எங்கிருந்து வந்தாயோ – கயல்

இசையின் வணக்கம்

பக்கத்தில் இல்லாத நாயகனை நித்தம் நித்தம் நினைவில் கொள்கிறாள் பைங்கிளி. செய்யும் காரியங்கள் யாவும் அவனை கண் முன் கொண்டு வருகிறது… ஒரு விதமான பிரம்மை, மன அழுத்தம். ஏக்கத்தில் ஷ்ரேயா மிளிற, மெல்லிய இசையில் இமான் வருட, சின்ன சின்ன விஷயங்களில் சிலிர்க்க வைக்கிறார் யுகபாரதி.

kayal herione

பாடல்: எங்கிருந்து வந்தாயோ
இசை: இமான்
பாடலாசிரியர்: யுகபாரதி
பாடியவர்: ஸ்ரேயா கோஷல்
படம்: கயல்

எங்கிருந்து வந்தாயோ?
எதற்க்காக வந்தாயோ?
என்னமோ சொன்னையே…
கத பேசி போனாயே…
அதை நானும்
அறியும் முன்னே
நீயும் மறைந்தாயே
மெல்ல காற்றில்
கரைந்தாயே…..

எங்கிருந்து….

வாச தண்ணி தெளிக்கையில,
வந்து நீயும் நனைக்கிறியே.
துணிமணிய தொவக்கையில,
என்ன நீயும் புளியிறியே.
ஆஞ்ச வச்ச கீர போல,
நினைப்புல நீ கடையிறியே.
அம்மி நச்ச தேங்கா சில்லா,
அடி மனச நசுக்கிறியே!
அட நீயும் மறைந்தாயே…
காற்றில் கரைந்தாயே…

எங்கிருந்து வந்தாயோ…

நடக்கையில தொடர்ந்து வர,
நடு நடுவே மறைஞ்சுடுவ!
தலை முடிய ஒதுக்கையிலும்,
வகடுகுள்ள ஒளிஞ்சிடுவ!
கண்ணுக்குள்ள இருக்கும் உன்ன,
கழுவி விட மனமில்லையே!
உள்ளுக்குள்ள அறுக்கும் உன்ன,
ஒதர ஒரு வழியில்லையே!
அட நீயும் மறைந்தாயே…
மெல்ல காற்றில் கரைந்தாயே…
உயிரோடு உரைந்தாயே…

எங்கிருந்து……..

நல்ல நல்ல பாடல்களுடன் இணைவோம்.

என் ஆள பார்க்கப் போறேன் – கயல்

இசையின் இன்ப வணக்கம்

கயல் பாடலகள் தொடர்கிறது. ஸ்ரேயா கோஷல் + இமான் மிகவும் அழகான பாடல்களை அள்ளி தந்து கொண்டே இருக்கும் அதிசயம். வரவர மிகவும் தெளிவாக தமிழ் சொற்களை உச்சரிக்கிறார் ஸ்ரேயா, உணர்வுகள் எல்லாம் அவர்தம் குரலில் தண்ணி பட்ட பாடு. நம்மை இழுத்து,

கேட்டவுடன் தன் வசப்படுத்தி கொள்ளும் மெல்லிசை இந்த பாடல், youtube commentடில் ஒருவர் குறிப்பிட்டது போல, இளையராஜா போன்றதொரு touch, எங்கோ மனதை வருடுகுறது. ஆரம்பம், நீ தானே என் பொன் வசந்தத்தில் கேட்டது போல உள்ளது. ஆரம்ப 10 வினாடி மட்டுமே. பிறகு இமான் ஆள்கிறார். கடமும், மிருதங்கமும் இனிக்கிறது.

சந்தோஷம் ததும்ப தனது நாயகனை நோக்கி பறக்கும் பாவையின் உணர்வுகள், இவள் என்ன சொல்ல போகிறாள், அதற்கு நாயகனின் மறுமொழி என்னவாக இருக்கும், என சிறு ஒத்திகை ஓட்டம் அவள் மனதில் நாடகமாக நடக்கிறது. ரஞ்சித் குரலில் உற்சாகம் ததும்புகிறது. ஆனா படுவதாக வரும் வரிகள் மிகவும் எளிமையாக, படோடோபம் இன்றி அமைந்துள்ளது. வாழ்த்துக்கள் யுகபாரதி.

Kayal Actress

பாடல்: என் ஆள பார்க்க போறேன்
இசை: இமான்
பாடலாசிரியர்: யுகபாரதி
பாடியவர்கள்:  ஸ்ரேயா கோஷல்,ரஞ்சித்
பாடம்: கயல் 2014

என் ஆள
பார்க்க போறேன்…
பார்த்த செய்தி
பேசப் போறேன்…

என் ஆள
பார்க்க போறேன்…
பார்த்த செய்தி
பேச போறேன்…

அவன் கண்ணுக்குள்ள,
என்னை வைக்க போறேன்.
அவன் நெஞ்சுக்குள்ள,
என்னை தைக்க போறேன்.
நானே…. என்னை…
தர போறேன்!

எ ஆள….

வீட்டுவிட்டு வந்துட்டேனு,
சொல்ல போறேன்.
கூட்டிகிட்டு போயிடுனு,
சொல்ல போறேன்.

‘இதை தான் எதிர்பார்த்து
நான் கிடந்தேன் உயிர் வேர்த்து’
என சொல்லி,
ஆசையில், அல்லடுவான்!
மனம் துள்ளி,
காதலில் தள்ளடுவான்!
அதனா பார்த்தே,
அழ போறேன்!

எ ஆள….

உன்னால் தான் தூங்கலைனு,
சொல்ல போறேன்!
சோறு தண்ணி சேரலைனு,
சொல்ல போறேன்!

புதுசா புளுகாம,
ரொம்ப பெருசா வழியாம,
அடி எப்ப நீ எனக்கு
பொண் ஜாதியா
ஆக போறேன்னு ?  
அப்பாவியா
நானே… கேட்டு…
வர போறேன்!

என் ஆள
பார்க்க போறேன்…
பார்த்த செய்தி
பேசப் போறேன்…

அதிவிரைவில் அடுத்த பாடலுடன் இணைவோம், மகிழ்வோம்.

ஒருகிளி ஒருகிளி

நண்பர்களுக்கு இசையுடன் கூடிய வணக்கங்கள்,

            இன்று இடம் பெற இருக்கும் பாடல் காதல் கலந்த வரிகள் கொண்ட பாடல். வாலி அவர்கள் வரிகளோடு இசை மெருகேற…  காதல் வரிகளில் நனையலாம். மிகவும் பிரபலாமாகாவிட்டாலும், பாடல் கேட்க மென்மையும் அருமையாக இருக்கிறது. ஸ்ரேயா கோஷல் மற்றும் சதீஷ் சக்கரவர்த்தி பாடிய பாடல் “ஒருகிளி ஒருகிளி “, இடம் பெற்ற படம் “லீலை“. இந்த பாடலை லூப்பில் போட்டு கேட்க சலிப்பே வராது .

      ஹீரோ நாயகிமீது காதல் கொண்டு அவளை சுற்றுகிறான், அவளும் தன் காதலை அவனிடம் கூறி வியந்து, உருகி மெழுகாக பாடுவது போல் அமைக்கப் பெற்றுள்ளது. குரலின் மென்மை வேறுலக்திற்கே அழைத்து செல்வது போல் உள்ளது பாடலை ரசிப்போம் வாருங்களேன்..

vaali

படம் : லீலை
இசை : சதீஷ் சக்கரவர்த்தி
பாடலாசிரியர் : வாலி
பாடியவர்கள் : ஷ்ரேயா கோஷல் , சதீஷ் சக்கரவர்த்தி

ஒருகிளி ஒருகிளி சிறுகிளி
உன்னைத் தொடவே அனுமதி

ஒரு துளி ஒரு துளி
வழிகிறதே விழிவழி

உனக்குள் நான் வாழும்
விவரம் தான் கண்டு
வியக்கிறேன் ..வியக்கிறேன்

எனக்கு நானல்ல
உனக்குத்தான் என்று உணர்கிறேன்

நிழலென தொடர்கிறேன்

ஒருகிளி ஒருகிளி சிறுகிளி ….

விழி அல்ல விரலெது
ஓர் மடல் தான் வரைந்தது
உயிரல்ல உயிலது
உனக்குத்தான் உரியது…

இமைகளில் இடையில் நீ
இமைப்பதை நான் தவிர்க்கிறேன்
விழிகளில் வழியில் நீ
உறக்கம் வந்தால் தடுக்கிறேன்..

காதல் தான்….
எந்நாளும் ஒரு வாரத்தைக்குள் வராதது

காலங்கள் சென்றாலும்
அந்த வானம் போல் விழாதது

ஒருகிளி ஒருகிளி….

தூரத்து மேகத்தை
துரத்திச் செல்லும் பறவை போலே
தோகையே …
உன்னை எண்ணி நான்
தேடி வருவேன் இங்கே..

பொய்கை போல் கிடந்தவள்
பார்வை என்னும் கல்லெறிந்தாய்
தேங்கினேன் உன்கையில்
வழங்கினேன் இன்றே….

தோழியே உன் தேகமென்னும்
தென்றல் தான் தொடாததோ…

தோழனே உன் கைகள் தொட
நாணம் தான் விடாததோ

ஒருகிளி ஒருகிளி…

 

 இனிய பாடலுடன் மீண்டும் சிந்திப்போம் !