செல்லும் உறவுகளே ஓ!
ஓ..ஓ..ஓ..ஓ உயிர் தொட்டுச் செல்லும் உணர்வுகளே!
போய் வரவா?

.நண்பன் முகம் நெஞ்சில் நடந்து போகும்
காதல் தென்றல் கூட கடந்து போகும்
இப்பயணத்தில் பொன் நினைவுகள் நெஞ்சடைக்குமே!

காடு மலை செல்லத் துவங்கும் போதும்
நெஞ்சில் சொந்தங்களின் நினைவு மூடும்
கைக்குழந்தையை அணைக்கவே மெய் துடிக்குதே!

ஆயினும் ஆயிரம் எண்ண அலைகள் அலைகள்
அலைகள் நெஞ்சோடு!
ஆயிரம் ஞாபகம் உயிர் துடிப்பாய் துடிக்கும்
எங்கள் மண்ணோடு!
போய் வரவா?

எங்கே மகன் என்று எவரும் கேட்க
ராணுவத்தில் என தாயும் சொல்ல
அத்தருணம் போல் பொற்பதக்கங்கள்
கை கிடைக்குமா?

நாட்டுக்கென்று தன்னை கொடுத்த வீரம்
ஆடை மட்டும் வந்து வீடு சேரும்
அப்பெருமை போல் இவ்வுலகத்தில் வேறு இருக்குமா?

தேசமே…….தேசமே
என் உயிரின் உயிரின் உயிரின் தவமாகும்

போரிலே….காயமே
என் உடலின் உடலின் உடலின் வரமாகும்

போய் வரவா?
(மெல்ல விடை கொடு)

இசைப்பா +

கவிஞர் பா.விஜய் இதுவரை 2000-க்கும் அதிகமான பாடல்கள் எழுதியுள்ளார்.

இன்னுமொரு இனிய பாடலோடு மீண்டும் விரைவில் இணைவோம்.

ஒவ்வொரு பூக்களுமே…!

 இனிய இசை வணக்கங்கள்.

இன்று இப்பாடல் வெளிவரும் என்று நேற்றிரவு 12 மணிவரை திட்டமில்லை. கிட்டத்தட்ட 2 மாதங்களாக இசைப்பாவில் புதிய பதிவுகள் குறைந்துவிட்டன. ஆனபோதிலும் வருகைகள் குறையவில்லை. எனவே நாங்கள் சிறப்பாக இயங்கியாக வேண்டிய கட்டாயத்தில் இருக்கிறோம். முடிந்தமட்டும் நல்ல பாடல்களை சுவை குறையாமல் தர விருப்பம். எனவே இந்த பாடலும் உங்கள் மனம் கவர்ந்த பாடல்தான்.

பாடலின் முதல்வரியைப் பார்த்தவுடனே ஈர்க்கிற வல்லமை பொருந்திய பாடல்களுள் ஒன்று. நம்பிக்கையான வரிகளைக் கொண்டு, கேட்டவுடனே இழுக்கும் மந்திரச் சொற்கள் நிரம்பிய இப்பாடலை எழுதியவர் கவிஞர் பா.விஜய்.

தனது தன்னம்பிக்கை வரிகளாலேயே இப்பாடலுக்கு உயிரூட்டியிருக்கிறார் கவிஞர். அதேபோல் சின்னக்குயில் சித்ரா அவர்களின் குரல் இப்பாடலுக்கு அத்தனை பாந்தமாக அமைந்ததும் குறிப்பிடத்தக்கது. இந்த பாடலுக்கான இசையமைப்பாளர் பரத்வாஜ். பாடலுக்கான உறுத்தாத எளிய நேர்த்தியான  இசை இன்னொரு தூணாக அமைந்ததும் குறிப்பிடத்தக்கது.

மேற்கோள் காட்டுவதென்றால் இப்பாடலின் பல வரிகளை நாம் குறிப்பிட்டாக வேண்டும். இது பலருக்கும் அறிமுகமான பாடல்தான். பாடலின் சுவையை உணருங்கள். 

படம்: ஆட்டோகிராப்

வரிகள்-பா.விஜய்

பாடியவர்-சித்ரா 

இசை- பரத்வாஜ்

ஒவ்வொரு பூக்களுமே சொல்கிறதே
வாழ்வென்றால் போராடும் போர்க்களமே

ஒவ்வொரு பூக்களுமே சொல்கிறதே
வாழ்வென்றால் போராடும் போர்க்களமே
ஒவ்வொரு விடியலுமே சொல்கிறதே
இரவானால் பகல் ஒன்று வந்திடுமே
நம்பிக்கை என்பது வேண்டும் நம் வாழ்வில்
லட்சியம் நிச்சயம் வெல்லும் ஒரு நாளில்
மனமே ஓ மனமே நீ மாறிவிடு
மலையோ அது பனியோ நீ மோதி விடு

உள்ளம் என்றும் எப்போதும்
உடைந்து போகக் கூடாது
என்ன இந்த வாழ்கையென்றே
எண்ணம் தோன்றக் கூடாது
எந்த மனிதன் நெஞ்சுக்குள்
காயம் இல்லை சொல்லுங்கள்
காலப்போக்கில் காயமெல்லாம்
மாறிப்போகும் மாயங்கள்

உளி தாங்கும் கற்கள் தானே
மண்மீது சிலையாகும்
வலி தாங்கும் உள்ளம் தானே
நிலையான சுகம் காணும்
யாருக்கில்லை போராட்டம்
கண்ணில் என்ன நீரோட்டம்
ஓரு கனவு கண்டால்
அதை தினமும் என்றால்
ஓரு நாளில் நிஜமாகும்

மனமே ஓ மனமே நீ மாறிவிடு
மலையோ அது பனியோ நீ மோதி விடு

ஒவ்வொரு பூக்களுமே சொல்கிறதே
வாழ்வென்றால் போராடும் பொர்க்களமே

வாழ்க்கை கவிதை வாசிப்போம்
வானமளவு யோசிப்போம்
மகிழ்ச்சி என்ற ஒன்றை மட்டும்
மூச்சு போலே சுவாசிப்போம்
லட்சம் கனவு கண்ணோடு
லட்சியங்கள் நெஞ்சோடு
உன்னை வெல்ல யாருமில்லை
உறுதியோடு போராடு
மனிதா உன் மனதை கீறி விதை போடு மரமாகும்
அவமானம் படுதோல்வி எல்லாமே உரமாகும்
தோல்வியின்றி வரலாறா?
துக்கம் என்ன என் தோழா?
ஓரு முடிவிருந்தால் அதில் தெளிவிருந்தால்
அந்த வானம் வசமாகும்

மனமே ஓ மனமே நீ மாறிவிடு
மலையோ அது பனியோ நீ மோதி விட

bharathwaj chitra pavijay

இப்பாடல் பா.விஜய் அவர்களுக்கும், சித்ரா அவர்களுக்கும் தேசிய விருதைப் பெற்றுத் தந்தது (2004). இப்படம் சிறந்த தமிழ் படமாகவும் தேர்வு செய்யப்பட்டது. இப்பாடல் மூலம் இவர்கள் மூவரும் இசைப்பாவிலும் அறிமுகம் ஆகிறார்கள்.

உங்கள் கருத்துக்களும், பங்களிப்புகளும் எப்போதும்போல வரவேற்கப்படுகின்றன. தளத்தை நண்பர்களிடம் பகிருங்கள். குறைகளை, தவறுகளை பதிவு செய்யுங்கள். மாற்றங்களுக்கு தயாராய் இருக்கிறோம்.