பாட்டு உன் காதிலே…

இசையில் திளைக்கும் அனைவருக்கும் இனிய வணக்கம்.

இசைப்பாவின் நூறாவது பதிவு. (நூறாவது பாடலை ஏற்கனவே கடந்து விட்டோம்). கடந்து வந்த பாதை பிரிமிப்பை ஊட்டுகிறது, அதே சமயம் எங்கள் சோம்பலையும் உணர்த்துகிறது. எப்படியோ, பலரை தரமான வரிகளின் பக்கமும், தேன் தமிழ் பக்கமும் ஆர்வத்தை தூண்டியதில், அளவில்லா மகிழ்ச்சி.

இசைப்பா 100

90’கள் தாண்டி, தனக்கென ஒரு நவீன ராஜபாட்டையை தானே வகுத்துக் கொண்டு, இன்றுவரை மிடுக்குடன் வெற்றிகளை குவிக்கும் ஒரே கவிஞர் வைரமுத்து தான். என்ன தான் நடிகனாக இருந்தாலும், இசையின் மீது அடங்காத ஆர்வமும், வேட்கையும் கொண்டவர் கமல்ஹாசன். இருவருக்கும் சமீபத்தில் பத்மபூசன் விருது வழங்கி இந்திய அரசு பெருமைப்படுத்தியது. அவர்களின் தசாவதார கூட்டணியில் இது ஒரு துளி, இதோ. அறுபதாம் அகவையை தொடும் இருவருக்கும் நம் வாழ்த்துகளை சொல்லி கொள்ளுவோம்.

தமிழ் தெரிந்த ஹிந்தி பாடகர், இசை விழாவிற்காக வருகிறார். தொண்டையில் புற்றுநோய் இருப்பதாக அறியப்படுகிறது. தனது கடைசி பெரும் விழாவில், தனது முழு மனதையும், உற்சாகத்தையும் செலுத்தி பாடுகிறார். இசையை பற்றி இன்ப மழைப் பொழிகிறார். இசைப்பாவின் முதல் அறிமுக பதிவிலேயே இதன் வரிகள் சில இடம் பெற்றுள்ளது. துள்ளலான இசை, நறுக்கென வரிகள்,கண்கள் செருகும் சுகம் கொடுக்கும் குரல், ரசிக்கலாம் வாருங்கள்.

படம் : தசாவதாரம்
பாடலாசிரியர் : வைரமுத்து
பாடியவர்: கமல்ஹாசன்
இசை : ஹிமேஷ் ரேஷ்மியா

பாட்டு உன் காதிலே,
தேனை வார்க்கும் !
பாட்டு உன் கண்களில்,
நீரை வார்க்கும் !

உடல் பூமிக்கே போகட்டும்
இசை பூமியை ஆளட்டும் !

ஓ ஓ சனம்
ஓ ஓ சனம்
ஓ ஓ !

காட்டை திறக்கும் சாவி தான் காட்டு ?
காதை திறக்கும் சாவி தான் பாட்டு !

பாட்டு உன்…

நீ என்பதை பொல்லாத நான் என்பதை
ஒன்றாகி நாம் செய்வது பாடல் தான்

யார் நெஞ்சிலும் மிருகத்தின் தோல் உள்ளது
அதை மாற்றி ஆள் செய்வது பாடல் தான்
கடவுளும் கந்தசாமியும்
பேசிக் கொள்ளும்
மொழி பாடல் தான்

மண்ணில் நாம் வாழ்கிற காலம் கொஞ்சம்
வாழ்ந்திடும் சுவடுகள் எங்கே மிஞ்சும் ?

எண்ணி பாரடா மானுடா !
என்னோடு நீ பாடடா !

ஓ ஓ சனம்…

பூ பூக்குதே
அதன் வாழ்வு ஏழ்(ழு) நாட்களே
ஆனாலும் தேன் தந்து தான் போகுதே

நம் வாழ்க்கையில்
வாழ்நாளில் யார் கண்டது ?
என் நெஞ்சம் நீ வாழவே பாடுதே

வீழ்வது யாராகினும்
வாழ்வது நாடாகட்டும்

காலம் உன் உதடுகள் மூடும் போதும்
காற்று உன் வரிகளை மீண்டும் பாடும்

நீ பாடினால் நல்லிசை
உன் மௌனமும் மெல்லிசை

ஓ ஓ சனம்…

வரும் ஜூலை 13ஆம் தேதி, கவிஞர் வைரமுத்து தனது அறுபதாம் பிறந்தநாளை கோவையில் கொண்டாடுகிறார். இசைப்பாவில் இன்று முதல் வைரமுத்து வாரம் தொடங்குகிறது. வாழ்த்தி மகிழுங்கள்.

 

கல்லை மட்டும் கண்டால்

வணக்கம். தொடர்ந்து கவிஞர் வாலி அவர்களின் மறைவுக்காக இரங்கல் செலுத்தும் பொருட்டு பாடல்களைத் தந்து வருகிறோம். இன்றும் ஒரு இனிய பாடல். பாடல் பற்றிய சுவையான சம்பவத்துடன் கல்யாண் குமார் (புதிய தலைமுறை உதவி ஆசிரியர் மற்றும் கே.எஸ்.ரவிக்குமார் படங்களின்  திரைக்கதை விவாதங்களில் ஈடுபடுபவர்.) தனது facebook பக்கத்தில் எழுதியது.

வாலி மறைந்தார்…..

உதவி இயக்குனராக அவரோடு சில படங்கள் பணியாற்றி இருக்கிறேன். கடைசியாக தசாவதாரம். அந்தப் படத்தின் முதல் பாடல். ட்யூன் கொடுத்தாயிற்று. இரண்டொரு நாட்கள் கழித்து ’பாட்டு ரெடிப்பா எங்க மீட் பண்ணலாம் ?’ என்று இயக்குனர் கே.எஸ்.ரவிகுமாரிடம் கேட்கிறார். கமல் ஆபீஸில் சந்திக்க ஏற்பாடு. நானும் இயக்குனரும் கமல் ஆபீஸ் நோக்கி பயணிக்கிறோம் காரில். வாலி, vaaliவாலியிடமிருந்து போன்.

‘பாட்டு ரெடிப்பா. நீ பணத்தோடதானே வர்ற?’

இயக்குனரோ ’ஆமாண்ணே ப்ரொடியூசர்கிட்ட இருந்து பணம் வாங்கிட்டேன்.

’ செக் இல்லையே? கேஷ்தானே? மறுபடி ஒரு கேள்வி.

‘ஆமாண்ணே கேஷ்தான்’ – இது இயக்குனரின் பதில்.

ஆழ்வார்பேட்டை கமல் ஆபீஸ். மும்பை இசையமைப்பாளரின் ட்யூனை அங்குள்ள பெரிய டேப் ரிக்கார்டரில் ஒலிக்கச் செய்கிறார், கமல். கூடவே வாலி தான் எழுதி வந்த வரிகளை உரக்கப் பாடுகிறார். கமலும் இயக்குனரும் ரசித்துக் கேட்கிறார்கள். கூடவே நானும்.

அந்த பாடல் வரிகளில் கமலின் தந்தை பெயரும் தாயார் பெயரும் வருகிறது. கமல் முகத்தில் சந்தோஷம். ட்யூனுக்கு வார்த்தைகள் பொருந்தியதில் இயக்குனருக்கு மகிழ்ச்சி. ஒரு மணி நேரத்தில் அந்த சந்திப்பு முடிந்து போகிறது. இயக்குனர் கொடுத்த ஐம்பதாயிரம் ரூபாய் பணத்தை வாங்கி தன் ஜிப்பா பைக்குள் வைத்துக் கொள்கிறார் வாலி. அவரது பாடல் வரி பேப்பர்களை பத்திரப்படுத்திக் கொள்கிறார் கமல். அடுத்த சில நாட்களில் அதன் ரிக்கார்டிங் மும்பையில். பாடல் பதிவாகி அடுத்தவாரம் அதை முழுப்பாடலாக நான் கேட்கிறேன். அதுதான் தசாவதாரம் படத்தில் நீங்களும் கேட்டு ரசித்த அந்தப் பாடல்….

கல்லை மட்டும் கண்டால்……. கடவுள் தெரியாது….

அந்த இனிய பாடல் உங்களுக்கு :

படம்: தசாவதாரம் (2008)
இசை: ஹிமேஷ் ரேஷ்மியா
பாடியவர் : ஹரிஹரன்
வரிகள்: வாலி 

 
தசாவதாரம் கமல்

ஓம் நமோ நாராயணாய …!

கல்லை மட்டும் கண்டால்
கடவுள் தெரியாது.
கடவுள் மட்டும் கண்டால்
கல்லடி தெரியாது.

எட்டில் ஐந்து எண்
கழியும் என்றும்
ஐந்தில் எட்டு
ஏன் கழியாது ?

அஷ்ட அட்சரம் ஏற்கும் நெஞ்சு
பஞ்ச அட்சரம் பார்க்காது

ஊனக் கண்ணில் பார்த்தால்
யாவும் குற்றம்தான்
ஞானக் கண்ணில் பார்த்தால்
யாரும் சுற்றம்தான்

{சைவர்கள்…}

மண்ணுக தில்லை வளர்க
நம் பக்தர்கள் வஞ்சகர் போய் அகல
பொன் நின் செய் மண்டபத்து உள்ளே
புகுந்த புவனனி எல்லாம் விளங்க

{வைணவர்கள்…}

பல்லாண்டு பல்லாண்டு
பல்லாயிரத்தாண்டு பலகோடி நூறாயிரம்
மல்லாண்ட தின் தோல் மணிவண்ணா – உன்
சேவடி செவ்வி திருக்காப்பு

இல்லை என்று சொன்ன
பின்பும் இன்றியமையாது
தொல்லை தந்தபோதும்
எங்கள் தில்லை மாறாது

வீரசைவர்கள் முன்னால்
எங்கள் வீரவைணவம் தோற்காது
மன்னன் சொல்லுக்கு அஞ்சி என்றும்
மேற்கில் சூரியன் உதிக்காது

 

ராஜலக்ஷ்மி நாயகன்
ஸ்ரீனிவாசன்தான்
ஸ்ரீனிவாசன் சேய் – இந்த
விஷ்ணுதாசன் நான்

நாட்டில் உண்டு
ஆயிரம் ராஜராஜர்தான்
ராஜனுக்கு ராஜன்
இந்த ரங்கராஜன்தான்

(கல்லை மட்டும்)

நீருக்குள்ளே மூழ்கினாலும்
நீதி சாகாது
நெஞ்சுக்குள்ளே வாழும்
எங்கள் ஜோதி சாகாது

வீசும் காற்று வந்து
விளக்கணைக்கும்.
வெண்ணிலாவை
அது அணைத்திடுமா?

கொட்டும் வான்மழை
நிலம் நனைக்கும்
அந்த வானம் தன்னை
அது நனைத்திடுமா ?

சைவம் என்று பார்த்தால்
தெய்வம் தெரியாது
தெய்வம் என்று பார்த்தால்
சமயம் கிடையாது

(கல்லை மட்டும்..)

இன்று இசையமைப்பாளர் ஹிமேஷ் ரேஷ்மியா அவர்களின் பிறந்தநாள். ட்விட்டர் தளத்தில் ட்ரெண்ட் ஆகிக்கொண்டிருக்கிறது. இந்தியாவில் ஏ.ஆர் ரஹ்மான் அவர்களுக்கு அடுத்தபடியாக அதிக சம்பளம் பெறுகிற இசையமைப்பாளராக இருந்த இவர் புகழின் உச்சியில் இருந்தபோது நடிப்பின் மேல் விருப்பம் கொண்டு இசைக்கு முற்றுப்புள்ளி வைத்த போதிலும் ரசிகர்கள் அதிகமாகிக் கொண்டே இருக்கிறார்கள். தமிழில் முதல் படம் பொம்மலாட்டம். ஆனால் திரைக்கு முதலில் வந்ததும், வெற்றி பெற்றதுமான படம் தசாவதாரம். ஹிமேஷ் ரேஷ்மியா அவர்களுக்கு இசைப்பாவின் வாழ்த்துகள்.

இசைப்பா +

அம்மா, பொய்க்கால் குதிரைகள், நிஜ கோவிந்தம், பாண்டவர் பூமி, கிருஷ்ண விஜயம், அவதார புருஷன் என 15 புத்தங்கள் எழுதி இருக்கிறார் வாலி. சிறுகதை, கவிதை, உரைநடை என எல்லா வகையும் இதில் அடக்கம்!

இன்னும் வாலியின் இனிய பாடல்களை தொடர்ந்து இசைப்பாவில் தர முடிவு செய்துள்ளோம். பெருங்கவிஞரின் மறைவுக்கு இசைப்பாவில் இசையஞ்சலியாக அது அமையும்.

ஆழ்ந்த இரங்கலுடன், இசைப்பா குழுவினர்

மேலும் வாலி பாடல்களுக்கு (படத்தை) சொடுக்கவும்:

cooltext1123981540