பறவையாப் பறக்கிறோம் – கயல்

இசையின் வணக்கம்

கும்கி படத்தில் வரும் “எல்லா ஊரும் “ என்று பாட்டை போல, கயல் பாத்தில் வரும் பாடலிது. நாடோடி வாழ்கை, ஏது வந்தாலும் இலகுவாக எடுத்துக்கொள்ளும் மனம். சந்தோஷத்தை அளவில்லாமல் நுகரும், இளமை காளை பருவத்தில் உள்ள கதாநாயகனின் மனத்துடிப்பு. இயற்கையுடன் இயந்து வாழும் அவனது நாடோடி வாழ்க்கை, சிறு சிறு விஷயங்களையும் சிலிர்ப்புடன் அனுபவிக்கிறது. இமான் இசை உற்சாகமூட்டுகிறது. யுகபாரதி வரிகள், நாமும் அப்படி இருக்கலாமே என்று ஏங்க வைக்கிறது. ஹரிச்சரன் குரல் துள்ளல் ஆட்டம் போடா வைக்கிறது. ரசித்து மகிழலாம் வாருங்கள்.

Kayal Hero

பாடல்: பறவையாப் பறக்கிறோம்
இசை: இமான்
பாடலாசிரியர்: யுகபாரதி
பாடியவர்: ஹரிசரண்
படம்: கயல்

பறவையாப் பறக்கிறோம்,
காத்துல மெதக்குறோம்,
போற வழியில,
பூக்களா சிரிக்கிறோம்!
எங்க ஊரு ஒலக,
ஊரா நினைக்கிறோம்!

ஏ வீடு வாசல் வீதி
ஒன்னும் வேணாம்!
ஏ காடு மேடு கடலத்
தாண்டி போவோம்!
சூரியன் போல
நாங்க சுழலுவோம்,
சோகம் வந்தா
குப்பையில வீசுவோம்!

பூமி பந்து மேல
ஒத்துயடி பாத போடுவோம்.
அந்த வானவில்லு,
எங்களுக்கு சோடி.
தினம் வட்ட நிலா,
கூட சில்லு ஆடி.
மேகம் ஏறி,
வெரசா நடப்போமே.
அந்த மின்னல் கொடிய,
கயிறா திரிப்போமே!

பறவையா…

ஏ ஆடு மாடு கோழி
எங்களுக்கு கூட்டு!
அத போல வாழ
தேவையில்ல நோட்டு!
கண்டத வாங்கி
சேர்க்க நினைக்கல!
ஒரு தந்திரம் போட்டு
ஊர கெடுக்கல!
நாளை என்ன ஆகும்
எண்ணி வாழ மாட்டோம்!
இந்த சின்னம்சிறு பிஞ்சு போல
உள்ள வர துள்ளி விளையாட
காலம்பூரா கவல கிடையாதே
நானா போற பாத
எதுவும் முடியாதே

பறவையா பறக்கிறோம்
காத்துல மெதக்குறோம்!

மீண்டும் ஒரு நல்ல பாடலுடன் இணைவோம்

உண்மை ஒரு நாள் வெல்லும் – லிங்கா

இசை வணக்கம்

லிங்காவின் ஒரே சோகப் பாடல், ஆனால் இசையும் வரிகளும் மிளிர்கிறது. தலைவனுக்கேது தாழ்வு ? அவன் தோற்றாலும், அதில் ஒரு உண்மை இருக்கும். இது என்றுமே ரஜினி படத்தில் வரும் ஒரு கட்டம். இதற்காக பல படங்களில் பாடலகள் உண்டு : பட்ச்ஷா, அண்ணாமலை, பாபா.. என் பாட்டில் நீள்கிறது.

சத்தியத்தின் சங்கமம் நாயகன், ஆனாலும் அவனை சூது கவ்வுகிறது. ஆகாச குரல் அவனை நோக்கி பாடினால் எப்படி இருக்கும், என வைரமுத்து படம் பிடித்துள்ளார். தண்ணீர் மீது அணைக் கட்டும் ரஜினி சாகும்போது/துவண்டு விழும் போது வரும் பாடல் இது என நம்புகிறேன்.

குழலும், வயலினும் குலைந்து சோகத்தில் சோபைப் பெறுகின்றன. மெல்லிய மெட்டுடில் கரைந்துள்ளர் ஹரிசரண். பல ரஹ்மான் பாடல்களின் சாயல் இதில் உள்ளது. வைரமுத்துவின் வாரத்தை ஜாலங்களில் மோனைகளும், ஏதுகைகளும் அட்டகாசம்! நல்ல சங்க பாடல்களை, பழமொழிகளை இலகுவாக கையாளுகிறார். கேளுங்கள்.

Lingaa music release

பாடல்: உண்மை ஒரு நாள் வெல்லும்.
இசை: ஏ.ஆர்.ரஹ்மான்.
பாடலாசிரியர்: வைரமுத்து
பாடியவர்: ஹரிசரண்
படம்: லிங்கா

உண்மை ஒரு நாள் வெல்லும்.
இந்த உலகம் உன் பெயர் சொல்லும்.
அன்று ஊரே போற்றும் மனிதன்,
நீயே நீயே நீயேடா!
பொய்கள் புயல்போல் வீசும் ஆனால்,
உண்மை மெதுவாய் பேசும்!
அன்று நீயே வாழ்வில் வெல்வாய்
கலங்காதே… கலங்காதே… கலங்காதே…
கரையாத… கலங்காதே… கலங்காதே…

ராமனும் அழுதான்…!
தர்மனும் அழுதான்…!
நீயே அழவில்லை,
உனக்கோ அழிவில்லை!

சிரித்து வரும் சிங்கமுண்டு.
புன்னகைக்கும் புலிகள் உண்டு.
உரையாடி உயிர்குடிக்கும்,
ஓநாய்கள் உண்டு!
பொன்னாடை போர்த்து விட்டு,
உன்னாடை அவிழ்ப்பதுண்டு!
பூசெண்டில் ஒளிந்துநிற்கும்,
பூநாகம் உண்டு.

பள்ளத்தில் ஓர்
யானை வீழ்ந்தாலும்,
அதன் உள்ளத்தை
வீழ்த்திவிட முடியாது!

உண்மை ஒரு நாள்…..

சுட்டாலும் சங்கு நிறம்
எப்பொதும் வெள்ளையடா,
மேன்மக்கள் எந்நாளும்
மேன்மக்கள் தானே!
கெட்டாலும் நம் தலைவன்
எப்போதும் ராஜனடா!
வீழ்ந்தலும் வள்ளல் கரம்
வீழாது தானே!
பொன்னோடு மண்
எல்லாம் போனாலும்
அவன் புன்னைகையை
கொல்லையிட முடியாது!

உண்மை ஒருநாள்….

இனிய பாடலுடன், இணைய வழி இணைவோம்.

கண்ணே கனியே… – கோச்சடையான்

இசையுடன் நண்பர்களுக்கு வணக்கம் ,

கோச்சடையான் பாடல்களை அனைவரும் கேட்க ஆரம்பித்து இருப்போம். ஏ.ஆர்.ரஹ்மான் இசையில் அனைத்து பாடல்களும் அருமை . இப்பதிவில் நாம் காண இருக்கும் பாடல் – “ மணமகனின் சத்தியம் ”. நேற்று வெளிவந்தது – மணமகளின் சத்தியம். இப்பாடல் வரிகள் வெகுவாக நம்மை ஈர்க்கிறது. வைரமுத்துவிற்கு – அப்படி ஒரு காதல் வசியம் கைகூடுகிறது. ஹரிச்சரண் அவர்கள் குரலில் இன்னும் மேன்மை/மென்மை கொள்கிறது பாடல்.

கணவன் தன் அன்பு காதல் மனைவியை உருகி நினைத்தவாறே சத்தியங்கள்/ வாக்குகள் கொடுக்கிறான். தன் காதல் மனைவிக்கு  சின்ன சின்ன சத்தியங்களாக பலவற்றை கொடுக்கிறான். அவளின் உயிரின் உயிராக, தாயாக துணை நிற்பதாகவும் கணவனாகி உருகுகிறான் . இப்பாடலை வடிவமைத்த விதம் காண காத்து இருக்கிறேன். உருகும் வரிகளுடன் பாடலை ரசிப்போம் வாருங்களேன்

நண்பர்களின் கருத்து :

கேட்க இன்னுமொரு இனிய பாடல். பாடல் வரிகளின் உணர்வுகளை தூக்கி நிறுத்தும் மெல்லிய இசை சேர்த்த, ரஹ்மானை பாராட்டி தான் ஆக வேண்டும். ஹரிச்சரண் குரல் மென்மையாக ஒலிக்கிறது, ஆனால் ரஜினிக்கு சேருமா என்று தான் தெரியவில்லை. வைரமுத்து தன் பணியை செவ்வனே, சிறப்புற செய்துள்ளார்.
இப்பிறவியில் இன்னொரு பெண்ணை 
சிந்தையிலும் தொடேன் ! –
படித்த மாத்திரத்தில், ஸ்ரீ ராமர் தான் கண் முன் தோன்றுகிறார். கம்ப ராமாயணத்தின் சிறந்த வரிகளில் இதுவும் ஒன்று. சண்டை போடுவது பெண்கள் தான் என்று நான் சொல்லவில்லை, கவிஞர் சொல்கிறார். முழுமையான சத்தியங்கள், கனவுகள் முதல், உடல் ரீதியான உதவிகள் வரை அனைத்தும் உள்ள – கச்சிதமானதொரு  பாடல்.

படம் : கோச்சடையான் 
இசை : ஏ.ஆர்.ரஹ்மான்
பாடலாசிரியர் : வைரமுத்து
பாடல் : மனமகனின் சத்தியம்
பாடியவர் : ஹரிச்சரண்

கண்ணே கனியே
உன்னை கைவிடமாட்டேன்
சத்தியம் சத்தியம்
இது சத்தியமே !

மாலை சூடிய காலைக்
கதிரின் மேலே
சத்தியம் சத்தியம்
இது சத்தியமே !

ஒரு குழந்தை போலே
ஒரு வைரம் போலே
தூய்மையான என்
சத்தியம் புனிதமானது…

இப்பிறவியில் இன்னொரு பெண்ணை
சிந்தையிலும் தொடேன் !
பிறிதோர் பக்கம் மனம்
சாயா பிரியம் காப்பேன் !

செல்லக் கொலுசின் சிணுங்கல் அறிந்து
சேவை செய்வேன் !
நெற்றிப்பொட்டில் முத்தம் பதித்து
நித்தம் எழுவேன் !

கைப்பொருள் யாவையும் கரைத்தாலும்
கணக்கு கேளேன்…
ஒவ்வொரு வாதம் முடியும் போது
உன்னிடம் தோற்பேன் !

கண்ணே கனியே…

அர்த்த ஜாம திருடன் போல
அதிர்ந்து பேசேன் !
காமம் தீரும் பொழுதிலும் எந்தன்
காதல் தீரேன் !

நாத மலர்ச்சி மலரும் வயதில்
மார்பு கொடுப்பேன் !
நோய்நொடியுடன் நீ விழுந்தால்
தாய்மடியாவேன் !

சுவாசம் போல அருகில் இருந்து
சுகப்பட வைப்பேன் !
உந்தன் உறவை எந்தன் உறவாய்
நெஞ்சில் சுமப்பேன் !

உன் கனவுகள் நிஜமாக
எனையே தருவேன் !
உன் வாழ்வு மண்ணில் நீல
என்னுயிர் தருவேன் !

கண்ணே கனியே….

தூய்மையான என் சத்தியம்
புனிதமானது…

இசையுடன் இன்பமமும் சேரட்டும். மேலும் இனிய பாடல்கள் இசைப்பாவில் வரும். இசைப்பாவில் வந்துள்ள கோச்சடையான் பாடல்கள் :

கல்லாலே செஞ்சு வச்ச….

வருத்தத்துடன் வணக்கம்.

Vaaliஇசையில் இதுகாறும் திளைத்தவர்களுக்கு, இந்த ஆண்டு முழுக்க துன்பியல் நிகழ்வுகளே அதிகம். தொடர்ந்து இசைத்துறையின் பெரும் பேரரசர்கள் மறைந்து வந்துள்ளனர். இதோ இத்தனை ஆண்டு காலம் நம் செவிகளுக்கு நற்றமிழைத் தந்த வாலி இப்போது இல்லை. அவருக்காக இன்றைய பாடல்.

இன்றைக்கு ஒரு பாடல் வெளியிடு என்று என்னிடம் அண்ணன் சொன்னார். எந்த பாடல் என்ற முடிவின்றி வந்த எனக்கு கவிஞரின் மறைவுச் செய்தி கிட்டியது. இளையராஜா+வாலி என்பது 1980-களின் வெற்றிப்பாடல்களை வகைதொகை இல்லாமல் வழங்கிய கூட்டணி.

சித்திரையில் நிலாச்சோறு படத்தில்இப்பாடல்  இடம் பெறுகிறது. மிகவும் இனிமையான நயத்தில் ஒலிக்கும் இப்பாடல் இரவில் உறங்குவதற்கும் உதவும். பாடலை குலைக்காமல் இசையைக் கையாண்டிருக்கிறார் ராஜா. பாடல் மிக எளிய வரிகளிலேயே ஈர்க்கிறது. கடினமான பொருள்படும்படி, சந்தத்திற்காக வார்த்தைகளை அடுக்காமல் அருமையாக, எளிமையான வார்த்தைகளில் பாடலை வடித்துள்ளார் வாலி.

படம்: சித்திரையில் நிலாச்சோறு
பாடல்: கவிஞர் வாலி
இசை: இளையராஜா
பாடியவர்: பிரியதர்ஷினி

கல்லாலே செஞ்சு வச்ச சாமி இல்லை நீ!
கற்பூர தீபம் காட்டும் தெய்வமில்ல நீ!
எனக்காக மண்ணில் வந்த!
எனக்காக இந்த மண்ணில் வந்த!
என் தங்கமே! வைரமே! செல்வமே!

நந்தவனமா நீ இருந்தா நல்ல மலரா நானிருப்பேன்!
தேரு வந்து நின்னாக்கூட நீ அழகு!
மின்னல் வந்து போனாக்கூட நீதான் அழகு!
யானை மேல நீயமர்ந்து வலம் வரணும்!
நான் எப்போ எப்போ கேட்டாலும் நீ வரம் தரணும்!
நீ செய்கூலி, சேதாரம் இல்லாத….

என் தங்கமே! வைரமே! செல்வமே!

நிலவு இன்றி போனாலும் பூக்களின்றி போனாலும்
பொட்டு வச்ச சித்திரமா நீ எனக்கு வேணும்!
கொட்டி வச்ச உன்னழக என்னைக்குமே பாடும்!
தூங்கா விளக்கே நீ தூங்கையில நான்
தூங்காம கண்விழிச்சு காத்திருப்பேன்!
நீ வேணும் நிழலாக வாழ்வோடும்…

என் தங்கமே! வைரமே! செல்வமே!

இதே பாடல் சில வரிமாற்றங்களுடன்

பாடியவர்: ஹரிச்சரண்

இசைப்பா+

கவிஞர் வாலியின் இயற்பெயர் ரங்கராஜன்.
பிறந்தது திருச்சியில் திருப்பராய்த்துறை.

இன்னும் வாலியின் இனிய பாடல்களை தொடர்ந்து இசைப்பாவில் தர முடிவு செய்துள்ளோம். பெருங்கவிஞரின் மறைவுக்கு இசைப்பாவில் இசையஞ்சலியாக அது அமையும்.
ஆழ்ந்த இரங்கலுடன்,
இசைப்பா குழுவினர்

மேலும் வாலி பாடல்களுக்கு (படத்தை) சொடுக்கவும்:

cooltext1123981540

கும்கி பாடல்கள்!

அன்பு உள்ளங்களுக்கு ,

நாங்கள் சென்ற ஆண்டின் ”ஜம்போ ஹிட்” ஆன  திரைப்படமான கும்கியின் பாடல்களை வழங்க உள்ளோம். பிரபு சாலமன் இயக்கத்தில் வெளிவந்த கும்கியின்அனைவரையும் கவர்ந்த பாடல்களை தர உள்ளோம் .

எல்லா பாடல்களையும் எழுதியவர்  கவிஞர் யுகபாரதி. மேலும் பாடல்கள்  படமாக்கிய விதம் அருமை என்றே சொல்லுவேன். அத்தனை  காட்சிகளும் அப்பப்பா! கண்டிப்பாக பாராட்டியே ஆகவேண்டும். இயற்கையான சூழலையும் எளிமையான இயல்பையும் கொண்டு நல்ல வரவேற்பை பெற்றுள்ளது இப்படத்தின் பாடல்கள் .

இசையுள் குதிப்பதற்கு முன்னதாக:

இத்திரைப்படம் வெளிவந்து இத்தனை நாட்கள் கடந்து வெளியிடுவதற்கு வருத்தங்கள். இதை தீபாவளி சமயத்திலும், பின் பொங்கல் தருணத்திலும் முழுமையாக வெளியிடத் திட்டம் இருந்தது. பல்வேறு காரணங்களாலும், சூழல்களாலும் இவ்வளவு நாட்கள் தள்ளி வெளிவருகிறது. அதை ஈடுசெய்யும் விதமாக பல்வேறு புதிய முயற்சிகள் நடக்கின்றன.

இந்த கோடைகாலம் இசையால் உங்களுக்கு இன்பம் தரட்டும். இன்னும் இனிமையான பாடல்களை இங்கே தர விருப்பம். இப்போதைக்கு கும்கி.

படம் : கும்கி
இசை: டி.இமான்
பாடியவர்: மகிழினி மணிமாறன்.
பாடலாசிரியர் : யுகபாரதி.
பாடல் : சொய், 
சொய், சொய்… 

சொய் சொய்
சொய் சொய்

சொய்… சொய் சொய்… சொய்

கையளவு நெஞ்சத்தில கடலளவு ஆச மச்சான்!
அளவு ஏதும் இல்ல அது தான் காதல் மச்சான்!
நாம ஜோரா மண் மேல சேரா விட்டாலும்
நினைப்பே போதும் மச்சான்

சொய்… சொய் சொய்… சொய்

வானளவு விட்டத்தில வரப்பளவு தூரம் மச்சான்
அளவு தேவையில்லை அதுதான் பாசம் மச்சான்
நாம வேண்டி கொண்டாலும் வேண்டா விட்டாலும்
சாமி கேட்கும் மச்சான்

சொய்… சொய் சொய்… சொய்

ஏடளவு எண்ணத்துல எழுத்தளவு சிக்கல் மச்சான்
அளவு கோலே இல்ல அது தான் ஊரு மச்சான்
நாம நாலு பேருக்கு நன்மை செஞ்சாலே
அதுவே போதும் மச்சான்

சொய்… சொய் சொய்… சொய்

நாடளவு கஷ்டத்துல நகத்தளவு இஷ்டம் மச்சான்
அளவு கோலே இல்ல அது தான் நேசம் மச்சான்
நாம மாண்டு போனாலும் தூக்கி தீ வைக்க
உறவு வேணும் மச்சான்

சொய்… சொய் சொய்… சொய்

கையளவு நெஞ்சத்தில கடலலவு ஆச மச்சான்
அளவு ஏதும் இல்ல அது தான் காதல் மச்சான்
நாம காணும் எல்லாமே கையில் சேந்தாலே
கவலை ஏது மச்சான்

சொய்… சொய் சொய்… சொய்

சொய்… சொய் சொய்… சொய்

separator-notes

படம் : கும்கி
இசை: டி.இமான்
பாடியவர்: அல்போன்ஸ் ஜோசப்
பாடலாசிரியர் : யுகபாரதி.
பாடல் : நீ எப்போ புள்ள சொல்ல போற?

நீ எப்போ புள்ள
நீ எப்போ புள்ள

நீ எப்போ புள்ள சொல்ல போற?

நீ எப்போ புள்ள சொல்ல போற?
தப்பென்ன செஞ்சேன் தள்ளி போற?
நீ எப்போ புள்ள சொல்ல போற?
தப்பென்ன செஞ்சேன் தள்ளி போற?

நீ வெறும் வாய மெல்லாம ஒரு வார்த்தை சொல்லு!
சொல்ல பதிலேதும் இல்லனா அடியோடு கொல்லு!

நீ எப்போ… நீ எப்போ…?
நீ எப்போ புள்ள சொல்ல போற?

பக்குவமா சோறாக்கி, பட்டினியை நீ போக்கி
பெத்தவள கண்ணு முன்னே கொண்டு வந்த நேத்து
என்னாச்சு அந்த பாசம்? எதிலேயும் இல்ல வேசம்!
என் மேலே என்ன பூவே ரோசம்!
முள்ளாச்சே முல்லை வாசம்! வச்சேனே அள்ளி  நேசம்!
வேறென்ன செஞ்சேன் மோசம் மோசம்?

நீ எப்போ… நீ எப்போ…?
நீ எப்போ புள்ள சொல்ல போற?

வெள்ளி நிலா வானோட, வெத்தலயும் வாயோட,
என் உலகம் உன்னோட என்று இருந்தேனே!
யம்மாடி யென்ன சொல்ல, அன்பாலே வந்த தொல்ல!

உன் மேலே தப்பே இல்ல இல்ல!

என்னோட கண்ணுக்குள்ள கண்ணீரும் சிந்த இல்ல!
செத்தேனே இப்ப மெல்ல மெல்ல!

நீ எப்போ… நீ எப்போ…?
நீ எப்போ புள்ள சொல்ல போற?

நீ வெறும் வாய மெல்லாம ஒரு வார்த்தை சொல்லு!
சொல்ல பதிலேதும் இல்லனா அடியோடு கொல்லு!

நீ எப்போ… நீ எப்போ…?
நீ எப்போ புள்ள சொல்ல போற?

separator-notes

படம் : கும்கி
இசை: டி.இமான்
பாடியவர்கள்: ஷ்ரேயா கோஷல், ரஞ்சித்
பாடலாசிரியர் : யுகபாரதி.
பாடல் : சொல்லிட்டாளே அவ காதல!

சொல்லிட்டாளே அவ காதல!
சொல்லிட்டாளே அவ காதல!

சொல்லிட்டாளே அவ காதல!

சொல்லிட்டாளே அவ காதல
சொல்லும் போதே சுகம் தாளல
இது போல் ஒரு வார்த்தையே
யாரிடமும் நெஞ்சு கேக்கல
இனி வேறொரு  வார்த்தைய
கேட்டிடவும் எண்ணிப்  பாக்கல
அவ சொன்ன சொல்லே போதும்
அதுக்கு ஈடே இல்லை
ஏதும்… ஏதும்…

சொல்லிட்டேனே இவன்  காதல
சொல்லும் போதே சுகம் தாளல
இது போல் ஒரு வார்த்தையே
யாரிடமும் சொல்ல தோணல
இனி வேறொரு வார்த்தைய
பேசிடவும் எண்ணம் கூடல
உனதன்பே ஒன்றே போதும்
அதுக்கு ஈடே இல்லை
ஏதும்… ஏதும்…

அம்மையவ சொன்ன சொல் கேக்கல
அப்பனவன் சொன்ன சொல் கேக்கல
உன்னுடைய சொல்ல கேட்டேன்
ரெண்டு பேர ஒன்னா பாத்தேன்

மனசயும் தொறந்து சொன்னா
எல்லாமே கிடைக்குது உலகத்துல
வருவத எடுத்து சொன்னா
சந்தோஷம் முளைக்குது இதயத்துல

அவ சொன்ன சொல்லே போதும்
அதுக்கு ஈடே இல்லை
ஏதும்… ஏதும்…

சொல்லிட்டேனே இவ காதல

சொல்லிட்டாளே அவ காதல

எத்தனையோ சொல்லு சொல்லாமலே
உள்ளத்திலே உண்டு என்பார்களே
சொல்லுறதில் பாதி இன்பம்
சொன்ன பின்னே ஏது துன்பம்

உதட்டுல இருந்து சொன்னா
தன்னாலே மறந்திடும் நிமிசத்துல
இதயத்தில் இருந்து சொன்னா
போகாம நிலச்சிடும் உதிரத்துல

அவ சொன்ன சொல்லே போதும்
அதுக்கு ஈடே இல்லை
ஏதும்… ஏதும்…

சொல்லிட்டேனே இவ காதல
சொல்லும் போதே சுகம் தாளல
இது போல ஒரு வார்த்தைய
யாரிடமும் செல்ல தோணல
இனி வேறொரு வார்த்தைய
பேசிடவும் எண்ணம் கூடல
உனதன்பே ஒன்றே போதும்
அதுக்கு ஈடே இல்லை
ஏதும்… ஏதும்…

separator-notes

படம் : கும்கி
இசை: டி.இமான்
பாடியவர்: டி.இமான்
பாடலாசிரியர் : யுகபாரதி.
பாடல் : ஒண்ணும் புரியல சொல்ல தெரியல

ஒண்ணும் புரியல
ஒண்ணும் புரியல

ஒண்ணும் புரியல சொல்ல தெரியல
கண்ணு முழியில கண்ட அழகுல
ஆசை கூடுதே!

உச்சந்தலையில, உள்ள நரம்புல,
பத்து விரலுல தொட்ட நொடியில
சூடு ஏறுதே!

நெத்தி போட்டு தெறிக்குது
விட்டு விட்டு ரெக்கை முளைக்குது
நெஞ்சுக் குழி அடைக்குது மானே!

மனம் தத்தி தாவியே
தறி கெட்டு ஓடுது
உயிர் உன்னை சேரவே
ஒரு திட்டம் போடுது
ஹேய் ஹேய் யேலே…
(ஒண்ணும் புரியல)

அலையிற பேயா அவளது பார்வை
என்ன தாக்குது வந்து என்ன தாக்குது!
பரவுற நோயா அவளது வாசம்
என்னை வாட்டுது நின்னு என்னை வாட்டுது!
அவளது திரு மேனி வெறி கூட்டுது
அவளிடம் அடி வாங்க வழி காட்டுது
அவ என்ன பேசுவா அத எண்ண தோனுது
அவ எங்க தூங்குவா அத கண்ணு தேடுது
ஹேய் ஹேய் யேலே…
(ஒண்ணும் புரியல)

கதிர் அருவாளா மனசயும் கீறி
துண்டு போடுறா என்ன துண்டு போடுறா
கலவர ஊரா அவ உருமாறி
குண்டு போடுறா செல்ல குண்டு போடுறா
விழியில் பல நூறு படம் காட்டுறா
அறுபது நிலவாக ஒளி கூட்டுறா
அவ கிட்ட வந்ததும் தலை சுத்தியாடுது
அவ எட்டி போனதும் அட புத்தி  மாறுது
ஹேய் ஹேய் யேலே லே…

ஒண்ணும் புரியல சொல்ல தெரியல
கண்ணு முழியில கண்ட அழகுல…

separator-notes

படம் : கும்கி
இசை: டி.இமான்
பாடியவர்: ஹரிச்சரண்
பாடலாசிரியர் : யுகபாரதி.
பாடல் : அய்யய்யயோ ஆனந்தமே!

அய்யய்யய்யோ ஆனந்தமே!
அய்யய்யய்யோ ஆனந்தமே!

அய்யய்யயோ ஆனந்தமே!
நெஞ்சுக்குள்ளே ஆரம்பமே!

நூறு கோடி வானவில்
மாறி மாறி சேருதே!
காதல் போடும் தூறலில்
தேகம் மூழ்கி போகுதே!

ஏதோ ஒரு ஆச!
வா வா கதை பேச
அய்யய்யோ…

அய்யய்யய்யோ… ஓ… ஓ… அய்யய்யய்யோ…

உன்னை முதல் முறை கண்ட நொடியில்
தண்ணிக்குள்ளே விழுந்தேன்
அன்று விழுந்தவன் இன்னும் எழும்பல
மெல்ல மெல்ல கரைந்தேன்
கரை சேர நீயும் கையில் ஏந்த வா
உயிர் காதலோடு நானும் நீந்தவா

கண்களில் கண்டது பாதி
வரும் கற்பனை தந்தது மீதி
தொடுதே… சுடுதே… மனதே…

அய்யய்யயோஆனந்தமே!
நெஞ்சுக்குள்ளே ஆரம்பமே!

கண்கள் இருப்பது உன்னை ரசித்திட
என்று சொல்ல பிறந்தேன்!
கைகள் இருப்பது தொட்டு அனைத்திட
அள்ளிக் கொல்ல துணிந்தேன்
எதற்காக கால்கள் கேள்வி கேட்கிறேன்?
துணை சேர்ந்து போக தேதி பார்க்கிறேன்!

நெற்றியில் குங்குமம் சூட
இள நெஞ்சினில் இன்பமும் கூட
மெதுவா… வரவா… தரவா…

அய்யய்யயோ ஆனந்தமே!
நெஞ்சுக்குள்ளே ஆரம்பமே!

நூறு கோடி வானவில்
மாறி மாறி சேருதே!
காதல் போடும் தூறலில்
தேகம் மூழ்கிப் போகுதே!

ஏதோ ஒரு ஆச!
வா வா கதை பேச!
அய்யய்யயோ…

separator-notes

படம் : கும்கி
இசை: டி.இமான்
பாடியவர்கள்: டி.இமான், பென்னி தயாள்
பாடலாசிரியர் : யுகபாரதி.
பாடல் : எல்லா ஊரும் எங்களுக்கு சொந்த ஊருங்க

எல்லா ஊரும்
எல்லா ஊரும்

தனனானனனானே… தனனானனனானே…
தனனானனனானே… தனனானே…

எல்லா ஊரும் எங்களுக்கு சொந்த ஊருங்க
யானையோடு சேத்து நாங்க நாலு பேருங்க
நம்பிக்கைய நம்பி உங்க வாழ்க்கை போகுது
தும்பிக்கைய நம்பி எங்க காலம் ஓடுது

நின்ன இடத்துல சோறு!
நீட்டி படுக்கையில் தூக்கம்!
என்ன எது நடந்தாலும் சிரிப்போமே!

கண்ணு முழிச்சதும் வேலை!
கைய விரிச்சதும் கூலி!
அள்ளிக் கொடுப்பது நீங்க…. மதிப்போமே!

தந்தானானே… நானே நானே…
தந்தானானே நானேனா…
தானானே தானானே னா…

வீதியெல்லாம் சுத்தி வித்த காட்டுறோமுங்க
வேலியில்லாக் காற்றப் போல வாழுறோமுங்க
யானை பலம் வேணுமுன்னு சொன்னதாருங்க?
எங்க பலம் யானையினு சொல்லுவோமுங்க!

முங்கி குளிச்சுட ஆறு!
முட்ட நடந்திட ரோடு!
லுங்கி மடிப்புல பீடி!
ஒளிப்போமே!

நல்ல துணி கிடையாது!
தங்க இடம் கிடையாது!
உங்க ரசிப்புல நாங்க
பொழப்போமே!

*இதுதவிர ஒண்ணும் புரியல, சொல்லிட்டாளே அவ காதல, அய்யய்யோ ஆனந்தமே கரோக்கிகளும் (Karoke),  சோக வடிவில் மீண்டும் ஒருமுறை (A lady & The violin ) இடம்பெறுகிறது.

தற்போது இசைப்பா தளம் 10,000 பார்வைகளைக் கடந்து போய்க்கொண்டிருப்பது மிகுந்த மகிழ்ச்சி அளிக்கிறது. தொடர்ந்த ஆதரவுகளுக்கு நன்றி. குறைகளோ, திருத்தங்களோ இருப்பின் சொல்லலாம். மாற்றங்களுக்கு தயாராக உள்ளோம். தங்களின் மேலான ஆதரவிற்கு நன்றி.